Sagamba Burundi

23/04/2015

Amahoro neza!

Mbe hari ico mwoterera kuri bino vyiyumviro n'ibibazo vy'umwe mubakurikira ikiganiro canyu?

"Iki kiganiro ni nkoramutima ku Burundi no kuri kazoza kabwo.

Nari mfise utubazo dukeyi.

Wumvirije amajambo avugwa n’abakuru b’ibihugu vya America, Ubufaransa n’ahandi mu bihe bikomeye mu buzima bw’ibihugu vyabo, urumva gose ko bavuga intumbero n’imigambi bihaye bafatiye ku karangamutima (valeurs et principes) ngenderwako k’ibihugu vyabo. Mbere kenshi babanza kuvuga iyo bavuye, aho bageze n'iyo bariko baraja. Bakibutsa mbere imico y'urufatiro yatumye bagera aho bageze.

Ngaha iwacu, ubushingantahe bwabaye inkingi y’amahoro n’itekane mu buzima bw’igihugu kuva haheze ibinjana bingahe.
Muri kino gihe, ni nkuko uwo mushinge utabonwa kumwe mu bantu barongoye kino gihugu.

Iyo abantu batabona kumwe imico n’ibirangamutima vy’igihugu cabo, vyogora ingene bobona kumwe canke bosenyera ku mugozi umwe mu bijanye na kazoza kabo.

Utubazo rero ni utu :
1. Mbega hoba hariho umuco Abarundi boshingirako kugira ngo bubakireko imigambi yabo ya kazoza?
2. Mbega birakenewe ko ibanga ry’Ubushingantahe ryoba nk’umushinge mu vya politique n’intwaro?
3. Hokorwa iki kugira ngo Abarundi babone kumwe ivyabaranze muri kahise, n’ivyo bakeneye muri kazoza?"

Mwe mwoba muvyibazako iki?

20/04/2015

“Tugire amahoro!”

Mbe iyi ndamutso iranga abarundi isigura iki? Amahoro asigura iki? Ava he? Arangwa n’iki? Ni kuki tuyakeneye? Tuyarondera gute? Twoyabungabunga gute?
Duhejeje kwumviriza ingene abanyagihugu bamwe bamwe batahura ikibazo c’amahoro, abatumire mu kiganiro cacu ca kabiri Ambassadeur Balthazar Habonimana arongoye inama y’abashingantahe mu Burundi, n’umugwizatunga Steve Ndabambalire, baradufashije kwishura ivyo bibazo, no gutahura ingene n’igituma dukwiye gutsimbataza amahoro mu Burundi, na canecane muri bino bihe vy’amatora.

---

“Peace be with us!”
This is the way Abarundi greet each other.

For our second show, we went around and asked regular citizens what peace really means to them. Then we took it back to the studio where Ambassador Balthazar Habonimana and businessman Steve Ndabambalire, our guests, helped us further understand where peace comes from, what it requires, why we need it, how we can get it and make it prevail. The question of peace is very important especially as we prepare for general elections.

“Tugire amahoro!” Mbe iyi ndamutso iranga abarundi isigura iki? Amahoro asigura iki? Ava he? Arangwa n’iki? Ni kuki tuyakeneye? Tuyarondera gute? Twoyabungabunga gute? Duhejeje kwumviriza ingene aban

17/04/2015

Abamenyeshamakuru Evariste Nzikobanyanka na Teddy Mazina, n'abatumire Ambassadeur Balthazar Habonimana na Steve Ndabambalire, bariko barasesangura ikibazo c'amahoro. Nimucumvirize mukanya kuri Bonesha FM (10H), no kuri CCIB FM+ (18:15 unomunsi) na RPA (15:00 ejo) unomunsi n'ejo.

---

Journalists Evariste Nzikobanyanka and Teddy Mazina, with guests Ambassador Balthazar Habonimana and Steve Ndabambalire, discussing the concept of peace. You can catch their show in a moment on BONESHA FM (10AM), and later today or tomorrow on CCIB FM (18:15 today) + and RPA (15:00 tomorrow).

13/04/2015

Mu kiganiro cambere, umwigisha wa kaminuza Denis Bukuru, umutohoji wa kahise n’akaranga k’abarundi yaradufashije gutahura neza ikibazo c’amoko mu Burundi, duhereye muri kahise, gushika ubu. Abamenyeshamakuru Evariste Nzikobanyanka na Teddy Mazina baremesheje ikiganiro baramubajije imvo n’imvano vy’ubwoko mu Burundi, insiguro abarundi baha amoko, uko ugutahura ubwoko vyagiye birahinduka, n’umuti twotorera ibibazo bifatiye ku bwoko. Queen Belle Monique Nyeniteka yarashikiriye abanyagihugu arababaza ikibanza ubwoko bufise mu buzima no mu mibano yabo.

---

In our first show, University Professor Denis Bukuru, researcher in Burundian History and culture, helped us understand the ethnic problem in Burundi, beginning from the conception of identity in ancient Burundi until today. Answering to questions of journalists Evariste Nzikobanyanka and Teddy Mazina, he took us through the origins and meanings of ethnic and clan classifications, how the meanings evolved through time, and remedies for current day identity issues. Queen Belle Monique Nyeniteka our reporter took it to the streets and found out how such issues affect the lives and relationships of some Burundians.

Umwigisha wa kaminuza Denis Bukuru, umutohoji wa kahise n’akaranga k’abarundi aradufasha gutahura neza ikibazo c’amoko mu Burundi, duhereye muri kahise, gushika ubu. Abamenyeshamakuru Evariste Nzikoba

12/04/2015

Ejo, inkoko niyo ngoma! Abatashoboye kwumviriza ikiganiro cambere tuzobaha akaryo ko kucumviriza no kukibika baciye kuri runo rubuga! :)

Shared with Dropbox

11/04/2015

10/04/2015

"Les Citoyens" ni bande?

Umurwi Les Citoyens ugizwe n’abarundi bari mu Burundi n’abari hanze yabwo bahujwe n’urukundo bakunda igihugu cabo. Barajwe ishinga no kubona igihugu cacu dukunda kirangwa n’amahoro n’iterambere vy’umusesekara bivuye ku gukora neza no kwitanga kw’abo cibarutse. Ni co gituma abagize uyu murwi biyumviriye kubategurira ikiganiro ciswe Sagamba Burundi, ikiganiro bipfuza kubatumirira kwumviriza.

Umurwi Les Citoyens ugizwe n’Abarundi bari mu Burundi n’abari hanze yabwo bahujwe n’urukundo bakunda igihugu cabo. Barajwe ishinga no kubona igihugu cacu duk...

10/04/2015

Sagamba Burundi ni ikiganiro gisesangura ibibazo nkoramutima vy'Abarundi, iryo sesangura rikaba rifise intumbero yo gufasha igihugu kuronka inyishu z’ibibazo nyamukuru gifise ubu.

Muzohora mugikurikirana ku nsamirizi zikurikira:
- Bonesha FM, ku misi ya gatanu guhera isaha zine n’iminota itanu z'umurango (10H05)
- Isanganiro, ku misi ya kane, guhera isaha imwe n’igice z'agatondo (7H30)
- Renaissance FM, ku misi ya kane guhera isaha y’icenda z'umuhingamo (15H) hamwe no ku musi w’Imana, guhera igihe c’isaha zitanu z'umurango (11H).
- RPA, ku minsi ya gatandatu, guhera isaha umunane n'igice z'umuhingamo (14H30)
- CCIB FM+, ku minsi ya gatanu, guhera isaha cumi na zibiri z'umugoroba (18H15)