19/12/2023
❤️නකල්ස් වන මැදින් මීමුරේ යන ලංගම ගමන් සගයාගේ ලෙංගතුකම❤️
මහනුවර දිස්ත්රික්කයේ තෙල්දෙණිය ඩිපෝවට අයත් NE-1027 අංකය දරණ ලංකා ගමනාගමන මණ්ඩලයට අයත් බසය උඩුදුම්බර සිට කන්දේගම,කොබෝනීල,ලූල්වත්ත හරහා මීමුරේ දක්වා දිනකට ගමන්වාර 3 ක් තම සේවය සලසා දෙනු ලැබේ.මේ සඳහා සමස්තයක් ලෙස දිනකට ඩීසල් ලීටර් 50 ක් පමණ වැය වේ.ගමනට ගතවන මුලු කාලය පැය 2 ක් පමණ වේ.
🚍මීමුරේ බලා බසය පිටත්වන වේලාවන්.
🛑උදේ 8.10 (හුන්නස්ගිරිය,ලූල්වත්ත හරහා)
🛑සවස 2.30 (හුන්නස්ගිරියෙන් පිටත්ව සවස 3.00 සිට 4.45 දක්වා උඩුදුම්බර රැඳී සිටී.සවස 4.45 ට අවසන් ගමන් වාරය මීමුරේ බලා පිටත් වේ.
🚍මීමුරේ සිට උඩුදුම්බර/හුන්නස්ගිරිය/තෙල්දෙණිය බලා බසය පිටත්වන වේලාවන්.
🛑අලුයම 5.00 (ලූල්වත්ත හුන්නස්ගිරිය හරහා)
🛑උදේ 10.30 (ලූල්වත්ත,හුන්නස්ගිරිය හරහා තෙල්දෙණිය දක්වා)
ඉතාම දුෂ්කර ගිරිදුර්ග හා ප්රපාත සහිත ත්රාසජනක මෙන්ම සුන්දර පරිසරයක් පසු කරමින් කිලෝමිටර් 38 කට ආසන්න දුර ගෙවා දැමීමට රියසක මෙහෙයවනුයේ ලංගම රියදුරු එච්.එම්.ජයසේකර රියදුරු මහතා ය.හෘදයාංගම ලීලාවෙන් බසයේ හිතවතුන් හසුරවමින් කටයුතු කරන්නේ ඒ.එම්.උපාලි කොන්දොස්තර මහතා ය.
මගී ජීවිත මනාව ආරක්ෂා කරමින් ඉතාම මිත්ර ලීලාවෙන් සිය සේවය සපයන ඔවුහු තම වෘත්තියට එහා ගිය ප්රශංසනීය සේවයක් ගම වෙනුවෙන් සේම රට වෙනුවෙන් ද ඉටු කරන බැවින් ඔවුන්ගේ සේවය ඇගයීම යුක්ති යුක්ත බව ලංගම සභාපතිවරයාට සේම ප්රවාහන අමාත්යවරයාට ද සැල කර සිටින්නෙමු..!!
ත්රීරෝද රථයකින් මෙම බස් රථයේ මුලු දුර ගෙවා දැමීමට රුපියල් 5000 ක් අය කරන අතර 25 දෙනෙකුට පමණ අසුන්ගත හැකි මෙම බසයේ 40 කට පමණ කරදරයකින් තොරව ගමන් කළ හැකිය.මුලු දුර සඳහා බසයේ ගාස්තුව රුපියල් 220/- ක් පමණ වේ.අවශ්ය අයට තම භාණ්ඩ ද අදාල මුදල් ගෙවා ප්රවාහනය කරගත හැකිය.
මා මීමුරේට පය තැබූ 2014 වර්ෂයේ දී ප්රවාහනයට තිබූ බොහෝ බාධක මෙම ලංගම බසය හේතුවෙන් සහ මුලින්ම පාහේ විසඳී ඇත.මහජනයාට ඉතා විශිෂ්ට අන්දමින් සලසන සේවයත්,ඒ සේවයට එහා ගිය මනුෂ්යත්වයත්,මෙම බසයේ ජයේ රියදුරු මහතාගේ හා උපාලි කොන්දොස්තර මහතාගේ අති මානුෂික ගුණාංගත් හේතුවෙන් පිරිහෙමින් ඇති ලංගම නැවතත් යහපත් මහජනයාට අත්යවශ්ය සේවාවක් බවට තව තවත් සපථ කරනු ඇත.
වගකිවයුතු බලධරයිනි..,මෙම සේවාව වෙනුවෙන් ඒ සඳහා කටයුතු කළ සැමට කෘතවේදීත්වය මෙයින් පළ කරන අතරම වැටුපට එහා ගිය අගනා සේවයක් ඉටුකරන මෙම රියදුරු හා කොන්දොස්තර දෙපළ වෙනුවෙන් විශේෂ ඇගයීමක් සිදුකර,ඔවුන්ට විවේක ගැනීමට හා ආහාර සපයා ගැනීමට යම් ක්රමවේදයක් සකසා හෝ අමතර දීමනාවක් ලබාදීමට කටයුතු කරන ලෙසත් කාරුණිකව සිහිපත් කරමු.
ධනංජය පීරිස්
(2023.12.17 දින කළ සංචාරයක් ඇසුරිනි)
නවාතැන් පහසුකම් සඳහා අමතන්න.
0️⃣7️⃣7️⃣8️⃣8️⃣5️⃣8️⃣4️⃣4️⃣6️⃣
