13/06/2025
ඇටිපොල
පිහිටීම
මේ වනාහි මාතලේ කඳු පෙදෙසේ පිහිටි කන්දකි.
මාතලේ නගරයට සැතපුම් තුනක් පමණ ඈතින් අලුවිහාරයට ඔබින් පිහිටියේය. සමීපයෙහි ඇති ඇටිපොල නම් ගමේ නමින් කන්ද ද ප්‍රසිද්ධ විය. උස අඩි 4153කි.
ඇටිපොල කන්දෙන් පටන් ගන්නා ජලමාර්ග කීපයකි.
ඒ අඹන්ගඟ, දෙල්විට ඔය, ඇල්ල ඔය, කිරිබත්ගල ඔය සහ දීවිල්ල ඔයයි.
ඇටිපොල කන්දේ අඩි 3,000ට වඩා උස් නොවූ බෑවුම්වල තේ සහ රබර් වැවේ.
අඩි 4,153ක් උස් වූ මෙහි මුදුනේ හා බෑවුම්වල 'නයිස්' පාෂාණ මතු වී ඇත.
මේ කන්ද ආශ්‍රිතව පවත්නා ජනශ්‍රැති බොහෝය.
විජය රජුගේ සටන්වලින් පීඩාවට පත් යකුන්ගෙන් එකකු වූ ‘කණා’ නමැත්තෙක් මෙහි සැඟවී සිටියේල. 'කුඩුගල' නමින් දන්නා ගල්කුළක් තිප්පොළ කොටගත් මුහුදු ලිහිණියන් දින පතා ගෙනැවිත් කාදැමූ මත්ස්‍යයන්ගේ ඇට ගොඩගැසී තිබුණු නිසා ඒ පෙදෙසටත් කන්දටත් ‘ඇටපොල’ නම වී පසුව ‘ඇටිපොල’යි වූ බව පැරැන්නෝ කියති.
තවද ඈත අතීතයේ ඉංග්‍රීසින් විසින් කෝපි වගාව සිදු කරන කාලයේදී ජනප්‍රවාදයේ සදහන් වන ආකාරයට මෙම ඇටිපොල කන්දේ වැවුණු කෝපි වලින් නැවක් පිරවූ බවද සදහන්ය.
තල්ගොඩ නමින් පැරණි විහාරයක් ද එහි වෙයි. ඇටිපොල කන්දේ පිහිටි ‘බැරඬිගල’ නම් ස්ථානය සංචාරකයන්ගේ සිත්ගන්නා ඉතා දැකුම්කලු තැනකි.
අපගේ ගමන්මග
ඇටිපොල කෑම්පින් වන අප ආයතනය ඇටිපොල කදු තරණය කිරීමට යොදා ගනුයේ කුරුණෑගල දිස්ත්‍රික්කයේ මායිමේ පිහිටි කිරිබත්ගල්ල - හල්ගොල්ල ග්‍රාමයේ දෙල්විට ඔය ආශ්‍රිතව ඇති දුෂ්කර කදු මාවතක් ඔස්සේය.
ඉංග්‍රීසි කාලයේ ඉදිකරන ලද මං මාවත් ඔස්සේ ගිරි දුර්ග මැදින් වැටී ඇති මාර්ගයක් ඔස්සේ මෙම අති මණරම් ඇටිපොල කදු තරණය ඔබට නවමු අත්දැකීමක් එක් කරනු නියතය.
මෙහිදී ඔබට පැරණි විශාල කෝපි ගස්, තේ ස්ටෝරු, බංගලා ආදිය දැක ගත හැකි අතර කිලෝමිටර 7කට වඩා කදු තරණයක අත්දැකීමක් ලබා ගත හැකිය.
මෙය ඔබට දින එකක හෝ දින දෙකක ගමනක් ලෙස සංවිධානය කරගත හැකිය.
දින එකක ගමන්මග
• මෙහිදී ඇටිපොල කන්ද හෝ බ්‍රැන්ඩිගල කන්ද තරණය සිදු කරනු ලැබේ.
• දෙල්විට ඔයේ සුන්දර ජල දහරාවලින් සවස් යාමයේ විනෝද විය හැකිය.
• සවස අපගේ කෑම්පින් භූමියට පැමිණ කෑම්ප් ගසා පසුදා පිටත්විය හැකිය.
දින දෙකක ගමන්මග
• මෙහිදී මුලින්ම ඇටිපොල කන්ද තරනය කරන අතර එදින රාත්‍රියේදී ඇටිපොල කන්දේ කෑම්ප් ගැසීම සිදු කරයි.
• පසුදා බ්‍රැන්ඩිගල කන්ද තරණය කර එදින සවස නැවත ඇටිපොල කෑම්පින් භූමියට පැමිණ දෙල්විට ඔයේ සුන්දර ජල දහරාවලින් සවස් යාමයේ විනෝද විය හැකිය.
• කෑම්ප් ගසා පසුදා පිටත්විය හැකිය.
මූලික වශයෙන් ඇටිපොල කන්ද සහ බ්‍රැන්ඩිගල කන්ද තරණය කිරීම ඇටිපොල කෑම්පින් ආයතනය මගින් සිදු කරනු ලබයි.
අත්දැකීම් සහිත මගපෙන්වන්නන් මේ සදහා මග පෙන්වන අතර මී හරක් ගිය පාරවල් වලින් සෑදී ඇති මාර්ග ඔස්සේ ගමන් කළ යුතුව ඇත.
තවද බ්‍රැන්ඩිගල ඉහල කොටසේ ඉංග්‍රීසින් විසින් ඉදිකරන ලද බංගලාවක පාදම ද මෙහිදී බලා ගත හැකිවේ.
සුන්දර ග්‍රාමීය පරිසරයක් වන කිරිබත්ගල්ල - හල්ගොල්ල ග්‍රාමයේ ඉහළ කොටසේ ඇටිපොල කෑම්පින් ආයතනය පිහිටා ඇත.
ඔබට කෑම්පින් කරන්න අවශ්‍ය සියළුම පහසුකම් අප ආයතනය මගින් සපයනු ලැබේ.
එන්න අපිත් එක්ක කෑම්ප් ගහමු.
මලිත් - +94 71 519 97 04
ලෙස්ලි - +94 71 84 27 111 \ 077 527 8686
