Gurung Tourism Entrepreneurs' Association, Nepal - GTEAN

07/08/2026

https://www.tourismpati.com/2026/08/06/1610

काठमाडौं । आरोही तथा पर्वतीय पथ प्रदर्शक पुर बहादुर (युक्त) गुरुङ हिमाल आरोहणको क्रममा हिउँ पहिरो (एभेलेञ्ज) मा पर.....

31/07/2026

पुर बहादुर गुरुङ "युक्त"

नेपालका सफल पर्वतीय पथप्रदर्शक तथा मार्गदर्शकमध्ये एकका रूपमा अमर बनेका पुरबहादुर "युक्त" गुरुङको जीवन त्याग, अनुशासन र अदम्य साहसको अनुपम उदाहरण थियो।

गोरखा जिल्लाको एक दुर्गम गाउँमा जन्मिनुभएका युक्तले सन् २००९ मा भरियाका रूपमा हिमाली यात्रा सुरु गर्नुभएको थियो। उहाँले हिमालमा आरोहण सामग्री बोकेर आफ्नो यात्रा प्रारम्भ गर्नुभयो। त्यसपछि उहाँ क्रमशः भान्से सहयोगी, सहायक पर्वतीय पथप्रदर्शक, ट्रेकिङ गाइड र अभियान नेता हुँदै अन्ततः आईएफएमजीए (IFMGA) मान्यता प्राप्त पर्वतीय पथप्रदर्शक बन्नुभयो, जुन विश्वकै सबैभन्दा उच्च र प्रतिष्ठित योग्यतामध्ये एक हो।

उहाँका उल्लेखनीय उपलब्धिहरू:
• ८,००० मिटरभन्दा अग्ला हिमालहरूमा २८ पटक सफल आरोहण
• सगरमाथाको १० पटक सफल आरोहण
• केटु (K2) को २ पटक सफल आरोहण
• विश्वका १४ सर्वोच्च हिमालमध्ये १२ वटाको सफल आरोहण
• ६,००० र ७,००० मिटर उचाइका अनेकौँ हिमालहरूको सफल आरोहण
सन् २०२३ मा प्रकाश गुरुङसँग मिलेर ६,७५९ मिटर अग्लो खुम्जुङगार हिमालको पहिलो अभिलेखित सफल आरोहण

तर युक्तको परिचय केवल उहाँले चुमेका शिखरहरूको सङ्ख्यामा मात्र सीमित थिएन।

उहाँ पर्वतीय उद्धार अभियानहरूमा सक्रिय रूपमा सहभागी हुनुहुन्थ्यो। २०७२ सालको विनाशकारी भूकम्पपछि आफ्नै समुदायको पुनर्निर्माणमा उहाँले महत्त्वपूर्ण योगदान दिनुभएको थियो। साथै, खुम्जुङगार अभियानमार्फत हिमाललाई स्वच्छ, सुरक्षित र दिगो रूपमा अन्वेषण गर्ने सन्देश पनि फैलाउनुभएको थियो।

उहाँले कुनै विशेष सुविधा, प्रतिष्ठा वा सजिलो अवसर पाएर सफलता हासिल गर्नुभएको थिएन।

उहाँले सबैभन्दा तल्लो तहबाट यात्रा सुरु गर्नुभयो। अरूका लागि भारी बोक्नुभयो, आफ्नो सीप र अनुभवलाई निरन्तर निखार्दै अन्ततः नेपालको सबैभन्दा सम्मानित पर्वतीय पथप्रदर्शक बन्न सफल हुनुभयो।

केवल ३७ वर्षको उमेरमा ब्रोड पिकमा आएको हिमपहिरोका कारण उहाँको असामयिक निधन भयो। उहाँको असामयिक निधनले गुरुङ पर्यटन व्यवसायी सङ्घ, नेपाल (जिटिन) ले एक पर्वतीय विज्ञ तथा मार्गदर्शक गुमाउनु परेको छ भने विश्व पर्वतारोहण क्षेत्रले ठूलो क्षति बेहोर्नुपरेको छ।

यस दुःखद घडीमा उहाँको परिवार, आफन्त, साथीभाइ, सहकर्मी, सम्पूर्ण नेपाली तथा विश्व पर्वतारोहण समुदायप्रति हामी गहिरो समवेदना व्यक्त गर्दछौँ।

हामी उहाँलाई केवल उहाँले आरोहण गरेका हिमालहरूका लागि मात्र होइन, उहाँको मेहनत, इमानदारी, विनम्रता र प्रेरणादायी व्यक्तित्वका लागि सधैँ उच्च सम्मानका साथ सम्झिरहनेछौँ।

• एक भरियाबाट सुरु भएको यात्रा।
• विश्वस्तरीय पर्वतीय पथप्रदर्शक बन्दै नयाँ पुस्ताका लागि बनेको एउटा मार्गदर्शक!
• गोरखाको एउटा दुर्गम गाउँदेखि संसारका सर्वोच्च शिखरसम्मको अविस्मरणीय यात्रा।

हार्दिक श्रद्धाञ्जली, पुर बहादुर "युक्त" गुरुङ!

तपाईंको नाम सधैँ हिमालका चुचुराहरूमा अमर रहनेछ।

दिवङ्गत आत्माले चिरशान्ति प्राप्त गरोस्।

बाबुराम गुरुङ
अध्यक्ष, गुरुङ पर्यटन व्यवसायी संघ, नेपाल

14/07/2026

गुरुङ पर्यटन व्यवसायी संघ, नेपालको नेतृत्वमा खोज तथा अनुसन्धान गरी तयार पारिएको 'गुरुङ सम्पदा मार्ग' (Gurung Heritage Trail) का विभिन्न स्थानहरूमा पदयात्रीहरूको सहयोगलाई लक्षित गर्दै नक्सासहितको साइनेज पोस्ट राख्ने कार्य सुरु भएको छ। आगामी दिनहरूमा यस्ता पोस्ट, दिशा-निर्देशक साइनेज तथा प्रवर्द्धनका कामहरूलाई जिटिन (GTAN) ले निरन्तरता दिनेछ।

गुरुङ पर्यटन व्यवसायी सङ्घ गण्डकी प्रदेशको सकृयतामा खोज, अनुसन्धान एवम् प्रवद्र्धन गरिएको गुरुङ सम्पदा पदमार्ग...

07/06/2026

हार्दिक बधाई तथा कृतज्ञता ज्ञापन!

वसन्त ऋतु २०८३ मा विश्वको सर्वोच्च शिखर सगरमाथाको सफलतापूर्वक आरोहण गरी नेपाल र गुरुङ समुदायको शिर उच्च बनाउनुहुने सम्पूर्ण आदरणीय पर्वतीय पथप्रदर्शक तथा आरोहीहरूमा हार्दिक बधाई तथा आगामी सुखद यात्राको शुभकामना व्यक्त गर्दछौँ।

गुरुङ पर्यटन व्यवसायी संघ, नेपाल (जिटिन) र तमु गुरुङ सञ्चारकर्मी संघ, नेपाल (एटजोन) को संयुक्त सहकार्यमा आयोजित "आरोही सम्मान तथा संवाद कार्यक्रम" मा गरिमामय उपस्थितिका लागि प्रमुख अतिथि, अतिथिहरू, सञ्चारकर्मी तथा सम्पूर्ण महानुभावहरूमा हार्दिक धन्यवाद ज्ञापन गर्दछौँ।

साथै, आफ्नो व्यस्त समयका बावजुद कार्यक्रममा सहभागी भई संवादलाई अर्थपूर्ण बनाइदिनुहुने सम्पूर्ण साहसी आरोहीज्यूहरू प्रति जिटिन (जिटिन) परिवार हार्दिक आभार व्यक्त गर्दछ। यस्ता साहसी आरोहीहरूलाई सम्मान गर्न पाउँदा हामी गौरवान्वित भएका छौँ।

द्रष्टव्य: कार्यक्रम सञ्चालनका क्रममा रहन गएका विविध कमजोरी तथा त्रुटिहरू प्रति जिटिन (जिटिन) क्षमाप्रार्थी छ। आगामी दिनमा यस्ता कमजोरीहरूलाई सुधार्दै लैजाने प्रतिबद्धता व्यक्त गर्दछौँ।

सम्मानित हुनुहुने साहसी गुरुङ सगरमाथा आरोहीज्यूहरू:
१. श्री पुर बहादुर गुरुङ – १० पटक (धार्चे–४, गोरखा) (२८ पटक ८००० मिटरभन्दा माथिका हिमाल सफल आरोहण)
२. श्री सुमन गुरुङ – ८ पटक (धार्चे–४, गोरखा)
३. श्री इमान गुरुङ – ७ पटक (धार्चे–४, गोरखा)
४. श्री अनुप गुरुङ – ७ औँ पटक (गोरखा) श्री प्रकाश गुरुङ – ६ पटक (तनहुँ)
६. श्री ओम बहादुर गुरुङ – ५ पटक (धार्चे–३, गोरखा)
७. श्री विकास गुरुङ – ४ पटक (भोटखोला–४, संखुवासभा)
८. श्री राम बहादुर गुरुङ – ४ पटक (धार्चे–४, गोरखा)
९. श्री दिपन गुरुङ – ४ पटक (भोटखोला–४, संखुवासभा)
१०. श्री रमेश गुरुङ – ३ पटक (भोटखोला–४, संखुवासभा)
११. श्री सुजल गुरुङ – ३ पटक (धार्चे–४, गोरखा)
१२. श्री सन्दिप गुरुङ – ३ पटक (धार्चे–४, गोरखा)
१३. श्री तेजेन गुरुङ – ३ पटक (कास्की) – गुरुङ समुदायबाट पहिलो १४ Peaks Summitter
१४. श्री नबिन गुरुङ – २ पटक (भोटखोला–४, संखुवासभा)
१५. श्री पूर्ण बहादुर गुरुङ – २ पटक (धार्चे–४, गोरखा)
१६. श्री डम्बर गुरुङ – २ पटक (धार्चे–४, गोरखा)
१७. श्री बिस बहादुर गुरुङ – २ पटक (धार्चे–४, गोरखा)
१८. श्री रजिन गुरुङ – १ पटक (भोटखोला–४, संखुवासभा)
१९. श्री सुजन गुरुङ – १ पटक (धार्चे–४, गोरखा)
२०. श्री सुसिल गुरुङ – १ पटक (फुङलिङ–७, ताप्लेजुङ)
२१. श्री आश बहादुर गुरुङ – १ पटक (धार्चे–४, गोरखा)
२२. श्री उत्तम गुरुङ – १ पटक (धार्चे–४, गोरखा)
२३. श्री आश बहादुर गुरुङ – १ पटक (धार्चे–४, गोरखा)

तमु (गुरुङ) हिमाल आरोहीहरूको यो साहस र कीर्तिमानको सदा उच्च मूल्याङ्कन होस्! जय पर्यटन!

बाबुराम गुरुङ
अध्यक्ष, जिटिन

07/06/2026

गुरुङ समुदायबाट २०८३ सालको वसन्त ऋतुमा विश्वको सर्वोच्च शिखर सगरमाथाको सफल आरोहण गर्नुहुने साहसिक पर्वतीय पथप्रदर्शक तथा आरोहीहरूलाई गुरुङ पर्यटन व्यवसायी संघ (जिटिन) र तमु (गुरुङ) सञ्चारकर्मी संघ नेपाल (एटजोन) को संयुक्त आयोजनामा सम्मान तथा बधाई ज्ञापन गरिएको छ। उक्त सम्मान कार्यक्रम २०८३ भदौ २४ गते ठमेलस्थित होटल मनाङमा सम्पन्न भएको हो।

  काठमाडौं । यस वर्षको स्प्रिङ सिजनमा विश्वको सर्वोञ्च शिखर सगरमाथाको सफल आरोहण गर्न सफल २३ जना गुरुङ आरोहीहरु सम...

29/05/2026

सगरमाथाको सफल आरोहण भएको ७३ वर्ष पूरा भएको यस ऐतिहासिक अवसरमा स्वदेश तथा विदेशमा रहनुभएका सम्पूर्ण पर्वतीय पर्यटन व्यवसायी, पथप्रदर्शक (Mountain Guides) र साहसी आरोही साथीहरूमा हार्दिक बधाई तथा मंगलमय शुभकामना व्यक्त गर्दछु।

नेपाली पर्यटनलाई विश्वको सर्वोच्च शिखरसम्म पुर्‍याउन अहोरात्र खटिने हाम्रा गाइड एवं आरोहीहरूको अदम्य साहस र योगदानको उच्च कदर गर्दछु। साथै, आरोहणका क्रममा ज्यान गुमाउनुभएका अमर आरोहीहरू प्रति भावपूर्ण श्रद्धाञ्जली अर्पण गर्दछु।

यस दिवसले हिमाली पर्यावरण जोगाउँदै दिगो र सुरक्षित पर्यटनको मार्गमा अघि बढ्न हामी सबैलाई थप प्रेरणा दिनेछ भन्ने विश्वास लिएको छु।

बाबुराम गुरुङ
अध्यक्ष
गुरुङ पर्यटन व्यवसायी संघ, नेपाल (जिटिन)

12/05/2026

गण्डकी, वैशाख २५ – कास्कीको मादी गाउँपालिकाका सिक्लेस, ताङतिङका साथै लम्जुङ जिल्लाका घनपोखरा लगायतका गन्तव्यबा.....

01/05/2026

शान्तिका अग्रदूत, विश्व ज्योति भगवान गौतम बुद्धको २५७०औं बुद्ध जयन्ती तथा उभौली पर्वको पावन अवसरमा सम्पूर्ण नेपाली दाजुभाइ तथा दिदीबहिनीहरूमा सुख, शान्ति र समृद्धिको हार्दिक मंगलमय शुभकामना व्यक्त गर्दछु।

बाबुराम गुरुङ
अध्यक्ष, गुरुङ पर्यटन व्यवसायी संघ, नेपाल - जिटिन