10/11/2025
🟣 «Օկոն Հայլենդս» քոթեջներ և ճամբարատեղի՝ ներդաշնակություն մարդու, բնության և բիզնեսի միջև
Պատկերացրեք՝ կանգնած եք լեռների լռության մեջ, երբ հանկարծ ձեր դիմաց հայտնվում է կովկասյան ընձառյուծը։ Այդ պահը կարող էր դառնալ կյանքի ավարտը, բայց Արման Գաբրիելյանի համար՝ դարձավ նոր կյանքի սկիզբ։ Այդ հանդիպումն ամբողջովին փոխեց նրա աշխարհայացքը. նա դարձավ Բնության համաշխարհային հիմնադրամի (WWF) կովկասյան ընձառյուծի խնամակալ՝ իր կյանքը կապելով բնության պահպանության գաղափարի հետ։
Տարիներ անց՝ հենց նույն վայրում, նա ստեղծեց մի բիզնես, որը դարձավ կենսաբազմազանության պահպանման, բնության արժևորման և մարդու ու բնության ներդաշնակ համակեցության խորհրդանիշը։ 🌄
LILA ծրագրի աջակցությամբ ծնվեց «Օկոն Հայլենդս» Քոթեջներ և Ճամբարատեղին՝ ամբողջությամբ նոր զբոսաշրջային ուղղություն և յուրահատուկ էկոտուրիզմային նաաձեռնություն, որտեղ յուրաքանչյուր քարը, ծառն ու լեռը պատմում են վերածննդի և պատասխանատու բիզնեսի պատմություն։
Ծրագրի շրջանակում կառուցվեցին ժամանակակից քոթեջներ, տեղադրվեցին արևային էներգիայի համակարգեր, տրամադրվեց մարկետինգային և գործարար համագործակցության աջակցություն, ինչպես նաև ստեղծվեցին նոր աշխատատեղեր՝ խթանելով համայնքային զարգացումը և կայուն տնտեսական ակտիվությունը։🏡☀️📈
Այսօր «ՕԿՈՆ Հայլենդս» քոթեջներ և ճամբարատեղին առաջարկում է ոչ միայն բնության հետ ներդաշնակ հանգիստ, այլև off-road արկածներ, ձիավարություն և հետիոտնային արշավներ` հնարավորություն տալով այցելուներին բացահայտելու Հայաստանի բարձրավանդակի անմշակ գեղեցկությունը։
Այն միավորել է բնապահպանական մոտեցումը և համայնքային զարգացումը՝ ձևավորելով կայուն զբոսաշրջության արդյունավետ մոդել, որը միաժամանակ խթանում է համայնքային բիզնեսն ու պահպանում շրջակա միջավայրը։ 🌲💚
«Հայաստանի կենդանի լանդշաֆտները շուկայի զարգացման համար» ( #ԼԻԼԱ) ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում է Բնության համաշխարհային հիմնադրամի հայաստանյան մասնաճյուղի (WWF-Հայաստան) և «Ռազմավարական զարգացման գործակալություն» (ՌԶԳ) ՀԿ-ի համատեղ ջանքերով։
