07/06/2026
උ.ගැ
සිරිපා අවාරය පිලිබද වනජීවී දෙපාර්තමේන්තුව විසින් අප සමූහයේ පළ කිරීම පිණිස දැනුම් දෙනු ලැබූ පණිවුඩයකි.
මේ වනවිට එළඹ ඇති 2026 සිරිපා අවාරය පිලිබද වනජීවී සංරක්ශණ දෙපාර්තමේන්තුව විසින් මෙම දැනුම්දීම අප සමූහය තුළ පල කරන ලෙස අපගෙන් සිදුකරන ලද ඉල්ලිම අනුව පළකෙරේ.
සිරිපා අවාරයේ සිරිපා මාර්ග වල ගමන් කිරීමේ පාලනය සිදුකරනු ලබන්නේ වනජීවී දෙපාර්තමේන්තුව විසින් වන අතර ඔවුන් අපට දැනුම් දුන් පරිදි මෙවර සිරිපා අවාරය තුල සංචාරකයින්ට ගමන් කල හැක්කේ මාර්ග දෙකක් හරහා පමණි. එනම් නල්ලතන්නිය හැටන් මාර්ගය සහ රත්නපුර ශ්රී පලාබද්දල මාර්ගයේ පමණි. ඒ හැර කුරුවිට එරත්න, දෙහෙනකන්ද මුක්කුවත්ත, දැරණියගල උඩමාලිබොඩ, මරේවත්ත සදගලතැන්න සහ වෙනත් මාර්ග වල ගමන් කිරීම සපුරා තහනම් කොට ඇත. එම මාර්ග වල ගමන් ගන්නා අයට විරුද්ධව නීතිමය ක්රියාමාර්ග ගන්නා බව ඔවුන් දන්වන ලදී.
ඕනෑම කෙනෙකුට අවාරයේ සිරිපා යාමට අවශ්ය නම් හැටන් මාර්ගය හෝ රත්නපුර මාර්ගය් භාවිතා කල හැකි අතර එහිදී වලංගු ප්රවේශපත්ර නල්ලතන්නිය වනජීවී කාර්ය්ලයෙන් හෝ ශ්රී පලාබද්දල වනජීවී කාර්යාලයෙන් ලබා ගත යුතුය. නියමිත දින වලට වලංගු ප්රවේශපත් නොමැතිව ගමන් ගන්නා අයට එරෙහිවද නීතිමය ක්රියාමාර්ග ගන්නා බව දන්වන ලදී.
දේශීය සංචාරකයෙකුගෙන් එක් දිනකට ඇතුලුවීමේ ප්රවේශපතක මිල රු.40 ක් වන අතර ඔබ රැයක් නැවතී පහුවදා නැවත පැමිනෙන්නේ නම් රු.80 කට දින දෙකක් සදහා ප්රවේශපත් ලබාගත යුතුය. එසේම තනි පුද්ගලයෙකු ගියද 10 ක හෝ ඊට අඩු කණ්ඩායමක් ලෙස ගියද රු.1,000 ක සේවා ගාස්තුවක් ගෙවීමටද සිදුවේ. එහිදී 10 දෙනෙකුට වඩා කණ්ඩායමේ සිටීනම් වැඩි වන එක් පුද්ගලයෙකුට රු.100 ක සේවා ගාස්තුවක් එකතු වේ.
තවද දෙදෙනෙකු හෝ ඊට වැඩි කණ්ඩායමක් ලෙස යන විට එම කණ්ඩායමේ සියලුම දෙනාගේ සම්පූර්ණ නම, ලිපිනය, ජාතික හැදුනුම්පත් අංකය සහ දුරකතන අංකය කොලයක මුද්රණය කර ලබාදිය යුතුය. තනි පුද්ගලයෙකු ලෙස යන විට ඔබේ විස්තර කවුන්ටරයට ලබාදිය හැකිය. අවාරයේ සිරිපා සංචාරයේදී මත්පැන්, මත්ද්රව්ය, දුම්වැටි ගෙනයාම හෝ භාවිතා කිරීම සම්පූර්ණයෙන්ම තහනම් වන අතර ඊට විරුද්ධවද නීතිමය ක්රියාමාර්ග ගනු ලැබේ
සමූහයේ සටහන:
වනජීවී දෙපාර්තමේන්තුව විසින් සිදු කරන මෙම ක්රියාමර්ගය හේතුවෙන් පැන නැගිය හැකි පාරිසරික බලපෑම්, අවාරයේ ප්රාදේශිය සභා මගින් කසල ඉවත් කිරීමේ ක්රමවේද, සංචාරකයන්ට ලබාදෙන පහසුකම්, ටිකට් කවුන්ටර් වලදී ප්ලාස්ටික් පොලිතින් සහ ගිනි දැල්වීමේ දේවල් රැගෙන යාම් පිලිබද පරික්ශා කිරීම වැනි තවත් දෙවල් පිලිබද අප මේ වනවිටත් වනජීවී සහ අදාල දෙපාර්තමේන්තු වෙත ලිපි මගින් යවා විමසා ඇත. මන්ද සමූහයක් ලෙස අප සෘජුවම අවාරයේ සංචාරකයින් යන විට පරිසරයට එමගින් සිදුවිය හැකි අයහපත් බලපෑම් හේතුවෙන් අවාරයේ සංචාරකයින් හට යාමට අවසර ලබාදීම පිලිබද සතුටුදායක ස්ථාවරයක නොමැත.
මෙම පෝස්ටුවේ අවසානයේ සදහන් සමූහයේ සටහන් වලට වනජීවී දෙපාර්තමේන්තුවෙන් අපට එවූ පිලිතුරු:-
01.බලපත්ර නිකුත් නොකරන ලද වර්ශ වලදීද අවාරයේ ශ්රී පාද ස්වාභාවික මංපෙත් භාවිතා කරමින් විශාල වශයෙන් සංචාරකයන් ඇතුලුවීම සහ එමනිසා සමනල ස්වභාවික රක්ශිතය තුල කුණු කසල බහුල ලෙස එක් රැස් වීම.
02.අධි සංවේදී පරිසර පද්ධතියන් පිහිටා ඇති මාර්ග වසාතැබීම.(එරත්න -ශ්රී පාද මාර්ග )
03.බලපත්ර නිකුත් කරන මාර්ග 2හි අනියම් කම්කරුවන් යොදාගනිමින් එක් රැස්වන කුණු කසල ඉවත්කිරීමට කටයුතු සැලසුම් කර ඇත.
