27/01/2026
سوات پولیس کی جانب سے دلفریب وادی سوات کی سفید پوش وادیوں میں آنے والے ہر سیاح کا خیر مقدم
آپ کی حفاظت ہماری اولین ترجیح
برفانی علاقوں میں محفوظ سفر کے لیے 4x4 گاڑیوں کا استعمال کریں اور ٹائر چین لگائے بغیر ہرگز سفر نہ کریں۔
سوات () ڈی پی او محمد عمر خان کے احکامات کے مطابق، حالیہ برف باری سے لطف اندوز ہونے کے لیے خوبصورت سفید پوش وادیوں، ملم جبہ، گبین جبہ اور کالام کا رخ کرنے والے سیاحوں اور مقامی افراد کو ہر ممکن مدد فراہم کرنے کے لیے سوات پولیس کے افسران اور جوان شاہراہوں پر موجود ہیں، جو کہ سیاحوں اور مقامی لوگوں کو زیادہ سے زیادہ مدد اور رہنمائی فراہم کرنے کے لیے 24 گھنٹے موجود رہیں گے۔
برف باری سے لطف اندوز ہونے کے لیے سفید پوش وادیوں کا رخ کرنے والے سیاحوں سے درخواست ہے کہ برفانی علاقوں میں داخل ہونے سے پہلے اپنی گاڑیوں کے ٹائر ضرور چیک کریں، سفر کو محفوظ بنانے کے لیے 4x4 گاڑیوں میں آئیں، ٹائر چین کا استعمال لازمی کریں اور کسی بھی ناخوشگوار واقعہ یا ایمرجنسی کی صورت میں سوات پولیس کی ایمرجنسی ہیلپ لائن 15 یا سوات پولیس کنٹرول روم 0946881374 پر رابطہ کریں۔
ترجمان سوات پولیس
