04/06/2026
وفاقی وزیر کو اجلاس کے دوران جاری اور نئے منصوبوں کے بارے میں بریفنگ دی گئی۔ حکام نے بتایا کہ مانسہرہ، ناران، جالکھڈ اور چلاس (MNJC) موٹروے کی مجموعی لمبائی 172 کلومیٹر ہوگی، جبکہ اس روٹ کی بدولت قراقرم ہائی وے (KKH) پر سفر کا فاصلہ 120 کلومیٹر تک کم ہو جائے گا۔
وزیر نے بتایا کہ منصوبہ دو مراحل میں مکمل کیا جائے گا:
پہلا مرحلہ: مانسہرہ سے کاغان، ناران اور بابوسر ٹاپ تک موٹروے کی تعمیر۔
دوسرا مرحلہ: بابوسر ٹاپ سے چلاس تک موٹروے کی تعمیر۔
اس منصوبے کی ایک اہم خصوصیت 13.5 کلومیٹر طویل بابوسر ٹنل کی تعمیر ہے، جو مکمل ہونے پر پاکستان کی سب سے لمبی سرنگ ہوگی۔
مستقبل کی ضروریات کو مدنظر رکھتے ہوئے یہ چار رویہ (Four-Lane) موٹروے تعمیر کی جائے گی، جسے بعد میں چھ رویہ (Six-Lane) تک توسیع دی جا سکے گی۔
موٹروے پر ہر 25 تا 30 کلومیٹر کے فاصلے پر جدید آرام گاہیں (Rest Areas) تعمیر کی جائیں گی، جبکہ مال برداری کے لیے دونوں سروں پر فریٹ ٹرمینلز بھی قائم کیے جائیں گے۔
