Exclusive House

17/06/2019

کچھ اہم معلومات اور اہم تجاویز شمالی علاقہ جات کے بارے میں!
1- شمالی علاقاجات میں سہولتوں اور کھانے کا معیار کافی حد تک کمپرومائز نگ ہے (خاص طور پر کراچی اور لاہور والوں کے لیے)
2- راستے تھوڑے مشکل ہیں بہت اچھے اور بارشوں سے متاثرہ سڑکیں بھی ہیں
3- کوشش کریں تیز بارش شروع ہوتے ہی کسی محفوظ جگہ پر رک جائیں گاڑی میں اپنے ساتھ کھانے پینے کی ایسی چیز جو وزن میں کم اور انرجی والی ہوں وہ رکھیں (کھجور، چاکلیٹس، چنے، پانی، بسکٹس وغیرہ
4- سامان ہمیشہ کم سے کم رکھیں ہینڈ کیری سے پرہیز کریں بیک پیک یا سافٹ بیگ رکھیں
5- کراچی یا ملک کے دوسرے حصوں سے آئے لوگ جب بھی پنڈی اسلام آباد سے سفر سٹارٹ کریں تو اپنی ریٹرن ٹکٹس اسلام آباد میں اپنے رشتہ دار عزیز کو اپنی شناختی کارڈ کاپی کے ساتھ دے کر جائیں تا کہ بوقت مشکل وہ آپکی ٹرین ٹکٹس کو کینسل کرواسکے. جو کہ اس کے بغیر ممکن نہیں (آن لائن ٹکٹس آن لائن کینسل ہو جاتی ہیں)
6- لینڈ سلائیڈ یا راستہ بند ہو جانے پر پریشان نہ ہوں فوری دستیاب جیسی تیسی محفوظ پناہ گاہ میں آرام کریں (ایس کام کی سم لازمی اپنے ساتھ رکھیں)
7- ایف ڈبلیو کا نمبر اپنے موبائل میں محفوظ رکھیں بوقت ضرورت کام آئے گا
8- اپنی گاڑی ڈرائیو کرتے ہوئے تھکاوٹ کو بلکل نظر انداز نہ کریں بلکہ فوری کسی خوبصورت موڑ پہ رکیں اور تھوڑی دیر آرام کر لیں. لگاتار ڈرائیونگ 3 گھنٹے کریں آرام کریں پھر چلیں اسی روٹین کو مدنظر رکھتے ہوئے آپ بہت دیر لگاتار سفر کر سکتے ہیں مگر ایسا نارمل حالات میں کرنے کی ضرورت نہیں
9- شمالی علاقاجات کو مذاق نہ سمجھیں اور 4،5 دن کے ٹرپ سے گریز کریں کم ازکم ایک ہفتے کے لیے جائیں اگر ناران سے آگے جانا ہے
10- لوکل لوگوں کی زندگی کو مشکل نہ بنائیں، مذہبی، سیاسی یا کلچرل رسومات پہ بحث یا تنقید سے انتہائی گریز کریں

23/05/2019

24/04/2019

شمالی علاقوں میں ذاتی گاڑی پر سفر:

اس بات میں شک نہیں کہ سکردو یا خنجراب سائیڈ کے سفر میں آپ کے پاس اپنی گاڑی ہو تو سفر کا مزا دوبالا ہو جاتا ہے...

جہاں دل کرے رُک جائیں،
جہاں مرضی چائے پئیں،
جہاں سے مرضی کھانا کھائیں...

لیکن اس سلسلے میں کچھ اہم باتیں ذہن میں رکھیں:

سفر کے دوران روڈ کنڈیشن جاننا نہایت ضروری ہے. اسی طرح راستے کے پیٹرول پمپ اور پنکچر کی دوکان کا علم بھی ہونا چاہیے.

کچھ چیزوں پر زیرو ٹالرنس طے کر لیں. مثلاً

1-ٹائر پنکچر ہو تو سٹپنی لگالیں لیکن جیسے ہی پنکچر کی پہلی دوکان آئے، ٹائر کو فوراً پنکچر لگوائیں.

2-سفر کے دوران کبھی بھی گاڑی کا فیول گیج آدھے سے نیچے ہرگز نہ آنے دیں.

احتیاطیں:
1-کم سے کم سوا دو لیٹر کی بوتل میں پیٹرول ضرور ساتھ رکھیں.

2-اسی طرح کم سے کم تین بوتلیں پانی کی ضرور رکھیں. ریڈی ایٹر کہیں بھی گرم ہو سکتا ہے.

3-انجن گرم ہو جائے تو فوراً گاڑی سائیڈ پر روک لیں لیکن انجن کو جلدی بند مت کریں بلکہ کچھ دیر نیوٹرل چلتا رہنے دیں.

تقریباً پانچ منٹ بعد انجن بند کریں. اب آپ ریڈی ایٹر پر پانی ڈال سکتے ہیں لیکن بھول کر بھی انجن پر پانی مت ڈالیں. گرم انجن پر ٹھنڈا پانی ڈالنے سے وہ جام ہو جاتا ہے.

(اگر انجن جام ہو جائے تو اس کی مرمت کا خرچہ 40-50 ہزار روپے ہوتا ہے. گیس کِٹ پھٹ جائے تو اس کی مرمت کا خرچہ 12-15 ہزار تک آتا ہے. گیس کٹ کا کام سکردو، ہنزہ اور گلگت میں ہو سکتا ہے. لیکن انجن سیز ہو جائے تو گاڑی ٹرک پر رکھوا کر پنڈی لانی پڑے گی. جس کا الگ خرچہ 30 ہزار آئے گا.)

راستے کی معلومات اور سڑک کی صورتحال کبھی بھی کسی دوکاندار یا عام راہگیر سے نہ پوچھیں.
بلکہ کسی ایسے ٹیکسی یا ویگن ڈرائیور سے پوچھیں جس نے متعلقہ روٹ پر خود گاڑی چلائی ہو. کم از کم چار لوگوں سے سڑک کی کنڈیشن پوچھنی چاہیے. کیونکہ ہر بندہ اپنے مزاج کے مطابق گائیڈ کرتا ہے.

مثلاً دیوسائی کے سفر میں ہم اپنی ہونڈا سوک پر تھے، تین جیپ والوں نے ہمیں بتایا کہ یہ گاڑی دیوسائی نہیں جا سکتی.

جبکہ ہمارے دو دوست جو اپنی کرولا پر آچکے تھے وہ بضد تھے کہ گاڑی ضرور جائے گی. بس آرام آرام سے لے جانا اور پھر ہم لے بھی گئے.

کبھی فرصت میں اپنی گاڑی کے فیوز وغیرہ کی معلومات اپنے مکینک یا انٹرنیٹ سے ضرور دیکھ لیں. کیونکہ ایک پانچ روپے کا فیوز آپ کو راستے میں پریشان کر سکتا ہے. عموماً گاڑی کے فیوز پینل پر کچھ اضافی فیوز موجود ہوتے ہیں جن کی تبدیلی سے آپ سفر کو جاری رکھ سکتے ہیں.

اضافہ:
سکردو، گلگت اور ہنزہ میں گاڑیوں کی ورکشاپس مغرب کے وقت ہی بند ہو جاتی ہیں، جو بھی کام کرانا ہو مغرب سے پہلے پہلے کرا لیں.

پہاڑی علاقوں میں اترائی پر گاڑی کو کسی صورت نیوٹرل مت کریں. بلکہ پہلے یا دوسرے گئیر میں اتریں. اس سے بریکس پر کم بوجھ آئے گا.
اگر آپ کی آٹومیٹک گاڑی ہے تو L یا D2 پر اتریں، آٹو میٹک گاڑی کی بریکس کو کچھ دیر اترائی کے بعد 10 منٹ کا ریسٹ دینا بہتر ہے.
بریک کو ٹھنڈا کرنے کے لیے ان پر پانی ڈالنے کی غلطی نہ کریں، وہ کریک کر سکتی ہیں.

آخری بات یہ کہ پہاڑی راستوں میں موبائل سگنل موجود نہیں ہوتے. لیکن مجموعی طور پر یہ علاقے پر امن ہیں اور یہاں کے لوگ سیاحوں کی مدد کو تیار رہتے ہیں. لہذا زیادہ پریشانی کی بات نہیں ہے.

15/08/2018

Get Exclusive Discount on Early booking for Eid Vacations at Exclusive Guest House Abbottabad. For booking please contact at 03115186887 or 03348355009.

05/06/2018

میدانی علاقوں سے سیاحت کی غرض سےآزاد کشمیر ،گلگت بلتستان اورخیبر پختونخواہ کی طرف آنےوالے دوست اپنے هر قریبی اور پیارے کو آگاه کریں که

1 : اس طرف کی سڑکیں، ڈرائیونگ کی مھارت اور سخت ترین احتیاط کی متقاضی هیں...

2 : کسی بھی ندی نالے یا دریا کے قریب مت جائیں یه پہلے قدم پر هی انتهائی طاقتور موجیں اور خوفناک گہرائی رکھتےهیں.اور ان کے قریب سطح یا پتھر اگر گیلے هیں تو شدید پھسلن والے هونے کی وجه سے پلک جھپکنے میں گرا کر بےرحم موجوں کے حوالے کردیتے هیں.....

3.یادرهے پلین علاقے کےدوست جو میدانی دریا اور سمندر کے عادی هوتے هیں وه اس غلط فھمی کاجلد شکار هوکر جان سے هاتھ دھو بیٹھتے هیں که یه پانی تو تھوڑا سا هے....نظر آنیوالا تھوڑا ساپانی خوفناک طاقت اور رفتار رکھتا هے...آۓروز ایسے واقعات پیش آتے هیں جن سے والدین اور پیارے اپنے عزیزوں کو کھورهے هیں...

ایک سال پہلے کوهاله پوائنٹ دریائے جہلم پر شرط لگا کر دریا عبور کرنے کا چیلنج دینا اورگوجرانوالہ کے نوجوان کا چیلنج قبول کرکے دریا میں کود جانا...اس بات کی غمازی کرتاہے کہ دونوں طرف کے دوستوں نے پہاڑی علاقے کے دریا کو کوئی میدانی علاقے کی عام سی نہرخیال کیا اور اسے دریا کراس کرنیکا چیلنج دیا اور ایک قیمتی جان ضائع هوگئی...

دوسرا یه بھی که میدانی علاقے کےپانی کاماهر ترین تیراک بھی دریاۓ نیلم ، دریائے جھلم دریائے سندھ, دریائے کنہار، دریائے سوات اور دیگر پہاڑی دریاوں میں تیراکی نهیں کرسکتا..کرنے کی کوشش کرے گا تو نتیجه سو فیصد موت...
دریاکی ایک ایک موج کئی کئی ٹن وزن کی حامل اور طوفان کی سی رفتار رکھتی هے...اس سے جتنادور رهیں گے اسی قدر محفوظ رهیں گے...

کوہاله کےمقامی دوست بتاتے هیں کہ اس پوائنٹ پر مهینه میں چار پانچ حادثات لازما هوتے هیں اس حادثے سے کچھ دن قبل ایک نوبیاھتا نوجوان اپنی بیوی اور تین بھنوں کے سامنے سیلفی لیتے هوۓ دریا میں گرگیا اور پھر کبھی واپس نه لوٹ سکا...اس طرح بہت سارے واقعات اس سیزن میں سامنے آئے ہیں.

آئیے اس پیغام کو پھیلائیں تاکه پهاڑی ندی نالوں اور دریاؤں کےحوالے سےآگاهی دےکر قیمتی جانوں کوبچاسکیں.....
جزاک الله خیر
Like our Page Exclusive House Abbottabad

04/06/2018

A guidance for Tourists planning to visit Northeren areas this summer.

25/10/2017