24/05/2025
မြန်မာနိုင်ငံကူးလက်မှတ်အမျိုးအစားများ
မြန်မာနိုင်ငံသားများအတွက် နိုင်ငံတကာသို့ ခရီးသွားရာတွင် မဖြစ်မနေလိုအပ်သောအရာတစ်ခုမှာ နိုင်ငံကူးလက်မှတ် (Passport) ဖြစ်သည်။ ထိုလက်မှတ်သည် သွားရောက်မည့်ရည်ရွယ်ချက်ပေါ်မူတည်၍ အမျိုးအစားအမျိုးမျိုးဖြင့် ထုတ်ပေးလေ့ရှိသည်။ ထိုအမျိုးအစားများကို အောက်ပါအတိုင်း ခွဲခြားဖော်ပြနိုင်သည်။
1. အလည်အပတ် (PV) – Passport for Visit
ခရီးသွားအလည်အပတ်ရည်ရွယ်ချက်ဖြင့် ပြည်ပသို့ သွားရောက်လိုသူများအတွက် ထုတ်ပေးသော လက်မှတ်ဖြစ်သည်။ မိသားစုအဖွဲ့ဝင်များ သွားလည်ခြင်း၊ ချစ်သူအားတွေ့ဆုံခြင်းစသဖြင့် သီးသန့်လေ့လာသွားရန်ဖြစ်သည်။
2. သင်္ဘောသား (PS) – Passport for Seaman
သင်္ဘောပေါ်၌ အလုပ်လုပ်လိုသူများအတွက် သီးသန့်ထုတ်ပေးသော လက်မှတ်ဖြစ်သည်။ သင်္ဘောကုမ္ပဏီနှင့် သက်ဆိုင်ရာခွင့်ပြုချက်ရှိရမည်။
3. စီးပွားရေး (PB) – Passport for Business
ကုမ္ပဏီ၊ လုပ်ငန်းဆိုင်ရာ ခရီးစဉ်များအတွက် ဖြစ်သည်။ လုပ်ငန်းပူးပေါင်းဆောင်ရွက်ခြင်း၊ ရင်းနှီးမြှုပ်နှံရေး၊ အစည်းအဝေးတက်ခြင်းတို့အတွက် ထုတ်ပေးသည်။
4. ပညာရေး (PE) – Passport for Education
ပြည်ပ၌ ပညာသင်ကြားလိုသူများအတွက် ဖြစ်သည်။ ကျောင်းတက်ခြင်း၊ သင်တန်းတက်ခြင်းနှင့် ပညာရေးဆိုင်ရာ အစီအစဉ်များအတွက် အသုံးပြုသည်။
5. အလုပ် (PJ) – Passport for Job
နိုင်ငံခြားတွင် ကုန်းပေါ်အလုပ်လုပ်ရန်အတွက် ဖြစ်သည်။ အလုပ်သမားအခွင့်အရေးများအောက်တွင် အလုပ်လုပ်ခွင့်ရရန် သက်ဆိုင်ရာ အလုပ်အကိုင်စာချုပ်များလိုအပ်သည်။
6. ဘာသာရေး (PR) – Passport for Religious
သာသနာပြုလုပ်ငန်းများ ဆောင်ရွက်ရန် ရည်ရွယ်ပြီး ထုတ်ပေးသည်။ ဘာသာရေးလုပ်ငန်းဆောင်ရွက်မည့်အဖွဲ့အစည်းမှ ခွင့်ပြုချက်ရှိရမည်။
7. မှီခို (PT) – Passport for Dependent
ပြည်ပတွင် အလုပ်လုပ်နေသူအား မှီခိုနေထိုင်မည့် မိသားစုဝင်များအတွက် ဖြစ်သည်။ မိသားစုအဖွဲ့ဝင်ဖြစ်ကြောင်း သက်သေခံချက်များလိုအပ်သည်။
