03/06/2024
කිරිගල්පොත්ත🏞️⛰️
ලංකාවේ උසම කඳු තරණය "කිරිගල්පොත්ත" ගැන විස්තර හොයන ඔයාලාට වැදගත් වෙන තොරතුරු ටිකක්🧗⛰️🍃🌱🐆🌻🌸🦜🌿
ලංකාවේ ඉන්න අපිට කදු නගින්නත්,මුහුදේ පීනන්නත් අවස්තා දෙකම අපිට හම්බවෙලා තියෙනවනේ.කොටින්ම කිව්වොත් අපේ කොල්ලෝ ,කෙල්ලොන්ට ඔය දෙකමටම ගොඩක් දක්ෂයි .ඉතින් මේ කඳු කිව්වාම අපිට ඉතින් නගින්න හම්බවෙන්නේ මීටර 2500ට වඩා අඩු කඳුනේ. ඉතින් මේ කඳු නැගීම් අතර අපිට නගින්න පුළුවන් උසම කන්ද වෙන කිරිගල්පොත්ත තරණය ගැන අපි විස්තර ටිකක් දැනගමු.
කොහෙන්ද මේ කිරිගල්පොත්තට නගින්නේ👇
කිරිගල්පොත්ත එක්තරා කාලයකදී කළුපහන බඹරකන්ද අන්තයෙන් හෝ හෝටන් තැන්නේ පහළ බෑවුම් වලින් පටන් අරගෙන නගින්න පාරවල් තිබිලා තියෙනවා. දැනුත් කොළඹ ඉඳන් කෙලින්ම කිරිගල්පොත්තට මැප් කළාම ඒ පරණ පාරවල් තමයි පෙන්නුම් කරන්නේ. ඒත් දැනට ඒ පහළ ඉඳන් එන පාරවල් වැහිලා. දැන් බෙලිහුල්ඔය ඉඳන් ලෝකාන්තයට නැග්රැක් බංගලාව පැත්තෙන් එන පාරත් වහලා තියෙන්නේ. ඒ පැත්තෙන් හෝටන් තැන්නට ඇතුළු වෙන්න නම් තහනම්. ඉතින් ඒ නිසා කිරිගල්පොත්තට දැනට තියෙන හොඳම පාර විදිහට හෝටන් තැන්න පිවිසුම අසල පාර තෝරාගන්නට ඔයාට සිද්ධ වෙනවා. ඒ පාර ඇත්තටම මාර ලස්සනයි ⛰️🍃🌱
මේ කන්ද නගින ගමන පටන් ගන්න හෝටන් තැන්න පිවිසුමේ ඉඳලා ගමනට එක පැත්තකට කිලෝමීටර 7ක් තියෙනවා. මේ මාර්ගය පටන් ගන්නෙත් එක්තරා උසකින්. ඒ නිසා දිගින් දිගටම නැග්මක් නැහැ. ගමනේ අවසාන හරියේදි නම් ටිකක් අමාරැ නැගිල්ලක් හම්බවෙනවා. වෙනත් කඳු වලට වඩා මේකේ තියෙන විශේෂත්වයක් තමයි මගදි හම්බවෙන විල්ලු සහ වගුරු බිම්. වැසි කාලයක නම් මේ යන මාර්ගය තැනින් තැන මඩ වෙනවා. එතකොට පරෙස්සමෙන් මඩේ එරෙන්නේ නැතිව යන්න ඔයාලට ලොකු ගේමක් දෙන්න වෙනවා.
මම දන්න තරමින් නම් මේ කන්ද උඩ කෑම්ප් ගහන්න බැහැ. අපි ගිය දවස් වලත් අපිට කෑම්ප් ගහන්න දුන්නේ නෑ.අනිවා දවසක් ඇතුලත හැරිලා එන්නම ඕන. ඒ වගේම හෝටන් තැන්න සහ කිරිගල්පොත්ත දෙකටම තියෙන නීතියක් තමයි හවස දෙකෙන් පස්සේ ඇතුළු වෙන්න දෙන්නේ නැහැ. දෙකෙන් පස්සේ යන එකත් අවදානමක්. වැඩිය කඳු පුරුදු නැති එක් අයෙකු හෝ ඉන්නවා නම් උදෑසනම ඒ කියන්නේ හෝටන් තැන්න මාර්ගය විවෘත වෙන උදේ 6.30ට වගේ පාන්දරම වැඩේ පටන් ගන්න ඕනි. ඒ වගේම හවස 1-2 වෙද්දිවත් කන්ද නැගලා තියෙන්න ඕනි. එහෙම නැතිනම් ආපහු හැරිලා එන එක තමයි යුතු. මොකද මේ ගමන් මාර්ගය කළුවරේ තියා දවල්ට සොයාගන්නත් ටිකක් අමාරුයි.
මෙහේ පාර හොයාගන්නේ කොහොමද කියලා තමයි තියෙන ලොකුම ප්රශ්නෙ.මෙහේ කැළෑ පාරවල් හොයලා ගිහින් පුරුදු අයට අවුලක් නැහැ. පුරුදුකාරයෙක්ටනන් කොහෙත්ම අවුලක් නැහැ. එහෙම නැති අලුතින්ම කඳු නගින්න යන අයට නම් මේකේ පාර ගයිඩ් මහතෙක් නැතිව හොයාගන්න අමාරුයි. සමහර කාලවලට හෝටන් තැන්නට ඇතුළු වෙන තැන ගයිඩ්වරු උදේම හොයාගන්න පුළුවන්. මෙහේ පාර තිබුණාට ස්ථිරවම තියෙන පාරවල් මෙහේ නැහැ. ඒ නිසා මාර්ගය දන්න කෙනෙක් එක්ක යෑම වඩාත් හොඳයි.
කෑම හොයාගන්නේ කොහොමද 👇👇
හෝටන් තැන්නට කෑම බීම ,ෂොපින් බෑග් ප්ලාස්ටික් ගෙනියන්න තහනම් කියලා නීතියක් තියෙනවා. ඒ නිසා බිස්කට් වර්ග, සීනි,චොකලට් වගේ ගොඩක් දේවල් කවර නැතුව නිකං කඩදාසි වල තමයි දාගෙන යන්න වෙන්නේ. වතුර බෝතල් වගේ දෙයක් නම් ගෙනියන්න පුළුවන්. හදිසියේ වතුර ඉවර උනොත් ඔයාට හෝටන් තැන්නේ තැනින් තැන තියෙන දිය පීලි වලින් වතුර ගන්න පුළුවන්. ඒත් ඒ වතුර සමහර තැන් වලදී අමුතු රහක් තියෙනවා. ඒ නිසා පුළුවන් තරම් වතුර අරං යන්න පුළුවන් නම් ගොඩක් හොඳයි.
සිද්ධ වෙන්න පුළුවන් අනතුර මොනවද👇👇
මේ හෝටන් තැන්නේ කොටි ඉන්නවා කියලා වාර්තා වෙලා තියෙනවා. මෑතකදි කොටි 4 දෙනෙකුගේ රෑනක් ඡායාරූපයට හසු වෙලා තිබුණා. ඒත් මේ කඳුකර කොටි යාලේ විල්පත්තුවේ දකින කොටි වගේ මිනිස්සුන්ට හුරු නැහැ. මේ කඳුකර කොටි හෝටන් තැන්න කලාපයේදී මිනිස්සුන්ට පහර දීපු අවස්ථා තවම නම් වාර්තා වෙලා නෑ. (මම දන්න තරමින්)ඒ නිසා කොටින්ට බය වෙන්න දෙයක් නැහැ. සීතල වැඩි ප්රදේශයක් නිසා කූඩැල්ලන්ගෙනුත් බයවෙන්න දෙයක් නැහැ. සීතල ගොඩක් තිබුණත් ගමනේදී නිතරම ඇවිදින නිසා සීතල දැනෙනවා අඩුයි. ඒ නිසා ජර්සි වැඩි ප්රයෝජනයක් නැහැ. වැසි කාලය ඇවිත් වැස්සොත් නම් ඉතින් තෙමෙන්න වෙනවා. ඒ වෙලාටනම් ජර්සි ,වැසි කබා ප්රයෝජනවත් වෙනවා.
හැබැයි ඔයා මීදුම තියෙන වෙලාවක නැග්ගොත් නම් පට්ට ලස්සන වීව් එකක් බලාගන්න බැරි වෙනවා. මේ කඳු මුදුනේ අංශක 360 හෝ 180 වීව් එකක් නම් නැහැ. එක පැත්තකින් විතරක් ලාවට ගම්මාන ටික පේනවා. ඒත් කන්දේ peak එකට යන්න තියෙන ආමාරැම පාරේදි නම් අවට තියෙන ප්රදේශ ලස්සනට පේනවා.
අනිත් වැදගත් කාරණය තමයි ඔයාලා කොළඹ හරි පිටපළාත් වල ඉඳන් එනවනන් හරි කන්ද නගින්න කලින් දවසේ කෝහේ හරි ගිහින් නැවතිලා ඉන්න ඕනි. නැත්තන් නයිට් මේල් එකේ පට්ටිපොලට හෝ ඔහියට ගිහින් යන්න ඕනි. එහෙමත් නැතිනම් රෑම ගිහින් පාන්දරම හෝටන් තැන්නට එන්න මොකක් හරි වාහනයක් සෙට් කරගන්න ඕන.
ඔන්න ඕක තමයි ඉතින් විස්තරේ.ඔයාලටත් කිරිගල්පොත්ත නැගල එන්න අදහසක් තියෙනවනන් මේ පෝස්ටුව ඒකට බොහොම වැදගත් වේවි.
පා සටහන් හැර ඔබ ගෙන යන අනිත් සියල්ලම නැවත රැගෙන ඒමට වගබලා ගන්න 🥰🙂🙂
-------------------------------------------
DM For Credit Or Removal
Credit Always Goes to respective owner
-------------------------------------------
ලංකාවේ අතේ ඇති මුදලට ඔයාගේ ගමනේ නවාතැන හොයාගන්න හොදම තැන,
www.Booknet.lk
අදම පිවිසෙන්න...
Follow this page Booknet.lk
Follow Us
Tik Tok - https://shorturl.at/jrHW9
Whatsapp Chanal - https://shorturl.at/IKWY4
page - https://shorturl.at/dnoyE
page - https://shorturl.at/dwxCL
Web site - Www.Booknet.Lk
www.booknet.lk
.lk
