01/04/2026
کراچی / وزیراعلیٰ ہاؤس/ منگل، 31 مارچ 2026ء بمطابق 11 شوال 1447ھ
*وزیراعلیٰ سندھ سید مراد علی شاہ کی زیر صدارت صوبائی کابینہ کا اجلاس*
اجلاس میں صوبائی وزراء، مشیران، خصوصی معاونین، چیف سیکریٹری آصف حید رشاہ، پرنسپل سیکریٹری آغا واصف اور دیگر متعلقہ حکام شریک
سندھ کابینہ اجلاس میں ترقیاتی ایجنڈے پر غور، ترجمان وزیراعلیٰ
اجلاس میں کابینہ کمیٹی آن فنانس(سی سی ایف) کی سفارشات کا تفصیلی جائزہ لیا گیا، ترجمان وزیراعلیٰ سندھ
انفراسٹرکچر اور سڑکوں کی ترقی:
ملیر تا گھگھر پھاٹک روڈ کی مرمت اور تنزین و آرائش کے لیے 2.55 ارب روپے کی سفارش
کابینہ کمیٹی نے ملیر تا گھگھر پھاٹک روڈ 30.5 کلومیٹر طویل ڈوئل کیرج وے کی اسٹریٹجک اہمیت کو تسلیم کیا
سیلاب سے متاثرہ سڑکوں اور پلوں کی بحالی کے لیے اضافی 888.244 ملین روپے منظور
کابینہ کمیٹی نے مختلف سڑکوں کی توسیع و مرمت کے لیے 1,966.401 ملین روپے کی منظوری
تلہار تا ٹنڈو باگو اور نوشہرو فیروز روڈ سے مہران ہائی وے لنک روڈ منصوبے شامل
تعلیم اور امورِ نوجوانان
سینٹ پیٹرک اسکول کراچی میں جدید کثیر المقاصد اسٹیڈیم کے لیے 10 کروڑ روپے منظور
تھر انسٹیٹیوٹ آف انجینئرنگ، سائنس اینڈ ٹیکنالوجی (این ای ڈی کیمپس) فیز ٹو منصوبے کے لیے 6.63 ارب روپے کی منظوری
فیس کی واپسی:
سرکاری اداروں کو سابقہ برسوں میں طلبہ کی فیس واپسی کے لیے 3.4 ارب روپے کی اصولی منظوری
فیس میں رعایت صرف مستحق اور ضرورت مند طلبہ کو ہی ملنی چاہئے، وزیراعلیٰ سندھ
وزیراعلیٰ سندھ کی مستحق طلبہ کے لیے شفاف نظام بنانے کی ہدایت
ایس ڈی جی اسکیمز:
سندھ کابینہ کی ایس ڈی جیز کے تحت 98 اسکیمز کی منظوری، 4.33 ارب روپے مختص
سندھ کابینہ نے عورت فاؤنڈیشن کے لیے 5 کروڑ روپے گرانٹ منظور ی دیدی
سکھر اور روہڑی منصوبے:
سندھ کابینہ نے سکھر اور روہڑی میں ترقیاتی منصوبوں کی منظوری
یونین کونسل جانو جی اور پیر اخلاص شاہ کے لیے مختلف منصوبوں، آر او پلانٹس، اسٹریٹ لائٹس اور پیور بلاکس شامل
سکھر اور روہڑی کے لیے ابتدائی طور پر 25 فیصد فنڈز جاری کیے جائیں گے، کابینہ کا فیصلہ
آبپاشی اور سیلابی امداد
دریائے سندھ، نکاسی آب (SCARP اور LBOD) اور چھوٹے ڈیمز پر تین بڑے مطالعات کی منظوری
وزیراعلیٰ سندھ نے سیلابی امداد فنڈز سے قبل شفافیت یقینی بنانے کی ہدایت دیدی
وزیراعلیٰ سندھ کی نیشنل ہائی وے میڈیکل کمپلیکس جلد مکمل کرنے کی ہدایت
عبدالرشید چنا، ترجمان وزیراعلیٰ سندھ