مركز غيث الامل لايواء مرضى سرطان ادرار

11/08/2026

❤️ يا ناس الخير … يا أهل الجود والكرم، زيدو شوية هِمّة!
يا المحسنين، مشروع سيارة نقل مرضى السرطان بادرار. راهو لحق نصف الطريق بفضل ربي ثم بفضل وقفتكم وقلوبكم البيضاء 🤲
والله يا خاوتي ما بقالناش بزاف… الحلم راهو قريب يتحقق، والسيارة🚙 إن شاء الله تولّي تحت تصرف المرضى بصح لازم نكمّلو الهمة وما نحبسوش هنا.
🚙💔 كاين مريض يستنى العلاج، وكاين عائلة راهي تعاني معاه، كي يكمل حصص العلاج الانتظار بسوايع باش يلقا Taxi 🚕.وكل مساهمة منكم تقدر تكون سبب في تسهيل طريق مريض وتفريج كربة إنسان.
اللي عطى ربي يبارك فيه، واللي مازال ما عطاش… الباب مازال محلول.حتى القليل راهو عند ربي كبير، وإذا تكاتفنا كامل إن شاء الله نكمّلو المبلغ ونشوفو هاذ السيارة تخدم مرضانا.
يا أهل الخير… كردو الحالة شوية، راهي قربت بزاف.خلّيو آخر خطوة تكون بأيديكم ❤️
🤲 ربي يفتحها عليكم، ويبارك في أموالكم وولادكم، ويجعل كل دينار ساهمتو به فرجًا لمريض وأجرًا جاريًا ليكم.
نصف الطريق وصلناه… وبهمّتكم نكمّلو الباقي بإذن الله.
🚨 ما تقولش مساهمتي قليلة… قول: يمكن مساهمتي هي اللي تكمل المشروع.
🤲🏻🤲🏻 الحمد لله نرجاو الخير في بلادنا 🇩🇿🇩🇿

07/08/2026

07/08/2026

في نهار الجمعة المبارك، تبرّع واحد من أهل الخير بمبلغ مالي لفائدة مشروع سيارة🚙 نقل مرضى السرطان بأدرار، نسأل الله أن يجعلها صدقةً جارية في ميزان حسناته 🤲🏻🤲🏻
اللهم اغفر لوالده، وارحمه رحمةً واسعة، ونوّر قبره، ووسّع مدخله، واجعل الفردوس الأعلى مثواه.🤲🏻🤲🏻 اللهم بارك للمحسن في أولاده، واحفظهم بعينك التي لا تنام، وأصلح شأنهم، واجعلهم قرة عين له في الدنيا والآخرة، واخلف عليه بكل خير، وتقبّل منه صدقته، واجعلها سببًا في تفريج كربة مرضى السرطان. آمين يا رب العالمين.

06/08/2026

🌿 ﴿وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِنْدَ اللَّهِ﴾ 🤲
🚐 مشروع سيارة نقل مرضى السرطان – أدرار
باغي الخير... اقبل وخلّي أثرًا يبقى لك. 💚
ما زلنا لم نصل إلى نصف المبلغ، وشدّوا معانا شوية هِمّة. 🤝
السيارة ستكون عونًا للمرضى في تنقلاتهم بين مركز العلاج، ومركز غيث للإيواء، والمطار، ومحطة نقل المسافرين.
🌸 الخير ما زال باقي... واليد في اليد نكملوا المشروع بإذن الله.
💚 ساهم بما تستطيع، فالدال على الخير كفاعله.

05/08/2026

04/08/2026

زيارة تضامنية مباركة

تشرفت جمعية الإرشاد والإصلاح الجزائرية – المكتب البلدي سبع بزيارة مركز غيث الأمل لإيواء مرضى السرطان بأدرار، في مبادرة إنسانية تجسد قيم التكافل والتراحم، وتهدف إلى الوقوف إلى جانب المرضى والتخفيف من معاناتهم وإدخال الأمل إلى قلوبهم.

نتقدم بخالص الشكر والتقدير لأعضاء الجمعية على هذه اللفتة الطيبة، سائلين الله أن يجعلها في ميزان حسناتهم، وأن يبارك في جهود كل من يساهم في خدمة مرضى السرطان ودعمهم.

معًا نزرع الأمل... وبالتضامن تستمر رسالة العطاء.

03/08/2026

💞لا تنساو مرضى السرطان بأدرار... السخانة راهي قاسحة، والمرض راهو صعيب.

يا ناس الخير، مرضانا محتاجين لوقفتكم، ومشروع 🚙سيارة نقل مرضى السرطان راهو ينتظر هِمّتكم.

ما تحقرش صدقتك، دينار مع دينار يفرّج كربة، ويخفف معاناة مريض.

اليد في اليد يكتمل الخير، وربّي يجعل كل مساهمة في ميزان حسناتكم، ويرحم الوالدين ويشفي جميع المرضى.🤲🏻🤲🏻