http://www.whitebeachresort.in/

White Beach Resort, Tondiwali beach, Malwan, Tondivali beach, Tondivali Road, Sindhudurga (2026)

Q: What is the address?

Tondivali Beach, Tondivali Road

06/11/2017

🌻४१ वर्षापूर्वी श्री सुहास जयसिन्ग राजेभोसले सर हे आचरा हायस्कुलला शिक्षक होते त्यानी पुरवलेली ही माहिती. आचरा सोडुन ४१ वर्षे होऊनही कोकणाबद्दल आस्था आहे.आज सर कोल्हापूरला स्वतःचे नोकरी संदर्भ प्रकाशन चालवतात.
🌻🌻🌻🌻🌻🌻

*'माझं कोकण' -*

आता 'माझं कोकण' पुढे कसं असेल? त्याचं काय होईल? माहित नाही.

दरवर्षी फेरी मारताना,
प्रत्येकवेळी ओळखीच्या वाटणाऱ्या खुणा एकेक करत हरवत जात आहेत हे निश्चित.
माणसं बदलली आणि कोकण पालटत चाललंय.
तरीदेखील आपल्या पिढीने जे 'कोकण' बघितलंय, ते पुढच्या पिढीला बघायला मिळेल का?
'कोकण' म्हणजे आपल्या डोळ्यासमोर जे चित्र उभं राहतं,
तेच चित्र नवीन पिढीसमोर साकारलं जाईल का हे माहिती नाही.
पण तसं नसेल तर ते चित्र साकारण्याचा एक अल्पसा प्रयत्न.

*'कोकण'* म्हणजे कौलारू घर,
स्वच्छ अंगण, तुळस व तिला आधार देणारा दिवा.

*'कोकण'* म्हणजे गोठा, साठवून ठेवलेलं गवत आणि गाईच्या भोवती पिंगा घालत असलेलं तिचं वासरू.

*'कोकण'* म्हणजे बाहेरची पडवी, झोपाळा, त्यावर असलेली पानसुपारीची पिशवी, तिरक्या रिपी मारलेल्या खिडक्या.

*'कोकण'* म्हणजे माजघर, एका कोपऱ्यात पडलेलं जातं, आजीने सारवलेली चूल, फुंकून ओलसर
झालेला कारभारणीचा चेहरा.

*'कोकण'* म्हणजे देव, महापुरुष, वेतोबा, रवळनाथ, सातमाई, सातेरी, गिरोबा, रामेश्वर, कुणकेश्वर, सागरेश्वर.

*'कोकण'* म्हणजे कौलारू देवळे, घुमत असलेला गुरव, रोखून बघत असलेले मानाचे दगड.

*'कोकण'* म्हणजे गर्द देवराई,
त्यात नाहीशी होणारी देवाची वाट आणि वेशीवर दिलेला नारळ.

*'कोकण'* म्हणजे घुमत असलेले ढोल, येणारं निशाण, त्याला तोरण बांधण्यासाठी घरातल्यांची घाई.

*'कोकण'* म्हणजे देवचार, त्याच्या चपलांचा आवाज, मनात असलेली भीती, वाडवडिलांची पुण्याई.

*'कोकण'* म्हणजे लाल माती, मोहरत असलेला आंबा, फणस आणि डोलणारी माडा-पोफळीची झाडं.

*'कोकण'* म्हणजे पतेरा, बकुळीचा धुंद वास, करवंदाची घनदाट जाळी आणि कण्हेरीची फुलं.

*'कोकण'* म्हणजे सुरमई, बांगडा, कुर्ल्या, कालवं, चिंबोरी आणि मोरी माश्याचं कालवण.

*'कोकण'* म्हणजे चुलीवर भाजला जात असलेला बांगडा, भाकरी, आणि कांद्या-गोलम्याचा ठेचा.

*'कोकण'* म्हणजे उकड्या तांदळाची पेज, उकडलेल्या आठळा आणि फणसा-केळफुलाची भाजी.

*'कोकण'* म्हणजे भात, कैरी घातलेली डाळ, घावणे आणि वाटप घातलेली उसळ.

*'कोकण'* म्हणजे तळलेली सांडगी, कांडलेली पिठी, सुकत असलेली आंब्याची साठ आणि मुरत असलेलं लोणचं.

*'कोकण'* म्हणजे नदीला आलेला पूर, मुसळधार पाऊस आणि कोपऱ्यात पुढे सरकत असलेला नांगर.

*'कोकण'* म्हणजे पेप्सी खात जाणारी पोरं, डांबरी रस्ता, पत्र्याचा पूल आणि खालून वाहणारा व्हाळ.

*'कोकण'* म्हणजे लाल डब्याची एस्.टी., धुरळा आणि नातवांची वाट बघत स्टॉपवर उभे असलेले आजोबा.

*'कोकण'* म्हणजे महापुरुषाची पूजा, वडा, भात, उसळ आणि लाऊडस्पीकर.

*'कोकण'* म्हणजे गणपती, मंडपी, सजावट, मोदक, उसळ आणि डबलबाऱ्या.

*'कोकण'* म्हणजे दिवाळी, फोडलेलं कारीट, करंज्या आणि उंच निघून जात असलेले कंदिल.

*'कोकण'* म्हणजे होळी, गोडाचं जेवण, गाडलेला खांब, केलेली शिकार आणि मारलेल्या बोंबा.

*'कोकण'* म्हणजे पाटीवर काढलेली सरस्वती, शाळेत नेलेल्या काकड्या, उदबत्त्या आणि पोरांचं भजन.

*'कोकण'* म्हणजे गावच्या ग्रामदेवतांच्या जत्रा, पूजा, शिरा, मुखवटे, फुगे आणि खाजं.

*'कोकण'* म्हणजे नांदी, तबल्यावर पडलेली थाप, धर्मराजाची एन्ट्री आणि दशावताराची समृद्ध कला.

*'कोकण'* म्हणजे समुद्रावरचं, देवळातलं, पिंपळाखालचं, मळ्यातलं क्रिकेट आणि 'टुर्लामेंट'.

*'कोकण'* म्हणजे समुद्र, किनारा, नाठाळ वारा, ती गाज आणि दूरवर गेलेली गलबतं.

*'कोकण'* म्हणजे चकवणारे मासे, लागलेली रापण, ओढणारे तांडेल आणि बघ्यांचा हा गलका.

*'कोकण'* म्हणजे सर्जेकोटची जेटी, चमचमणाऱ्या माश्यांचा लिलाव, दमून परत आलेल्या होड्या.

*'कोकण'* म्हणजे संपलेली सुट्टी, परत जायची तयारी, जड झालेला चाकरमान्याचा पाय आणि सगळ्यांच्या डोळ्यात आलेलं पाणी.

*'कोकण'* म्हणजे खूप काही सांगू पाहणारा, पूर्ण न उलगडणारा, कसलाच अंत नसलेला असा
काशीविश्वेश्वराचा एक डाव....

03/11/2017

White Beach Resort, Tondiwali Beach, Malwan

(Arrive as a Tourist. . Leave as a Friend..!!)

Available Services:
* Beach side + Backwater point stay
* Spacious Rooms (with Generator backup)
* Reasonable rates
* Delicious Homemade (Malwani veg/Non veg) food (Jain food is also available)
* Private Beach (just 300 mtr away from resort)
* Gaming zone ( cricket, Beach volleyball, Football, Badminton, Carrom , chess etc)
* Bird observation
* Fishing points
* Sight seeing (Rent a Car or bus facility available)
* Point to point pick n drop facility
* Beach camping
* Camp fire
* Spacious parking
* Facility for Car/Bus washing

Paid Activities
* Rapan (Traditional way of Fishing)
* Backwater boating / Island safari/ Deep sea boating
* Scuba diving, Snorkeling
* Adventure water sports (Bumper ride, Banana ride, jet ski, Parasailing etc)
* Private Island stay

For further inquiry n details feel free to call

Arun Keluskar : 9869206454

Yewa kokan aploch asa

10/10/2017

Good morning. .

03/10/2017

*२०१६ ला सिंधुदुर्ग जिल्ह्याला संपुर्ण भारतात स्वच्छ भारत सर्वेक्षणांतर्गत सर्वात स्वच्छ जिल्हा चा प्रथम बहुमान मिळाला होता...*

*या वर्षी ही म्हणजेच सलग दुस-यांदा २०१७ च्या स्वच्छता सर्वेक्षणात सिंधुदुर्ग जिल्ह्याने भारतातील सर्वात स्वच्छ जिल्हा हा बहुमान कायम ठेवला आहे.*

*दि. २ ऑक्टोबर २०१७ रोजी गांधी जयंती निमित्त स्वच्छ भारत अभियान अंतर्गत कार्यक्रमात सिंधुदुर्ग जिल्ह्याचा सत्कार आणि अभिनंदन करण्यात येणार आहे.*

*अभिमान आहे मला मी सिंधुदुर्गकर, कोकणकर असल्याचा...*

*सलग दुस-यांदा सिंधुदुर्ग जिल्हा हा भारतातील स्वच्छ जिल्हा ठरला आहे याचं श्रेय हे सिंधुदुर्गवासियांना जाते. सिंधुदुर्ग वासियांनी जपलेल्या निसर्गसौंदर्याबद्दल आणि स्वच्छतेबद्दल त्यांचे आभार !*

*जय हिंद जय महाराष्ट्र*

02/10/2017

*चलो रायगड! चलो रायगड!! चलो रायगड !!!*

*शिवचैतन्य सॊहळा २०१७* म्हणजेच *वसुबारस पहिली दिवाळी पहाट रायगडी ३४५ मशालींचा थाट*.

रविवार १५ व सोमवार १६ ऑक्टोबर २०१७
स्थळ - दुर्गराज रायगड

सगळ्या शिवप्रेमींना शिवभक्तांना आग्रहाचे निमंत्रण !!!

शिवछत्रपतिंच्यामुळे आज आपण हिंदू म्हणून राहीलो आणि हिंदूचे सण साजरे करू शकत आहोत. दिवाळीच्या वेळी आपण आपल्या घरोघरी दिव्यांची रोशनाई करतो सगळा परीसर उजळून काढतोच ना? मग शिवतिर्थ किल्ले रायगडाच काय? तिथे कोण लावतात दिवे? कोण करतय का रोषणाई ?
भर दिवाळीत राजांची राजधानी असलेल्या किल्ले रायगडवरील सिंहासन, नगारखाना, होळीचा माळ, राजदरबार अंधारात असायचे, परंतू गेली सात वर्ष श्री शिवराज्याभिषेक दिनोत्सव सेवा समिती, दुर्गराज रायगड किल्ले रायगडावर दिवाळीच्या वसुबारसेच्या दिवशी शिवचैतन्य सोहळा आयोजित करत आली आहे. यंदा रविवार दि. १५ ऑक्टोबर च्या रात्री व १६ ऑक्टोबर च्या सकाळी शिवचैतन्य सोहळा आयोजित केला आहे. शिवचैतन्य सॊहळा म्हणजे श्रीशिवराजाभिषेकास जितकी वर्ष झाली तितक्या मशाली गडावर लावून महाराजांना मानवंदना देणे. पहिला दिवा राजांच्या सिंहासनाला आणि पहिली पणती महादरवाजाला, नगारखान्याला लावली जाते. पहीला कंदील त्या रायगडाला.

*कार्यक्रम पत्रिका :-*
१४ ऑक्टोबर २०१७ रोजी शनिवारी रात्री मुंबई व महाराष्ट्रातून किल्ले रायगडाकडे प्रस्थान.
*१५ ऑक्टोबर २०१७*वार रविवार सकाळी ९:०० वा गडस्वच्छता मोहीम
दुपारी १:०० वा स्नेहभोजन
दुपारी ३:०० वा गडसजावट, रांगोळीरेखाटण
सांयकाळी ५.०० वा श्रीशिवछत्रपति प्रतिमा पूजन
रात्री ८:०० वा पालखी सोहळा, मशाल प्रज्वलन
रात्री ११:०० वा सांस्कृतिक कार्यक्रम
*दि १६ ऑक्टोबर २०१७ वार सोमवार* पहाटे गडदेवता पूजन, दिपोत्सव व फराळ वाटप
दुपारी गड उतरून परतीचा प्रवास

सर्व शिवभक्तांनी मराठमोळ्या वेशात, जल्लोषात या कार्यक्रमात सहभागी व्हावे हि विनंती.
*चला पहिला दिवा पहिला कंदील रायगडाला, राजांच्या समाधीला, मग करू खरी सुरवात घरच्या दिवाळसनाला.*

चला येताय ना?

आपला नम्र
*सुनिल पवार*
अध्यक्ष
श्री शिवराज्याभिषेक दिनोत्सव सेवा समिती दुर्गराज रायगड

अधिक माहीतीसाठी सहभागी होण्यासाठी संपर्क
रंजन गावडे 9870599940,
बाबा गुंजाळ 9975345333,
सनी ताठेले 9004004444

26/09/2017

Good morning. . .

18/09/2017

येवा कोकण आपलोच असा. .

19/08/2017

**White beach Resort **

Come and enjoy with your friends and family at our family resort in the midst of nature & on Private beach.

One Day Package
Rs 1300/- (Including Breakfast + Tea, Lunch , Dinner & Accommodation)

Best for Group picnic, Family outing, Package tours and corporate outbound events.

Site Address: At post Tondivali, Malwan-Achara route, Malwan, Sindhudurg, Maharashtra

Tourist attractions : Scuba diving, Para sailing, Jet ski, Banana ride, bumper ride, Dolphin safari, Shell island visit , Private beach, Shell Museum, Kunkeshwar, Malwan fort etc.

Share this with ur Friends, Family members. .

येवा कोकण आपलोच आसा. .
White Beach Resort, Tondiwali, Malwan

15/06/2017

मालवण बंदर इतिहास

मालवणचे बंदर ६० ते ७०च्या दशकात कोकणच्या सागरी जलवाहतुकीचे मुख्य केंद्र होते. पूर्वीच्या काळी रस्ते वाहतूक सुरू होण्यापूर्वी बोटवाहतूक हाच मुंबईसारख्या ठिकाणी जाण्याचा एकमेव सुखावह मार्ग होता. मुंबई ते पणजी या बोटवाहतुकीचे मालवण हे प्रमुख केंद्र असल्याने मालवणचे बंदर दिवसभर चाकरमान्यांच्या वर्दळीने फुलून जायचे. मालवणची बाजारपेठही या बोटवाहतुकीवरच अवलंबून होती. त्यामुळे बोटवाहतूक सुरू असताना मालवण शहर गजबजलेले असायचे. मात्र १९७२ साली राजकोटच्या खडकावर आपटून झालेल्या ‘रोहिणी’ बोटीच्या दुर्घटनेनंतर मालवण बंदराला उतरती कळा लागली आणि १९७६ साली मालवणची बोटवाहतूक कायमची बंद झाली. यामुळे कोकणचा व पर्यायाने मालवणचा सुवर्णकाळ हरपला.
मालवण शहराला फार मोठी ऐतिहासिक पार्श्वभूमी लाभली आहे. याच इतिहासात मालवणच्या बंदराचा सुवर्णकाळ दडला आहे. पूर्वीच्या काळी मालवणची नाळ मुंबईशी जुळली होती. पोटापाण्यासाठी मुंबई गाठण्याशिवाय दुसरा पर्याय नव्हता. गावात राहून चांगली नोकरी मिळणे दुरापास्त असताना मुंबईमध्ये गिरणी, कारखान्यांच्या ठिकाणी सहज नोक-या उपलब्ध होत असल्याने काही तरी कर्तृत्व करून दाखवण्याचे सुख स्वप्न रंगवणारे तरुण मुंबईकडे आकर्षित होऊ लागले होते. यामुळे प्रत्येक घरातील एकतरी तरुण मुंबईला कामानिमित्त स्थायिक झाला होता. यातूनच मुंबईच्या मनिऑर्डरवर येथील अर्थव्यवस्था अवलंबून होती.

पूर्वी रस्ते वाहतूक आतासारखी विकसित झाली नव्हती. मुंबईकडे जायचे म्हटले तर युनियनच्या गाडीने कोल्हापूर- पुणे- मुंबई असा प्रवास करावा लागत होता. तांबडेबुंद व खाचखळग्याचे रस्ते, प्रवासात इप्सीत स्थळी नियमित वेळेवर पोहोचण्याची शाश्वती कमी असल्याने कोकणची माणसे मुंबईला जाण्यासाठी बोटवाहतुकीचा पर्याय निवडत. त्यामुळे मालवणच्या बंदराला व पर्यायाने येथील बाजारपेठेला चांगले दिवस आले होते. १०० ते ५० वर्षापूर्वी आतासारख्या रिक्षा, सहासिटर किंवा भाडयाच्या गाडया नसल्याने शहर आणि तालुक्यातील खेडयापाडयातून येणा-या प्रवाशांसाठी बैलगाडीची सोय असायची.

मुंबईतील भाऊचा धक्का येथून दुपारी १२.३० वाजता पणजीच्या दिशेने निघणारी बोट जयगड, जैतापूर, रत्नागिरी, विजयदुर्ग, देवगड, आचरा आणि मालवण बंदर येथून पणजीला जायची व पणजीहून साडेअकरा- बारापर्यंत मालवण बंदरात येऊन येथील प्रवासी घेत मुंबईकडे मार्गस्थ व्हायची. मालवण बंदरात बोट येण्याचा एक ठराविक मार्ग होता. मुंबईहून बोट बंदरात प्रवेश करताना राजकोटला वळसा घालून सिंधुदुर्ग किल्ला आणि धोनतारा खडकाला बगल देत आत यायची. शहरातील सोमवार पेठ स्मशानाजवळ सर्वात उंच असलेल्या सुरुच्या झाडास समांतर बोट येथे प्रवेश करायची. या ठिकाणाला आजही ‘हिरवी बत्ती’ असे संबोधले जाते.

बोट बंदरात येताना भरती- ओहोटी बघून उभी केली जात असे. परंतु उभी करताना बोटीचे तोंड हिरव्या बत्तीकडे केले जात असे. बोट बंदरात ठराविक ठिकाणी उभी रहावी म्हणून शंभर दिडशे फुटांवर बोटीचे नांगर समुद्राच्या पाण्यात सोडले जात असत. बोटीवरून प्रवासी आणि त्यांचे सामान आणणारे पडाव प्रथम धक्क्याला लागायचे. त्यात बोटीवरून आपल्या पाहुण्यांना आणण्यासाठी जाणारी आणि या निमित्ताने बोट पाहण्याचा उद्देश असणारी मंडळी असायची. त्यांना २ आण्यांचा पास काढावा लागत असे. मालवण नगरपरिषदेच्या सध्याच्या भाजी मार्केट असलेल्या ठिकाणी बोट वाहतूक करणा-या बॉम्बे स्टीम नेव्हीगेशन कंपनीचे ऑफिस होते.

मालवण बंदरात बोट येतानाचे दृश्यदेखील फार विलोभनीय असायचे. बोटीची यायची वेळ पहाटेची असल्याने संपूर्ण बोटीतच दिव्यांचा लखलखाट असायचा. पाण्यावर तरंगणारे बोटीचे भलेमोठे धूड पाहून एखादी तीन-चार मजली इमारत पाण्यावरून तरंगत तर येत नाही ना? असा भास व्हायचा. १९६५ च्या सुमारास बोटीच्या तिकिटाचा लोअर क्लास १३ रुपये १० पैसे, अप्पर क्लास २१ रुपये आणि केबीन १०५ रुपये असा दर होता. मालवणच्या बंदरात दिपावती, तुकाराम, सेंट झेविअर, कोकणची राणी- माझी आगबोट कंपनी, लिलावती, चंद्रावती, सेंट अॅन्थोनी, इंडियन स्टीम नेव्हीगेशन कंपनी, रामदास, हिरावती, रोहिदास, चंपावती अशा बोटींच्या सफरी असायच्या. रत्नागिरी बोट रत्नागिरी स्टीम नेव्हीगेशन कंपनीची होती. तर हिरावती बोट मफतलाल कंपनीची होती. सरिता ही बोट कोकण शक्ती कंपनीच्या मालकीची तर कोकण सेवक ही बोट प्रथम चौगुले कं पनीकडे होती. नंतर चौगुले कंपनी बंद झाल्यानंतर काही काळ मोंगल लाइन कंपनीच्या ताब्यात होती.

बी. एस. एल. कंपनीने कोकण लाइन आगबोट सेवेतून माघार घेतल्यानंतर चौगुले कंपनी काही वष्रे कोकण मार्गावर बोट वाहतूक करीत होती. या बोटीतून दररोज १२०० ते १५०० प्रवाशांची येण्या-जाण्याची सोय होती. पूर्वीच्या काळी मुंबई- मालवण- वेंगुर्ला अशीच बोटवाहतूक सुरू होती. १९ डिसेंबर १६६१ रोजी गोवा विलीन झाल्यानंतर आगबोट पुढे पणजीपर्यंत प्रवासी वाहतूक करू लागली. मालवणच्या बंदरात दररोज तीन बोटीच येत असत. बोटवाहतूक सुरू असताना मालवणचे बंदर गजबजलेले असायचे. परंतु सरकारच्या आडमुठया धोरणामुळे १९७६ साली येथील बोटवाहतूक कायमची बंद झाली. ३० सप्टेंबर १९७६ ला मोंगल लाइन कंपनीने आपला गाशा गुंडाळला. डिसेंबर १९७२ ला रोहिणी बोट दुपारच्या सुमारास मालवण बंदर करून मुंबईला जाण्यासाठी बंदराबाहेर पडत असताना राजकोटजवळ खडकावर आपटून दुर्घटनाग्रस्त झाली.

या दुर्घटनेनंतर मालवण बंदर धोकादायक झाल्यामुळे मालवणची बोटवाहतूक बंद झाली. यामुळे कोकण किनारपट्टीवरील सर्व बंदरे ओस पडून मालवणचे वैभवाचे दिवस संपले. व्यापाराला उतरती कळा आली. मालवणचा म्हणजेच सिंधुदुर्ग जिल्हयाचा व्यापारी संबंध मुंबई व कोल्हापूर या मोठया शहरांवर अवलंबून होता. सर्व प्रकारच्या जीवनाश्यक वस्तू समुद्रमार्गे मुंबईहून जहाजाने मालवण बंदरात येत असत. घरासाठी वापरावयाचे लाकूड, मंगलोरी कौलेही जहाजाने येत असत. मालवणच्या बाजारपेठेवर आजूबाजूची खेडी अवलंबून होती. यामुळे येथील अर्थकारणात बंदराचे महत्त्व मोठे होते. मात्र जलवाहतूक बंद झाल्यानंतर येथील अर्थव्यवस्था पूर्णत: कोलमडली. पुन्हा एकदा मुंबई- गोवा जलवाहतूक सुरू होण्यासाठी प्रयत्न सुरू झाले असून या प्रयत्नांना यश आल्यास या बंदराचे गतवैभव पुन्हा परत येण्याची शक्यता आहेत....
मालवण कर...
प्रमोद

White Beach Resort, Tondiwali beach, Malwan

06/11/2017

03/11/2017

10/10/2017

03/10/2017

02/10/2017

26/09/2017

18/09/2017

19/08/2017

15/06/2017

Address

Website

Alerts

Contact The Business

Shortcuts

Share