07/08/2016
بوست للمخيم اللي مش عاجبه لا يقرأ 😊
َ
وَقت شَب بينرفض طَلبو للزواج وبكون السبب إنو #إبنعطيش ابن المخيم !
وقت تلاقي شِلة بنات بعدو عن بنت فجأة ووقت تسالهم بيحكولك ؛ ليش إنتِ معرفتيش إنها #طلعت من المخيم ؟
و وقت مقدرش افوت بيت صاحبي !! ليش ؟؟ لانو ابوه بحكيلو فوتت المخيمات !
آنا ؛ مع إنها المخيمات أزمه والدار بِـ لزق الدار !
بس هالازمه ممكن تبقى بأي مكان !
المخيم مش أدغال ولا يلي فيه وحوش !
ترآ المخيمات بيطلع منها دكاتره ومهندسين وموسيقيين ورسامين وطلاب شريعه وتربيه وعلم نفس و و و و
ترآنا عادي متحضرين بس يمكن الوضع مش مساعد
والطوش يَلي بتصير ؛ بتصير من الضغط الي عايشينو؛ وتراها نفسها المشاكل يلي بتصير بالقرى والمدن !
مش كل مين قال عنا اولاد مخيم معناها انو احنا
مَ هيهم ولاد المدن وعَ حساب متحضرين قاعدين بقتلو بعض ..!
لـيش هالخوف من المخيم ومن أهلو !
ليش هالقد خايفين من #اللاجئين ؛ يَلي لو فش إسرائيل آساساً كنا رح نكون أهل الحضاره والعلم والثقافه ويلي بيوتنا كانت حتبقى علبحر بدل بيوت المدن يلي شقه قد ربع دارنا خَلت منافسهم للسما ؟
يَلي حاب إني أوصلو ؛ إنو المخيم آبو الـمية مِتر ؛ هو برضو بقعة من فلسطين
فَ كل مخيمجي هو فلسطيني وكل فلسطيني هو إبن القضيه
وحاب كثير آذكر بشغله !
وَقت صار شباب المخيم هُم يلي دوخو اليهود وهم يلي زتو المعونات رغم الجوع والحصار ؛ هم يلي أثبتو قديشهم مَحروقين وبتعذبو من هالوضع !
وقت إنت بتسآل حد إنت منين ويحكيلك فلسطيني مفش داعي تسال من جنين نفسها ولا قراها ولا مخيماتها من نابلس نفسها ولا من الياسمينه ولا من القريون ولا من راس العين ولا ولا
إحنا وَقت الجد ؛ #فلسطينية وبس !
إنتِ وقت بترفضي شب إنت وعيلتك عشانو إبن مخيم ؛ ف انتي الخسرانه لانك ما رح تلاقي برجوله ابن المخيم !!
مآ قال يارب آكتب قدري بالمخيم يا رب تجي اسرائيل وتاخد بيوتنا لنصير ولاد مخيم !
ترا عادي تتجوزي إبن مخيم !
مش يمكن يطلع أحسنلك من شخص ثاني حتختاريه وفقاً لمعايير الايزو العائليه يلي آبوكِ بقلك فيها انت يابا مش ناقصك ايد او اجر لنجوزك بالمخيم !
