https://www.facebook.com/351603048037557/

Oepsie Daisy Selfsorg Plaashuis en Draai-biekie-in Padstal

Home
South Africa
Garies
Oepsie Daisy Selfsorg Plaashuis en Draai-biekie-in Padstal

Oepsie Daisy Selfsorg Plaashuis is reg langs die Namakwa Nasionale Park by GROENRIVIERSMOND.

03/10/2026

🌿 Oepsie Daisy – Waar die veld weer asemhaal 💛

Na verlede week se groot reëns leef die veld hier weer behoorlik!
Die Namakwalandse grond het diep gedrink, die bossies staan groener en daar is sommer ’n nuwe lewe in die lug.

’n Gedeelte van die ingangspad na Oepsie Daisy het lelik verspoel. Maar selfs dit is deel van die lewe hier op die plaas. Die natuur laat hom nie voorskryf nie, en ons leer maar weer om te aanvaar, reg te maak en dankbaar te wees vir die genadewater.
Want tussen die verspoelde grond en die groen veld lê daar soveel om voor dankbaar te wees.

Ons beddens is leeg, maar ons skoene is vol hier by Oepsie Daisy. 🌼

Leeg van gaste vir eers, maar vol planne, plaaswerk, modder aan die skoene en dankbaarheid in die hart💛🌾💛

26/09/2026

🌧️ 52 mm reën vir Oepsie Daisy 💛

Die weer was swaar, die wolke donker… maar toe kom die genadewater en was alles skoon. 🌧️

52 mm vir Oepsie Daisy — en sommer nuwe lewe vir die veld.

Die boere juig, die grond drink diep en ons almal se harte loop oor van dankbaarheid. 🙏💛

In Namakwaland weet ons: reën is meer as net water… dit is hoop. 🌱

18/09/2026

💛 Oepsie Daisy neem ’n klein blaaskans…

Tot die einde van September wil ons nog ons gaste lekker bederf en vir elkeen ’n stukkie van ons ou Namakwalandse plaashuis-hart saamgee. 🌼

Daarna gaan Oepsie Daisy vir die maand Oktober haar deure vir gaste toemaak. Nie omdat ons moeg is vir kuier nie… maar omdat ons ’n bietjie tyd nodig het om die ou plaashuis liefdevol reg te maak, hier en daar ’n dingetjie aan te pak en haar weer mooi reg te kry vir die nuwe seisoen. 🏡💛

Oktober gaan dus ’n maand van verf, regmaak, skoonmaak en sommer ’n bietjie asemhaal wees.

Maar moenie bekommerd wees nie… Draai-Bietjie-In Padstal bly heeltyd oop! ☕🥧🌾
So, al is Oepsie Daisy se deure in Oktober vir oornaggaste toe, kan jy steeds by Draai-Bietjie-In kom draai, ietsie lekker geniet en natuurlik… bly bietjie langer! 😉

November is ons weer oop vir gaste.Ons sien sommer baie uit om dan weer die geel deur oop te gooi en ons gaste welkom te heet by Oepsie Daisy.

Tot dan — dankie aan elkeen wat by ons kom kuier, kom rus en ’n stukkie van Oepsie se eenvoud saam met hom huis toe neem.

💛 Oepsie Daisy wag weer vir julle in November.💛

09/09/2026

Thanks for being a top engager and making it on to my weekly engagement list! 🎉 Lina Viljoen, Salome Heath, Wilma Mulder Burger, Hannelie Viljoen, Cathleen Slabber, Luise Vispi, Magdaleen Boshoff Pool, Conrad Phillips, Esther Loots, Irene Coetzee, Ansie Koorts Cloete, Shané Horn, Niekie Steenkamp

06/09/2026

🕯️ OEPSIE DAISY SE OLIELAMPE

Dadelik wanneer jy hulle sien – die ou olielampe wat in elke vertrek van Oepsie Daisy staan – neem hulle jou terug na ’n tyd van toeka.

’n Tyd toe ons as kinders by Oupa en Ouma op die plaas gaan kuier het. Toe die olielampe helder in elke vertrek gebrand het en daar ’n besondere warmte en veiligheid in die huis was.
En wanneer almal saans in hul warm beddens ingekruip het, het Ouma nog ’n laaste draai deur die huis gemaak. Sy het seker gemaak elke lamp brand veilig, dat alles reg is en dat haar mense rustig en veilig vir die nag kon slaap.

Vandag kyk ons met ander oë daarna.
Ons besef nou dat ons oumas eintlik die lig vir ander mense was. ❤️

Soos daardie lamp wat Ouma sorgvuldig vol olie gemaak het sodat dit die hele nag kon brand, het sy haarself telkens gevul met liefde, geduld en omgee – en haar lig vir almal rondom haar laat skyn.

Miskien is dit hoekom die olielampe by Oepsie Daisy vir ons meer as net ou lampe is.
Hulle herinner ons daaraan om ook ons lamp vol te maak…
om ons lig te laat brand…
en om ’n bietjie lig en warmte vir iemand anders te wees. 🕯️💛

Oepsie Daisy – waar die verlede soms deur ’n klein vlammetjie weer lewendig word. 🕯

05/09/2026

🌿 ’n Plek om asem te haal…

Na ’n dag se verkenning, see toe gaan of net die mooi van die Weskus geniet, is daar niks lekkerder as ’n rustige plek om te ontspan nie.

Ons kamers is ingerig met gemak en rus in gedagte — ’n plek waar jy jou skoene kan uitskop, rustig kan raak en sommer net kan geniet.

Want soms is ’n bietjie stilte, ’n gemaklike bed en ’n mooi uitsig presies wat ’n mens nodig het. 🤍

Ons sien uit om julle te verwelkom!

02/09/2026

🌼☀️ ’N DAG BY DRAAI-BIEKIE-IN ☀️🌼

Dis ’n pragtige sonskyn-dag hier aan die Weskus – die son bak lekker, maar die wind byt nog so ’n bietjie aan ’n mens se ore! 😂🌬️

Net na 12-uur trek daar drie motors hier by Draai-biekie-in Plaasstal in. Nou ja, ons het nog nie ’n behoorlike restaurant nie… maar ons het darem koffie, gemmerbier en ’n stoeltjie waar ’n mens jou bene kan rek! ☕️🥤😄

Hierdie agt vrolike kuiermense is van Namaqua Flower Camp, wat elke jaar in die Namakwa Nasionale Park gehou word. 🌸🌼

En hulle kom toe nie sommer net vir ’n koffie’tjie nie…

“Ons soek boerepannekoek – egte pannekoek, soos Ouma dit gemaak het!” 🥞❤️

Nou kyk, dáárvoor hoef ’n Namakwalandse plaasstal mos nie twee keer gevra te word nie!

Die pannekoekpan is nadergetrek, die deeg is geklits en kort voor lank het die een pannekoek ná die ander verdwyn. 😋🥞

Daar is gekuier, gelag en geëet – en tussen die laaste krummeltjies deur was almal dit eens:

Draai-biekie-in is sommer die oulikste plaasstal, met die lekkerste gasvryheid én pannekoek wat ’n mens weer lus maak vir Ouma se kombuis! ❤️

Wat ’n voorreg om sulke vrolike mense hier by ons te hê.

Want sien… by Draai-biekie-in hoef jy nie noodwendig ’n groot restaurant te hê nie.

Jy kort net ’n warm hart, ’n goeie koffie, ’n pan vol pannekoek en mense wat lus is vir ’n lekker kuier! ☕️🥞🌼

Dankie dat julle by ons kom draai het.
Kom kuier weer – die koffie sal warm wees en die pannekoekpan hopelik ook! 😉

🌼 Draai-biekie-in Plaasstal
Waar die wind koud kan waai, maar die gasvryheid altyd warm is. ❤️

01/09/2026

🌼🌼🌼1 September 🌼🌼🌼

Lentedag by Oepsie Daisy en Draai-Bietjie-In Padstal 💛

Vandag is Lentedag, en al het die blomseisoen hierdie jaar vroeg in Namakwaland begin, en die meeste blomme al begin groet , vier ons steeds die wonder van lente. 🌼🌾🌼
Want Lente gaan nie net oor blomme nie – dit gaan oor nuwe lewe, kleur, sonskyn en daardie vrolike gevoel wat sommer diep binne-in ’n mens kom sit.

Hier by Oepsie Daisy vier ons dit op ons eie manier: Met ons geel deur, die vrolike plaashuis, die natuur rondom ons en ’n hart vol dankbaarheid vir nog ’n seisoen in hierdie besondere stukkie Namakwaland.

En net om die draai wag Draai-Bietjie-In Padstal – ’n vrolike draai op die pad waar jy bietjie kan stop, rondloer, iets lekkers kry en die Weskus-gevoel saam met jou verder vat. 🌿☕️

Die blomme mag dalk minder word… maar die lentevrolikheid by Oepsie Daisy en Draai-Bietjie-In blom steeds!
💛🌼💛

31/08/2026

Ons huis is vol met vrolike gaste wat heerlik geslaap het.
Hul versoek vanoggend...
Varsgebakte plaasbrood vir vanaand se braai...sommer 'n GROOT een!
Draai-biekie-in se tafel is ook vol lekkergoed, pasteie, melktertjies, piesang muffins en nog warm uit die oond Griekse klappertertjies.
Hier by Oepsie Daisy en Draai-biekie-in is ons op ons gelukkigste as ons gaste of besoekers kan bederf.
Kom loer in, elke dag is 'n fees!

30/08/2026

☕🌿 ’n Klein draai… met ’n groot bederf!

As jy by ons kom kuier, maak seker jy draai ook ’n bietjie in by ons Draai-Biekie-In Plaasstal.

Hier wag daar ’n lekker plaasgevoel met handgemaakte produkte, vars gebak, heerlike koffie en daardie ietsie spesiaal wat jy nie sommer by ’n gewone winkel kry nie.

Geniet ’n koppie koffie, proe iets lekkers en vat ’n klein stukkie Weskus-hart saam huis toe. 🤎

Want die lekkerste herinneringe word mos gemaak met goeie koffie, iets soets en lekker kuier.

071 973 2623

Address

Groenriviersmond
Garies
8220

Website

facebook.com

Alerts

Be the first to know and let us send you an email when Oepsie Daisy Selfsorg Plaashuis en Draai-biekie-in Padstal posts news and promotions. Your email address will not be used for any other purpose, and you can unsubscribe at any time.

Want your business to be the top-listed hotel in Garies?