USF News

USF News Media & Social Service

#சாய்ந்தமருது கல்விக் கோட்டத்தில் முதலிடம் பெற்ற மாணவனுக்கு கௌரவிப்புபுலமைப்பரிசில் பரீட்சையில் சாய்ந்தமருது கல்விக் கோ...
09/09/2026

#சாய்ந்தமருது கல்விக் கோட்டத்தில் முதலிடம் பெற்ற மாணவனுக்கு கௌரவிப்பு

புலமைப்பரிசில் பரீட்சையில் சாய்ந்தமருது கல்விக் கோட்டத்தில் முதலாம் இடம் பெற்ற மாணவனும், வெட்டுப்புள்ளிக்கு மேல் தகைமை பெற்ற மாணவர்களும் பாடசாலையில் நடைபெற்ற சிறப்பு நிகழ்வில் கௌரவிக்கப்பட்டனர்.

சாய்ந்தமருது கோட்டக் கல்விப் பணிப்பாளர் உள்ளிட்ட கல்வி அதிகாரிகள், அதிபர், ஆசிரியர்கள், ஊழியர்கள் மற்றும் பெற்றோர் குழு உறுப்பினர்கள் நிகழ்வில் கலந்துகொண்டனர்.

முதலாம் இடம் பெற்ற மாணவனுக்கு நினைவுச் சின்னம் மற்றும் பரிசில்கள் வழங்கப்பட்டதுடன், ஏனைய தகைமை பெற்ற மாணவர்களும் பாராட்டப்பட்டனர்.

சாதனை படைத்த அனைத்து மாணவர்களுக்கும் மனமார்ந்த வாழ்த்துக்கள்! 🎓👏

சாய்ந்தமருது சுகாதார வைத்திய அதிகாரியாக Dr. T.A Mujeeb அவர்கள் சுகாதார வைத்திய அதிகாரியாக நியமனம்!!USF News சார்பாக வாழ...
08/09/2026

சாய்ந்தமருது சுகாதார வைத்திய அதிகாரியாக Dr. T.A Mujeeb அவர்கள் சுகாதார வைத்திய அதிகாரியாக நியமனம்!!

USF News
சார்பாக வாழ்த்துக்கள்

50ஆவது தேசிய விளையாட்டுவிழாவுக்கு இணையாக‘Colombo Marathon - 2026’ போட்டி- விளையாட்டு கலாசாரம் மற்றும் சுற்றுலாத்துறையை ஊ...
08/09/2026

50ஆவது தேசிய விளையாட்டு
விழாவுக்கு இணையாக
‘Colombo Marathon - 2026’ போட்டி

- விளையாட்டு கலாசாரம் மற்றும் சுற்றுலாத்துறையை ஊக்குவிக்க சர்வதேச மரதன் போட்டி

இலங்கையின் 50ஆவது தேசிய விளையாட்டு விழாவுடன் இணைந்து விளையாட்டு கலாசாரம் மற்றும் சுற்றுலாத்துறையை ஊக்குவிக்கும் நோக்கில், எதிர்வரும் செப்டம்பர் மாதம் 13 ஆம் திகதி கொழும்பு காலி முகத்திடலில் ‘Colombo Marathon – 2026’ சர்வதேச மரதன் போட்டி நடத்தப்படவுள்ளது.

இப்போட்டித் தொடரில் சர்வதேச மரதன், 10 கிலோமீற்றர் மற்றும் 5 கிலோமீற்றர் 'FUN Run' ஆகிய பிரிவுகள் உள்ளடக்கப்பட்டுள்ளதுடன், உள்நாட்டு மற்றும் வெளிநாட்டு விளையாட்டு வீரர்கள் பலர் கலந்துகொள்வார்கள் என எதிர்பார்க்கப்படுகிறது.

விளையாட்டுத்துறை அமைச்சினால் சமர்ப்பிக்கப்பட்ட இப்போட்டிக்கான திட்டங்கள், வெற்றியாளர்களுக்கு வழங்கப்படும் பரிசுத் தொகைகள் மற்றும் போட்டி நடத்தப்படும் வழிமுறைகள் தொடர்பான விபரங்களை அமைச்சரவை பரிசீலித்துக் கவனத்தில் கொண்டுள்ளது.

#பல்லின உறவை வலுப்படுத்தும்'மொழிப் பாலம்': மொரட்டுவை - கிண்ணியாஇளைஞர், யுவதிகள் பங்கேற்பு!தேசிய நல்லுறவை மேம்படுத்தும் ...
08/09/2026

#பல்லின உறவை வலுப்படுத்தும்
'மொழிப் பாலம்': மொரட்டுவை - கிண்ணியா
இளைஞர், யுவதிகள் பங்கேற்பு!

தேசிய நல்லுறவை மேம்படுத்தும் நோக்கில், நீதி மற்றும் தேசிய ஒருமைப்பாட்டு அமைச்சின் தேசிய ஒருமைப்பாட்டு பிரிவினால் நடத்தப்படும் 'மொழிப் பாலம்' இளைஞர் பரிமாற்றத் திட்டத்தின் மற்றுமொரு கட்டம் நேற்று (07) பிற்பகல் மொரட்டுவை பிரதேச செயலகத்தில் ஆரம்பமானது.

திருகோணமலை மாவட்டத்தின் கிண்ணியா பிரதேச செயலகப் பிரிவைச் சேர்ந்த 20 இளைஞர்களும், கொழும்பு மாவட்டத்தின் மொரட்டுவை பிரிவைச் சேர்ந்த 20 இளைஞர்களும் இத்திட்டத்தில் இணைந்துள்ளனர்.

இனங்களுக்கு இடையில் பரஸ்பர மரியாதை, சுமுகமான உறவு மற்றும் இரு மொழித் திறன்களைக் கொண்ட இளைஞர் சமூகத்தை உருவாக்குவதே இத்திட்டத்தின் பிரதான நோக்கமாகும்.

கிண்ணியா பிரதேசத்தைச் சேர்ந்த இளைஞர்கள் செப்டெம்பர் 07 முதல் 4 நாட்களுக்கு மொரட்டுவை இளைஞர்களின் வீடுகளில் தங்கி, அவர்களது கலாசாரம் மற்றும் மொழிகளைப் பகிர்ந்துகொள்ளவுள்ளனர்.

இந்த 4 நாட்களில் மொரட்டுவை பகுதியில் உள்ள வரலாற்றுச் சிறப்புமிக்க, ஆன்மீக மற்றும் இயற்கை எழில் கொஞ்சும் இடங்களை பார்வையிடவுள்ள அவர்கள், இன்று (08) இலங்கை பாராளுமன்றத்தை பார்வையிடவுள்ளதுடன், நீதி மற்றும் தேசிய ஒருமைப்பாட்டு அமைச்சர் சட்டத்தரணி ஹர்ஷன நாணாயக்காரவையும் நேரில் சந்திக்கவுள்ளனர்.

#கல்முனை உப பிரதேச செயலக வழக்கு:ஒக்டோபர் 7ஆம் திகதி மீண்டும் சமர்ப்பணங்கள்நூருல் ஹுதா உமர்கல்முனை உப பிரதேச செயலகத்தைத்...
07/09/2026

#கல்முனை உப பிரதேச செயலக வழக்கு:
ஒக்டோபர் 7ஆம் திகதி மீண்டும் சமர்ப்பணங்கள்

நூருல் ஹுதா உமர்

கல்முனை உப பிரதேச செயலகத்தைத் தரமுயர்த்துவது தொடர்பாக முன்னாள் பாராளுமன்ற உறுப்பினர் த. கலையரசன் மேன்முறையீட்டு நீதிமன்றத்தில் தாக்கல் செய்துள்ள வழக்கு இன்று (07) விசாரணைக்கு எடுத்துக்கொள்ளப்பட்டது.

இதன்போது, மனுதாரரான த. கலையரசன் சார்பில் ஜனாதிபதி சட்டத்தரணி எம்.ஏ. சுமந்திரன் தலைமையிலான சட்டத்தரணிகள் குழு நீண்ட நேரம் தமது சமர்ப்பணங்களை முன்வைத்தது.

குறிப்பாக, 1993ஆம் ஆண்டு கல்முனை உப பிரதேச செயலகத்தைத் தரமுயர்த்துவது தொடர்பில் முன்வைக்கப்பட்ட அமைச்சரவைப் பத்திரம் உள்ளிட்ட பல்வேறு முக்கிய ஆவணங்களை அடிப்படையாகக் கொண்டு சட்டரீதியான வாதங்கள் முன்வைக்கப்பட்டன.

இதேவேளை, இவ்வழக்கில் இடையீட்டு மனுதாரர்களாக இணைந்துள்ள முன்னாள் இராஜாங்க அமைச்சர் சட்டத்தரணி எச்.எம்.எம். ஹரீஸ் மற்றும் கல்முனை மாநகர சபையின் முன்னாள் உறுப்பினர் எம்.ஏ. கலீலுர் ரஹ்மான் ஆகியோர் சார்பில் ஜனாதிபதி சட்டத்தரணிகளான சஞ்சீவ ஜெயவர்த்தன மற்றும் பைஸர் முஸ்தபா தலைமையிலான சட்டத்தரணிகள் குழுவின் சமர்ப்பணங்களும், கல்முனை உப பிரதேச செயலாளர் ஜே. அதிசயராஜ் சார்பிலான சமர்ப்பணங்களும் அடுத்த கட்டமாக இடம்பெறவுள்ளன.

அதற்காக 2026ஆம் ஆண்டு ஒக்டோபர் 7ஆம் திகதியை மேன்முறையீட்டு நீதிமன்றம் நிர்ணயித்துள்ளது.

மேலும், சமூக செயற்பாட்டாளர்களான முபாரிஸ் எம். ஹனீபா மற்றும் நஸீர் ஹாஜியார் உள்ளிட்டோர் தாக்கல் செய்துள்ள வழக்குகள் தொடர்பான சமர்ப்பணங்களும் எதிர்வரும் ஒக்டோபர் 7ஆம் திகதி மற்றும் நவம்பர் 2ஆம் திகதிகளில் இடம்பெறவுள்ளதாக நீதிமன்றம் அறிவித்துள்ளது.

கல்முனை உப பிரதேச செயலகத்தின் நிர்வாக மற்றும் தரமுயர்த்தல் விவகாரம் தொடர்பில் நீண்டகாலமாக நிலவி வரும் சர்ச்சைக்கு நீதிமன்ற நடவடிக்கைகள் ஊடாக தீர்வு கிடைக்குமா என்ற எதிர்பார்ப்பு தற்போது அதிகரித்துள்ளது.

#தரம் 5 புலமைப்பரிசில் பரீட்சைமீள்பரிசீலனை விண்ணப்பங்கள்இன்று முதல் ஏற்பு- செப்டெம்பர் 21 வரை ஒன்லைனில் மாத்திரம் விண்ண...
07/09/2026

#தரம் 5 புலமைப்பரிசில் பரீட்சை
மீள்பரிசீலனை விண்ணப்பங்கள்
இன்று முதல் ஏற்பு

- செப்டெம்பர் 21 வரை ஒன்லைனில் மாத்திரம் விண்ணப்பிக்கலாம்
- அதிபர்கள் ஊடாக தரம் 6 அனுமதி விண்ணப்பங்களையும் சமர்ப்பிக்க முடியும்

2026 ஆம் ஆண்டுக்கான தரம் 5 புலமைப்பரிசில் பரீட்சை விடைத்தாள்களை மறுமதிப்பீடு செய்வதற்கான விண்ணப்பங்கள் இன்று (07) முதல் ஏற்றுக்கொள்ளப்படவுள்ளதாகப் பரீட்சைகள் திணைக்களம் உத்தியோகபூர்வமாக அறிவித்துள்ளது.

தகுதியான பாடசாலைகளைத் தெரிவு செய்வதற்கும், மாணவர்களுக்கான புலமைப்பரிசில்களை வழங்குவதற்கும் வசதியாக இந்த தரம் 5 புலமைப்பரிசில் பரீட்சை நடத்தப்படுகிறது.

பரீட்சைகள் திணைக்களத்தின் அறிவிப்பின்படி, விடைத்தாள்களை மீள்மதிப்பீடு செய்வதற்கான விண்ணப்பங்கள் இன்று (07) முதல் 2026 செப்டெம்பர் 21 ஆம் திகதி வரை ஒன்லைன் (Online) ஊடாக மட்டுமே ஏற்றுக்கொள்ளப்படும்.

இதற்கான விண்ணப்பங்களைச் சமர்ப்பிப்பதற்கு, பரீட்சார்த்தி கல்வி கற்கும் பாடசாலையின் அதிபர்கள், பரீட்சைகள் திணைக்களத்தின் உத்தியோகபூர்வ ஒன்லைன் பரீட்சை இணையத்தளத்திற்குச் சென்று (onlineexams.gov.lk), அதிலுள்ள 'SCHOOL LOGIN' பகுதி ஊடாகப் பாடசாலைக்கு வழங்கப்பட்டுள்ள பயனர் பெயர் (Username) மற்றும் கடவுச்சொல்லைப் (Password) பயன்படுத்தி உள்நுழைந்து சமர்ப்பிக்கப்பட வேண்டுமென, பரீட்சை ஆணையாளர் நாயகம் ஏ.கே.எஸ். இந்திகா குமாரி லியனகே விடுத்துள்ள அறிவித்தலில் குறிப்பிடப்பட்டுள்ளது.

இதேவேளை, 2026 தரம் 5 புலமைப்பரிசில் பரீட்சை முடிவுகளின் அடிப்படையில் பாடசாலைகளின் தரம் 6 வகுப்புகளுக்கு மாணவர்களை அனுமதிப்பதற்கான விண்ணப்பங்களையும், அந்தந்த பாடசாலை அதிபர்கள் ஊடாக ஒன்லைனில் சமர்ப்பிக்க முடியும் என கல்வி அமைச்சு அறிவித்துள்ளமை குறிப்பிடத்தக்கது.

#மத்தியப் பிரதேசத்தில் ஒரு நதியைச் சுத்தம் செய்ததிலிருந்து, நெதர்லாந்தில் வேலை வாய்ப்பு பெறும் அளவுக்கு உயர்ந்த பயணம். ...
07/09/2026

#மத்தியப் பிரதேசத்தில் ஒரு நதியைச் சுத்தம் செய்ததிலிருந்து, நெதர்லாந்தில் வேலை வாய்ப்பு பெறும் அளவுக்கு உயர்ந்த பயணம்.

20 வயதான பிட்டு தபாஹி, குப்பைகளால் நிறைந்து கிடந்த அஜ்னார் நதியை தனி ஒருவராகச் சுத்தம் செய்ததைத் தொடர்ந்து சமூக வலைதளங்களில் வைரலானார். அவரது முயற்சிகள் இறுதியில் The Ocean Cleanup அமைப்பின் நிறுவனர் டச்சு தொழிலதிபர் போயன் ஸ்லாட்டின் கவனத்தை ஈர்த்தன. தகவல்களின்படி, அவர் பிட்டுவுக்கு வேலை வாய்ப்பு வழங்கியதுடன், நெதர்லாந்துக்கு வந்து குடியேறவும் அழைப்பு விடுத்துள்ளார்.

The Ocean Cleanup என்பது நதிகள் மற்றும் கடல்களில் உள்ள பிளாஸ்டிக் மாசுபாட்டை அகற்றுவதற்காக செயல்படும் ஒரு சர்வதேச அமைப்பாகும். எனவே, பிட்டுவுக்கு கிடைத்த இந்த அங்கீகாரம் உண்மையிலேயே மிகவும் சிறப்பானது. 🌍👏

இப்படித்தான் இந்தியாவில் இருந்து திறமைகள் வெளிநாடுகளுக்குச் செல்கின்றன 😭 — ஆனால் உண்மையைச் சொன்னால், பிட்டு தகுதியான வாய்ப்பைப் பெறுவதைப் பார்க்கும்போது நமக்கு மகிழ்ச்சியாகத்தான் இருக்கிறது. ❤️

சில நேரங்களில், ஒருவர் பொறுப்பை ஏற்றுக்கொண்டு செயல்படத் தொடங்கினாலே போதும்; உலகமே அவரது முயற்சியை கவனிக்கத் தொடங்குகிறது.



#அம்பிட்டிய சுமண ரத்ன தேரர் சற்றுமுன்னர் மட்டக்களப்பு தலைமையக பொலிஸாரினால் கைது செய்யப்பட்டுள்ளார். மட்டக்களப்பில் உள்...
07/09/2026

#அம்பிட்டிய சுமண ரத்ன தேரர் சற்றுமுன்னர் மட்டக்களப்பு தலைமையக பொலிஸாரினால் கைது செய்யப்பட்டுள்ளார்.

மட்டக்களப்பில் உள்ள புவிச்சரிதவியல் அளவை மற்றும் சுரங்க பணியகத்தின் அலுவலகத்திற்கு சென்று கடந்த 31 ஆம் திகதி அங்குள்ள அதிகாரிகளின் கடமைகளுக்கு இடையூறு விளைவித்ததாக கூறப்படும் சம்பவம் தொடர்பில் அவர் இவ்வாறு கைது செய்யப்பட்டுள்ளதாக தெரிவிக்கப்படுகின்றது.

Address

Kalmunai

Website

Alerts

Be the first to know and let us send you an email when USF News posts news and promotions. Your email address will not be used for any other purpose, and you can unsubscribe at any time.

Shortcuts

Share