09/01/2026
امن جرگہ کے نئے ممبران افسر غنی اور عبدالمالک کی مسلسل کوششوں سے تھائی لینڈ سے پاکستان آنے والی ایک خاتون کا سنگین مسئلہ خوش اسلوبی سے حل کر لیا گیا۔ خاتون کے مطابق کسی شخص نے انہیں پاکستان بلا کر دھوکہ دہی کا نشانہ بنایا تھا، جس پر متاثرہ خاتون نے ڈی پی او مردان مسعود احمد بنگش کو باقاعدہ درخواست دی۔
ڈی پی او مردان نے فوری کارروائی کرتے ہوئے معاملہ تھانہ چورہ کو مارک کیا، جہاں ایس ایچ او تھانہ چورہ اعجاز خان اور امن جرگہ کے نئے ممبران نے باہمی تعاون اور دانشمندی سے خاتون کا مسئلہ حل کیا۔ انصاف اور بروقت مدد پر خاتون نے ڈی پی او مردان، پولیس اور امن جرگہ کے کردار کو سراہتے ہوئے شکریہ ادا کیا۔
ان شاء اللہ امن جرگہ کے تمام ممبران چیئرمین امن جرگہ کے نقشِ قدم پر چلتے ہوئے مظلوم اور متاثرہ افراد کی بلا تفریق خدمت کا سلسلہ جاری رکھیں گے۔
تحریر:
فواد خان جرنلسٹ
امن جرگہ صوبائی میڈیا کوآرڈینیٹر
