30/09/2026
“ထားဝယ်” ကို ကူညီပေးကြပါ🚨⚠️
ပြီးခဲ့တဲ့ ရက်ပိုင်းက မိုးသည်းထန်စွာ ရွာသွန်းမှုကြောင့် ထားဝယ်မြို့ နှင့် မြို့အနီးတစ်ဝိုက် ကျေးရွာများမှာ ရေကြီးရေလျှံမှုတွေနဲ့ တောင်မြေပြိုမှုတွေ အများကြီး ဖြစ်ပြီး ကပ်ဘေးဆိုက်သွားခဲ့ရပါတယ်။ မြေပြိုမှုကြောင့် ရွာလုံးကျွတ် မြေကြီးအောက်ရောက်သွားခဲ့ရတာတွေ၊ လမ်းပန်းဆက်သွယ်ရေး ပြတ်တောက်သွားတာတွေ၊ ရေနဲ့ အစားအသောက် အခက်အခဲတွေ များစွာဖြစ်ပွါးနေတာ အားလုံးအသိ ဖြစ်ကြပါလိမ့်မယ်ရှင်။
မြေပြင်အခြေအနေအရလည်း အခု ရေပြန်ကျသွားချိန်မှာ ပြန်လည်ထူထောင်ရေးလုပ်ငန်းတွေအတွက် လူအား၊ ငွေအား အများကြီးလိုအပ်လျက်ရှိပါတယ်။ ဒါ့ကြောင့် လူအားတတ်နိုင်သူတွေအနေနဲ့ ယခု မြေပြင်မှာ ကယ်ဆယ်ရေးကို လက်ရှိ လုပ်ဆောင်နေတဲ့ ထားဝယ်က အဖွဲ့ကြီးတွေနဲ့ ပူးပေါင်းပြီး ပါဝင်ပေးစေလိုပါတယ်။ ဘာလို့ဆို ထားဝယ်က ရန်ကုန်ကနေတောင် မိုင် ၄၀၀ ကျော်လောက် ကွာဝေးတဲ့ မြန်မာပြည်အောက်ပိုင်းမှာ တည်ရှိတာမို့ တစ်သီးပုဂ္ဂလ သွားကူရလောက်အောင် လမ်းခရီး မသင့်နိုင်ပါဘူး။ အဲ့အစား မိမိတို့ မြို့အလိုက်၊ အဖွဲ့အစည်းအလိုက် သေချာ အစီအစဉ်ဆွဲပြီး လက်ရှိလုပ်ကိုင်နေတဲ့ အဖွဲ့အစည်းတွေနဲ့ ချိတ်ဆက်ပြီး လူအင်အား၊ ငွေအင်အား ပါဝင်ပူးပေါင်း လုပ်ကိုင်ပေးတာက အထိရောက်ဆုံး နဲ့ ခရီးအရောက်ဆုံး ဖြစ်မှာပါ။
အကြောင်းအမျိုးမျိုးကြောင့် လူအင်အား မပါဝင်နိုင်လို့ ငွေအင်အားနဲ့ ပါဝင်ချင်သူများအတွက်လည်း စိတ်ချလက်ချ အလှူငွေထည့်ဝင်လို့ရတဲ့ မြေပြင် ကယ်ဆယ်ရေးအဖွဲ့တွေနဲ့ ယုံကြည်ရသူအချို့ကို အောက်မှာ စုပေးလိုက်ပါတယ်။ နန္ဒာကတော့ အလှူငွေ မကောက်ပါဘူးရှင့်။ လှူချင်သူများ အောက်ဖော်ပြပါ အဖွဲ့တွေထဲက မိမိလှူဒါန်းဖို့ စိတ်အားထက်သန်ရာ အဖွဲ့ နှင့် ပုဂ္ဂိုလ်တွေကို လေ့လာပြီး တိုက်ရိုက်ဆက်သွယ်လှူဒါန်းနိုင်ကြောင်း တိုက်တွန်းနှိုးဆော်အပ်ပါတယ်ရှင်။ဘယ်လောက်ဝေးဝေး ၁ ကျပ်မှစ မိမိနိုင်သလောက် ထားဝယ်ရေဘေးမှာ ပါဝင်ကူညီပေးကြဖို့ ထားဝယ်သူတစ်ယောက်အနေနှင့် အကူအညီတောင်းခံပါရစေရှင် 🙏🏼
ဆက်သွယ်လှူဒါန်းနိုင်သော နေရာများ -
ဇဗ္ဗူသီရိအရေးပေါ်လူနာ ကူညီသယ်ဆောင်ရေးအဖွဲ့ - ထားဝယ် - https://www.facebook.com/share/19MmgxEDsJ/?mibextid=wwXIfr
KK Gifts Shop& Group Service - Dawei - https://www.facebook.com/share/1GezMPnv5W/?mibextid=wwXIfr
ကဒက်ငယ်ထိန် တောင်ပြိုဘေးကူညီကယ်ဆယ်ရေး - https://www.facebook.com/share/19rxL2xjtC/?mibextid=wwXIfr
Wint Yamone Naing - https://www.facebook.com/share/1JzjLHHzEC/?mibextid=wwXIfr
Aye Win - https://www.facebook.com/share/1G3Sre1JT1/?mibextid=wwXIfr
Credit
https://www.facebook.com/groups/nandarskitchen/permalink/3184789701726099/?sfnsn=scwspmo&ref=share&mibextid=VhDh1V
