Sindicato Labrego Galego - Terra Cha

01/09/2026

🍯 A apicultura galega necesita solucións urxentes

Dende o Sindicato Labrego Galego alertamos da situación crítica que está a vivir o sector apícola galego. A produción de mel en 2026 dificilmente superará as 2.000 toneladas, fronte ás case 4.000 toneladas recollidas en 2025: unha caída de máis do 50%.

A seca e o forte incremento da vespa velutina son dous dos principais factores desta caída, aos que se suman os problemas provocados pola varroa e unhas condicións económicas cada vez máis difíciles para as explotacións.

Por iso, dende o SLG reclamamos:

🐝 Unha resposta inmediata fronte á vespa velutina, con máis investigación e medidas específicas.

🍯 Prezos xustos para o mel, que permitan cubrir os custos de produción e cumprir coa Lei da Cadea Alimentaria.

🚢 Controis efectivos nas fronteiras para combater o fraude e a entrada de mel a prezos imposibles.

🌱 A inclusión da apicultura nas axudas asociadas da próxima PAC.

A apicultura é fundamental para a polinización, a conservación do medio natural e o equilibrio dos nosos ecosistemas.

É tempo de actuar para que as abellas e as persoas que coidan delas teñan futuro en Galiza.

Lee a nova completa na nosa web: https://sindicatolabrego.gal/novas/o-sindicato-labrego-galego-alerta-da-nefasta-campana-2026-que-esta-a-vivir-o-sector-apicola-e-insta-a-xunta-de-galicia-a-actuar-de-inmediato/

31/08/2026

🎥 Vídeo: Andrés Castro (SLG) explica o proxecto das plantas de biom...

24/08/2026

O secretario de Acción Sindical do Sindicato Labrego Galego defende un modelo de convivencia baseado na prevención, indemnizacións rápidas e unha xestión adaptada á realidade de cada territo ...

24/08/2026

19/08/2026

A área recreativa de Muimenta acolle o 22 o Festival Cultural Pozomouro, unha cita con roteiro, talleres variados e concertos durante todo o día

19/08/2026

18/08/2026

🚨 O SLG denuncia que os fondos das axudas de prevención de danos pola fauna silvestre son insuficientes.

📩 Nos últimos días estannos chegando cartas que desestiman estas axudas a granxas co único motivo de "esgotamento de crédito".

🐗🐺🐻 A convivencia coa fauna silvestre (xabarín, lobo, oso) é cousa de toda a sociedade galega, non só das granxas que sofren os ataques.

💶 As medidas preventivas son moito máis baratas e beneficiosas socialmente que as axudas para cubrir perdas xa causadas.

📢 Esiximos á Xunta que aumente o orzamento desta liña, como xa fixo noutras convocatorias, para que ningunha granxa quede fóra por esgotamento de crédito.

Accede á nova na web: https://sindicatolabrego.gal/novas/o-sindicato-labrego-galego-denuncia-que-os-fondos-destinados-a-cubrir-as-axudas-de-prevencon-de-danos-pola-fauna-silvestre-son-insuficientes/

18/08/2026

🚨O Sindicato Labrego denuncia opacidade do Concello de Vilalba

O Concello elaborou o "proxecto de agrupamento de terras de uso agrario" e ampliou o prazo de solicitudes a 3 meses sen informar ao Sindicato Labrego Galego. Descoñecemos o contido e o orzamento, e a nosa solicitude de información do 13/08 segue sen resposta.

O Concello di ter "permanente contacto" connosco. Non é certo: soubémolo pola prensa.

Esiximos transparencia inmediata, unha reunión urxente coas centrais sindicais agrarias e rectificación pública.



ACCEDE Á NOVA NA WEB: https://sindicatolabrego.gal/novas/o-sindicato-labrego-galego-denuncia-a-opacidade-do-concello-de-vilalba/

14/08/2026

🚨 PLANTAS DE BIOGÁS EN ABADÍN: QUE ESTÁ A PASAR?
Dende o Sindicato Labrego levamos meses ao carón da veciñanza e da Plataforma Stop Biogás Abadín fronte aos proxectos de NPROENER SL en Crux (Candia) e Carina (Quende) 👇
📍 2 plantas de biometano
📍 188.000 toneladas de residuos ao ano cada unha
📍 A menos de 300 metros de vivendas
Os informes municipais son claros: incumprimentos urbanísticos graves en ambos expedientes — exceso de ocupación en solo rústico, falta de informes de Medio Rural, ausencia das autorizacións ambientais esixidas. Ningún dos dous proxectos pode recibir licenza tal e como están formulados.
E fronte á Xunta, as empresas tampouco están a cumprir: non xustifican os beneficios sociais e económicos que esixe a Lei 2/2024, nin incorporan as medidas obrigatorias para tratar as emisións de olores.
❌ Abadín ten un modelo de gandaría extensiva e familiar. Estas plantas non responden ás necesidades do territorio, e o dixestato que xeran pode agravar o problema que din solucionar.
✊ Esiximos o arquivo e a caducidade dos dous expedientes, transparencia real na información pública, e oficinas de asesoramento gratuíto para a veciñanza afectada por este tipo de macroproxectos.
Seguimos vixiantes

21/04/2026

https://www.elplural.com/autonomias/galicia/criticas-xunta-concello-vilalba-nueva-residencia-mayores-privada_387676102

Según denuncian, las plazas que pondrá en funcionamiento costarán entre 2.000 y 3.000 euros al mes