DVV International Kosova

06/05/2026

📍 Pjesëmarrja e Kosovës në Akademinë Rajonale të të Rinjve për Arsimin dhe Edukimin e të Rriturve (ALE)

Nga 28–30 prill 2026, në Stamboll, Turqi, u mbajt Akademia Rajonale e të Rinjve për Arsimin dhe Edukimin e të Rriturve (ALE), e organizuar nga DVV International në kuadër të projektit “Continental Exchange” 🌍, në bashkëpunim me European Association for the Education of Adults (EAEA).

Në këtë aktivitet morën pjesë 20 profesionistë të rinj nga gjashtë vende: Kosova, Bosnja dhe Hercegovina, Armenia, Gjeorgjia, Ukraina dhe Moldavia.

Gjatë tre ditëve të Akademisë u trajtuan tema të rëndësishme të arsimit për të rritur (ALE), duke përfshirë format e të nxënit formal, joformal dhe informal, rolin e ALE në shoqëri, si dhe zhvillimet evropiane dhe globale në këtë fushë 📚✨

Përmes diskutimeve dhe shkëmbimit të përvojave, pjesëmarrësit patën mundësi të mësojnë nga njëri-tjetri, të ndajnë praktika të mira dhe të forcojnë bashkëpunimin rajonal 🤝🌱

Pjesëmarrja e Kosovës në këtë Akademi përfaqësoi një mundësi të rëndësishme për zhvillim profesional dhe thellim të njohurive në fushën e arsimit për të rritur.

Materiali i plotë: https://www.dvv-international.ge/alb/kosova/lajmet/article/kosovos-participation-in-the-regional-youth-academy-on-adult-learning-and-education-ale

05/05/2026

📢 Më 28 prill 2026, në zyrat e DVV International në Prishtinë, u mbajt punëtoria me temën “Zhvillimi organizativ i Qendrave për Arsimin dhe Edukimin e të Rinjve dhe të Rriturve (YALEC) në Kosovë – Prezantimi i Curriculum InstitutionALE”, me qëllim forcimin e kapaciteteve të këtyre qendrave.

Në këtë aktivitet morën pjesë përfaqësues të DVV International në Kosovë, znj. Katrin Denys, Drejtoreshë Rajonale e DVV International për Evropën Juglindore dhe Shtetet e Kaukazit, si dhe përfaqësues të OJQ THY/ YALEC Prizren, YALEC Pejë dhe YALEC Vushtrri.

💡 Gjatë punëtorisë u prezantua dhe u diskutua roli i Curriculum InstitutionALE si një qasje praktike për zhvillimin organizativ të qendrave YALEC, duke ndihmuar në forcimin e kapaciteteve institucionale, përmirësimin e cilësisë së shërbimeve dhe rritjen e ndikimit në komunitet.

🤝 U theksua rëndësia e bashkëpunimit të vazhdueshëm ndërmjet qendrave dhe partnerëve, si dhe angazhimi i përbashkët për zhvillimin e mëtejshëm të arsimit për të rritur në Kosovë, në funksion të fuqizimit të komuniteteve dhe përmirësimit të mundësive për të gjithë.

Materiali i plotë: https://www.dvv-international.ge/alb/kosova/lajmet/article/workshop-organizational-development-of-youth-and-adult-learning-and-education-centers-yalec-in-kosovo-presentation-of-curriculum-institutionale

26/03/2026

🌟 Punëtoria e Rrjetit ALE NK: Planifikimi Strategjik dhe Diskutime për Formalizimin e Rrjetit

Më 24–25 mars 2026, në Hotel Sirius në Prishtinë, u mbajt punëtoria dyditore e Rrjetit joformal për Arsimin dhe Edukimin e të Rriturve në Kosovë (ALE NK).

Në këtë punëtori morën pjesë gjithsej 11 pjesëmarrës, prej të cilëve 8 ishin anëtarë të Bordit Drejtues të rrjetit joformal në Kosovë – ALE: Ministrina e Arsimit dhe Shkencës (MASH), Ministria e Rinisë dhe Sportit (MRS), Agjencia për Arsimin dhe Aftësimin Profesional dhe Arsimin e të Rriturve (AAAPARr), Agjencia e Punësimit të Republikës së Kosovës (APRK), DVV International në Kosovë, OJQ HAREJA, Qendra për Arsim e Kosovës (KEC), si dhe Kolegji Evropian i Kosovës (ECK).

🎯 Qëllimi i kësaj punëtorie ishte dakordimi final ndërmjet institucioneve dhe organizatave anëtare të rrjetit për mënyrën dhe formën e formalizimit dhe regjistrimit të rrjetit ALE NK, si dhe përditësimi i Statutit dhe rregulloreve të brendshme, të cilat janë të nevojshme për regjistrimin dhe formalizimin e Rrjetit.

Gjatë dy ditëve, pjesëmarrësit ndanë përvojat dhe planet e tyre për vitin 2026, prezantuan projekte dhe aktivitete në fushën e arsimit dhe edukimit të të rriturve, si dhe diskutuan hapat konkretë për funksionimin e Rrjetit dhe bashkëpunimin ndërinstitucional.

Materiali i plotë: https://www.dvv-international.ge/alb/kosova/lajmet/article/ale-nk-network-workshop-strategic-planning-and-network-formalization

05/03/2026

Në një intervistë për EPALE Kosovo, z. Ramadan Alija, Drejtor i DVV International në Kosovë dhe anëtar i grupit të ekspertëve të EPALE, ndan pikëpamjet e tij mbi rëndësinë e arsimit të të rriturve në Kosovë, sfidat e këtij sektori dhe rolin e aktorëve të ndryshëm në promovimin e të mësuarit gjatë gjithë jetës.

Në intervistë diskutohet gjithashtu edhe roli i Rrjetit për Arsimin dhe Edukimin e të Rriturve në Kosovë (ALE NK) në zhvillimin dhe avokimin për këtë sektor.

Intervistën e plotë mund ta gjeni këtu: 👇

Arsimi për të rritur dhe të nxënit gjatë gjithë jetës kanë një rol të rëndësishëm në zhvillimin personal, social dhe profesional të individëve, si dhe në zhvillimin e qëndrueshëm të shoqërisë dhe ekonomisë.

Në këtë intervistë për EPALE Kosovo, z. Ramadan Alija, Drejtor i DVV International Kosova dhe anëtar i Grupit të Ekspertëve të EPALE, ndan perspektivën e tij mbi rëndësinë e arsimit për të rritur në Kosovë, sfidat që ekzistojnë në këtë sektor dhe rolin e aktorëve të ndryshëm në promovimin e të nxënit gjatë gjithë jetës.

Intervista gjithashtu trajton rolin e Rrjetit për Arsimin dhe Edukimin e të Rriturve në Kosovë (ALE NK) në avokimin dhe zhvillimin e këtij sektori.

Lexoni intervistën e plotë këtu:
https://epale.ec.europa.eu/sq/blog/interviste-me-z-ramadan-alija-arsimi-te-rritur-perfitimet-individet-shoqerine-dhe-ekonomine

18/02/2026

📢 Pjesëmarrja e dy përfaqësuesve të DVV International – zyra në Kosovë në Akademinë e Arsimit të të Rriturve 2026 në Würzburg

Nga 2 deri më 13 shkurt 2026, dy përfaqësuese të DVV International – zyra në Kosovë, morën pjesë në Akademinë e Arsimit të të Rriturve 2026, të mbajtur në Würzburg, Gjermani. Gjatë kësaj akademie, profesionistë dhe studentë nga e gjithë bota shkëmbyen përvoja dhe njohuri mbi arsimin e të rriturve 📚🌏

Ky program ofroi njohuri të vlefshme, mundësi rrjetëzimi profesional dhe perspektiva të reja mbi praktikat më të mira në mësimin gjatë gjithë jetës.

Materiali i plotë: https://www.dvv-international.ge/alb/kosova/lajmet/article/participation-of-two-representatives-from-dvv-international-office-in-kosovo-at-the-adult-education-academy-2026-in-wuerzburg

27/01/2026

📢 Vazhdon mbështetja për Qendrat për Arsimin dhe Edukimin e të Rinjve dhe të Rriturve (YALEC) në Kosovë

DVV International vazhdon mbështetjen e qendrave YALEC në Prizren, Pejë dhe Vushtrri, duke kontribuar në zhvillimin e arsimit të të rinjve dhe të rriturve dhe promovimin e mësimit gjatë gjithë jetës.

✨ Ky bashkëpunim ofron mundësi për aftësim profesional, zhvillim të aftësive jetësore dhe përfshirje aktive në komunitet, duke i bërë qendrat YALEC hapësira kyçe për mësim, zhvillim dhe përfshirje shoqërore.

23/12/2025

🌟 Punëtoria e Rrjetit ALE NK dhe vizita në Qendrën inovative TUMO në Tiranë🌟

Më 22–23 dhjetor 2025, Rrjeti për Arsimin e të Rriturve në Kosovë (ALE NK), me mbështetjen e DVV International, organizoi një punëtori dyditore, me fokus në formalizimin e rrjetit, forcimin e strukturave drejtuese dhe planifikimin strategjik për vitin 2026📌.

👥Në punëtori morën pjesë anëtarët e Rrjetit ALE NK, përfaqësues të institucioneve publike dhe të organizatave anëtare, duke përfshirë Ministrinë e Arsimit, Shkencës, Teknologjisë dhe Inovacionit (MASHTI), Agjencinë e Punësimit të Republikës së Kosovës (APRK), Institutin Pedagogjik të Kosovës (IPK), Kolegjin Europian të Kosovës (ECK), Këshillin e Veprimit Rinor Lokal Pejë / YALEC Pejë dhe OJQ Hareja / YALEC Vushtrri.

📊Pjesëmarrësit diskutuan hapat ligjorë dhe organizativë për regjistrimin e rrjetit, u dakorduan për nënshkrimin e Aktit të Themelimit dhe përcaktuan kriteret për Bordin e ri Drejtues. Në të njëjtën kohë, fokusi i punëtorisë ishte edhe te Plani Vjetor 2026, ku u trajtuan prioritetet strategjike të rrjetit, aktivitetet e veçanta të secilit anëtar si dhe aktivitetet e përbashkëta, duke theksuar rëndësinë e koordinimit dhe bashkëpunimit ndërmjet të gjithë anëtarëve për rritjen e ndikimit të rrjetit në nivel kombëtar.

Në përmbyllje, anëtarët vizituan Qendrën TUMO në Tiranë, një model inovativ i edukimit joformal për të rinjtë, për të njohur praktika që mund të aplikohen edhe në Arsimin e të Rriturve në Kosovë dhe për të identifikuar mundësi bashkëpunimi dhe shkëmbimi të eksperiencave midis institucioneve.

Materiali i plotë: https://www.dvv-international.ge/alb/kosova/lajmet/article/workshop-of-the-ale-nk-network-and-visit-to-the-innovative-tumo-center-in-tirana

15/12/2025

📍 Vizitë studimore e Delegacionit nga Kosova në Shkollat Popullore (Volkshochschulen – VHS) në Hessen, Gjermani 🇩🇪🎓

Nga 9 deri më 11 dhjetor 2025, DVV International – Kosova realizoi një vizitë studimore në Shkollat Popullore Gjermane (Volkshochschulen – VHS) në shtetin e Hessenit, Gjermani.

Në këtë vizitë morën pjesë përfaqësues nga institucionet publike si; Ministria e Arsimit, Shkencës, Teknologjisë dhe Inovacionit (MASHTI), Ministria e Kulturës, Rinisë dhe Sportit (MKRS), Agjencia për Arsim dhe Aftësim Profesional dhe Arsimin e të Rriturve (AAAPAR), Agjencia e Punësimit e Republikës së Kosovës (APRK), Instituti Pedagogjik i Kosovës (IPK), përfaqësues nga Komuna e Pejës dhe Vushtrrisë, si dhe përfaqësues nga Qendra për Arsim e Kosovës (KEC), Kolegji Europian i Kosovës (ECK), OJQ THY/YALEC Prizren, KVRL Pejë/YALEC Pejë dhe OJQ Hareja/YALEC Vushtrri.

Qëllimi i kësaj vizite ishte njohja nga afër me modelet gjermane të funksionimit të arsimit joformal dhe krijimi i një përvoje të vlefshme shkëmbimi ndërinstitucional ndërmjet Kosovës dhe Gjermanisë.

Delegacioni vizitoi institucione kyçe si Asociacionin e Shkollave Popullore të Hessen-it (Hessischer Volkshochschulverband) dhe VHS Frankfurt am Main, ku pjesëmarrësit u informuan mbi qeverisjen në arsimin joformal, sigurimin e cilësisë, zhvillimin e programeve dhe bashkëpunimin me komunitetin dhe institucionet partnere.🤝📚

Kjo vizitë studimore synoi forcimin e kapaciteteve të qendrave YALEC në Kosovë, nxitjen e adaptimit të modeleve të suksesshme gjermane dhe krijimin e urave të reja të bashkëpunimit ndërmjet Kosovës dhe Hessenit në fushën e arsimit joformal dhe mësimit gjatë gjithë jetës. 🌱✨

🙏 Falënderojmë partnerët tanë në Gjermani, veçanërisht Hessischer Volkshochschulverband dhe VHS Frankfurt am Main për mikpritjen, bashkëpunimin dhe ndarjen e përvojës së tyre, si dhe të gjithë pjesëmarrësit për angazhimin dhe kontributin e dhënë gjatë kësaj vizite studimore.

Materiali i plotë: https://www.dvv-international.ge/alb/kosova/lajmet/article/study-visit-of-the-delegation-from-kosovo-to-the-adult-education-centers-volkshochschulen-vhs-in-hessen-germany

05/12/2025

📚Ceremonia e certifikimit të mësimdhënësve për të rritur në programin për zhvillim profesional “Curriculum globALE”

Më 26.11.2025, në ambientet e Fakultetit të Edukimit të Universitetit të Prishtinës, u mbajt ceremonia e certifikimit të pjesëmarrësve në Programin për Zhvillim Profesional të Mësimdhënësve në Shërbim: “Kurrikula globale për mësimin dhe edukimin e të rriturve – Curriculum globALE”. 🎓

Ky program, i akredituar nga MASHTI dhe implementuar nga IHZHA në bashkëpunim me DVV International, synon të fuqizojë edukatorët e të rriturve, duke u dhënë njohuri të thella dhe aftësi praktike për mësimdhënie bashkëkohore.

Ceremonia theksoi përkushtimin e pjesëmarrësve dhe rolin kyç të programit në rritjen e cilësisë së arsimit për të rritur në Kosovë. 📜

DVV International në Kosovë, së bashku me institucionet partnere, vazhdon të mbështesë zhvillimin profesional të edukatorëve dhe avancimin e arsimit për të rritur, si një hap i rëndësishëm për përfshirjen sociale dhe fuqizimin e komunitetit. 🤝

Materiali i plotë: https://www.dvv-international.ge/alb/kosova/lajmet/article/certification-ceremony-for-adult-educators-in-the-curriculum-globale-professional-development-program

27/11/2025

🎉 Përfunduam me sukses Javën e të Mësuarit gjatë Gjithë Jetës – JMGJJ 2025!

📢 DVV International, në bashkëpunim me Rrjetin për Arsimin e të Rriturve në Kosovë – ALE NK, përmbylli me sukses edicionin e sivjetëm të Javës së të Mësuarit gjatë Gjithë Jetës, e cila u mbajt nga 24 deri më 27 nëntor 2025 në Kosovë.

✨ Gjatë ditëve të aktivitetit, JMGJJ solli një varg aktivitetesh promovuese në Prishtinë, Prizren, Pejë, Vushtrri, Mitrovicë të Jugut, Kamenicë, Ferizaj, Gjakovë dhe Podujevë, duke afruar ofrues të ndryshëm arsimorë, institucione dhe OJQ më pranë komunitetit me oferta të larmishme arsimore.

🤝 Falënderojmë të gjithë partnerët, pjesëmarrësit dhe komunitetin për angazhimin dhe mbështetjen e vazhdueshme. Së bashku, po e promovojmë të mësuarit gjatë gjithë jetës si një komponent të rëndësishëm për zhvillim dhe përfshirje shoqërore.

Materiali i plotë: https://www.dvv-international.ge/alb/kosova/lajmet/article/lifelong-learning-week-in-kosovo-2025

24/11/2025

🎉 Sot, në një ceremoni të organizuar nga Rrjeti ALE NK dhe DVV International, në Sheshin “Zahir Pajaziti” në Prishtinë u bë hapja zyrtare e Javës së të Mësuarit Gjatë Gjithë Jetës 2025!

Përfaqësues nga MASHTI, MKRS dhe DVV International theksuan rëndësinë e krijimit të mundësive të barabarta për të gjithë qytetarët që dëshirojnë të mësojnë dhe të zhvillojnë aftësi të reja.

Aktivitetet e ditës së sotme u zhvilluan paralelisht në Prishtinë, Prizren dhe Pejë, duke sjellë informim, energji pozitive dhe mundësi të shumta edukative - arsimore për komunitetin.

📍Në ditët në vijim, Java e të Mësuarit Gjatë Gjithë Jetës do të vazhdojë në Vushtrri, Mitrovicën e Jugut, Kamenicë, Ferizaj, Gjakovë dhe Podujevë.

📚✨ Mirëpresim të gjithë qytetarët që t’i bashkohen aktiviteteve në komunat e radhës!