Honneklipbaai Akkomodasie: Sit en Kyk

30/08/2026

BESPREKINGS NOU VIR DESEMBER EN JANUARIE BY SIT EN KYK!!
Kontak my vir afslag op vier nagte en langer. 0835626640

04/08/2026

Sit en Kyk se een badkamer is bietjie opgradeer.

08/07/2026

https://www.facebook.com/share/p/14hen15WZf8/

Die waarheid van die blomseisoen in Namakwaland

Wat nie een van hierdie ondernemings, wat toerisme rondom die blomseisoen bemark, aan hul niksvermoedende kliënte vertel nie, is dat 'n vroeër blomseisoen dikwels die gevolg is van die wanhopige werklikheid dat daar tot dusver nie voldoende reën geval het nie.

Vanjaar is 'n klassieke voorbeeld hiervan. Die winter het met goeie reën begin, maar daarna het daar feitlik geen verdere neerslag voorgekom nie. Die natuur se reaksie hierop is dat plante hul blomme so vroeg as moontlik dra, sodat die voortplantingsproses steeds kan plaasvind ten spyte van die droë jaar.

Dis droog in Namakwaland en die seisoen mag van kort te duur wees. Nie een van ons kan werklik die toekoms voorspel nie maar as mens sou luister na die wetenskaplike kundiges in weervoorspelling, is die voorspelling dat die reënval vanweë globale weerpatrone, meer ontwykend as ander jare mag wees.

Ondernemings wat hul brood en botter uit toerisme verdien sal nie hierdie met hul kliënte deel nie. Mens kan hulle tot n mate nie daar oor verkwalik nie maar vertel dit nou vir daardie een afgetrede egpaar wat hul lewe lank gewag het en n groot hap uit hul pensioen kontantvloei neem om dan net die droë veld te kom sien.

Bemarkers behoort nie ontkennend teenoor die werklikheid te wees nie.

Baie sal sê hulle besoek die mense van Namakwaland en die blomme is net 'n bysaak. Fair enough, maar hoekom dan wag tot die blomme seisoen? Namakwaland is die heel jaar daarso.

Bottomline:

Die situasie is nie na wense nie, dit het min gereën en die mense wat leef uit die grond is uiters bekommerd oor die toekoms. Teen hierdie harde werklikheid kan geen mens onsensitief in ontkenning staan nie, selfs verdien jy jou geld uit toerisme.

Praat die waarheid, dit is die regte ding om te doen.

05/07/2026

Die blomme is weer vroeg die jaar. Moet nie te lank wag om dit te sien nie. Bespreek by Sit en Kyk en beleef die mooi van die weskus en Namakwaland. Whatsapp my vir die beste verblyf, rustig en alles wat jy nodig het vir n onvergeetlike blomme seisoen. Mooiste blomme in n 100m raduis.

30/06/2026

Blomme begin mooi uitkom voor Sit en Kyk. Ons het nog dae beskikbaar in Julie, Aug en September Whatsapp my by 0835616640 vir spesiale afslag.

26/06/2026

Die Aristea gestrand in Hondeklipbaai 4 Julie 1945
Gedurende 1934 en 1935 neem Irvin en Johnson eienaarskap van die stoom-aangedrewe vistreilers Aristea, Crassula, Babania en Bluff, gebou in Aberdeen Skotland. Dit was vaartbelynde en moderne vistreilers vir daardie era.
Nege dae nadat Suid Afika oorlog verklaar het teen Duitsland word die vier identiese vistreilers oor ‘n tydperk gekommandeer om as mynveërs oorlogsdiens te doen.
Na afloop van die oorlog en terug in diens by I&J word die Aristea weereens toegerus as ‘n vistreiler.
Op die nag van 4 Julie 1945, wyl onderweg na Port Nolloth met 23 bemanning en die (besope) kaptein aan boord, loop die Aristea op die rotse; ongeveer 4 kilometer suid van Hondeklipbaai.
Dit was nie ‘n besonder stormagtige see nie maar wel ‘n donker, mistige nag. Die jong en onervare stuurman het waarskynlik te na aan die land gevaar en omdat daar ‘n sterk landwaartse stroom was, op die rotse beland ongeveer 50 meter die see in. Toe die treiler vinnig water begin inneem en tekens toon dat sy gaan opbreek, besluit die kaptein en die bemanning om die boot te verlaat. Eers probeer hulle ‘n reddingsboot te water laat maar diè word sommer dadelik deur die branders en die rotse stukkend geslaan. Twee bemanninslede, Louis Jacoby en Frank September bied vrywillig aan om met ‘n tou land toe te swem. Jacoby, wat ‘n sterk swemmer was, en September duik van die dek af en verdwyn dadelik die stikdonker nag in. Na vier ure slaag Jacoby daarin om die land te bereik maar September se reddingbaadjie word op die rotse stukkend geslaan en hy dryf hulpeloos die diepsee in. Sy lyk is nooit gekry nie. Terwyl Jacoby die tou met sy voet vastrap slaag die res van die bemanning daarin om die land veilig te bereik. Teen die tyd dat die laaste man op die wal is lê die Aristea slegs 20 meter van die strand af. Deur die donker nag strompel hulle koud en nat na die Hondeklipbaai polisiestasie toe.
Die kaptein, Ernst de la Chaumette, word op 8 Desember 1945 deur ‘n komissie van ondersoek vir 9 maande lank van sy skeepsvaart sertifikaat ontneem omdat daar getuienis gelewer was dat hy in Kaapstad onder die invloed van drank aan boord gegaan het. Slegs een bemanningslid was bereid om teen hom te getuig. Jacoby het eers op sy sterfbed aan sy kleinkinders erken dat die kaptein wel onder die invloed was.
Hoewel erg verweer, lê gedeeltes van die wrak steeds daar, suid van Hondeklipbaai op die rotse - nog ’n toonbeeld van die wispelteurige buie van die stormagtige Atlantiese oseaan.
Elize Kruger

20/06/2026

DIE BLOMME BEGIN KOP UITSTEEK. Ons het goeie reën en opvolg reën gehad. Die blomme gaan weer vroeg begin die jaar, net soos laas jaar. As jy nog nie bespreek het nie, bespreek nou.
Sit en Kyk het nog dae beskikbaar vir skool vakansie en die res van die blomme tyd. Whatsapp my by 0835616640 vir spesiale pryse.

13/06/2026

Sit en Kyk het nog datums oop vir die skoolvakansie. Whatsapp my vir datums en spesiale pryse.

05/06/2026

Wil jy net bietjie wegbreek?
Kom geniet die rustigheid en die mooi natuur van SIT EN KYK selfsorg vakansie huis.

01/06/2026

Inligting en belangrike nommers vir ons gaste.