14/06/2026
ගිවිසුම් කාලය අවසන් වීමට පෙර රැකියාවෙන් අස්වීම ගැන සිංගප්පූරු නීතිය 🇸🇬
සිංගප්පූරුවේ ගෘහ සේවිකාවක් (Domestic Helper) ලෙස සේවය කරන අතරතුර ගිවිසුම් කාලය අවසන් වීමට පෙර රැකියාවෙන් අස්වීමට හෝ රැකියාව හැර යාමට සිදු වුවහොත්, නීත්යානුකූල ක්රමවේද අනුගමනය කිරීම ඉතා වැදගත් වේ.
🔹 රැකියාව අතරමග දමා පැන යාම (Absconding)
සේවායෝජකයාට හෝ අදාළ ආයතනවලට දැනුම් නොදී රැකියාවෙන් ඉවත් වීම බරපතල ගැටලුවක් ලෙස සලකනු ලැබේ.
• සේවායෝජකයා තැන්පත් කර ඇති SGD 5,000ක Security Bond එක අවදානමට ලක් විය හැක.
• ඔබගේ Work Permit බලපත්රය අවලංගු කළ හැක.
• MOM වෙතින් Blacklist වීමේ අවදානමක් ඇති අතර, අනාගතයේ නැවත සිංගප්පූරුවේ රැකියාවක් ලබා ගැනීම අපහසු විය හැක.
🔹 මුදල් ගෙවීමක් සිදු විය හැකිද?
එය ඔබ අත්සන් කර ඇති Employment Contract සහ Agency Agreement මත රඳා පවතී.
• බොහෝ අවස්ථාවල රැකියාවෙන් අස්වීමට පෙර Notice Period එකක් ලබා දිය යුතුය. එසේ නොකර ක්ෂණිකව ඉවත් වුවහොත්, මාසික වැටුපට සමාන මුදලක් ගෙවීමට සිදු විය හැක.
• ඒජන්සි ණයක් (Agency Loan) තවමත් ගෙවා අවසන් කර නොමැති නම්, එම මුදල පියවීමට සිදු විය හැක.
✅ රැකියාව ගැන ගැටලුවක් තිබේ නම් කළ යුතු දේ
1️⃣ සේවායෝජකයා සමඟ සාකච්ඡා කරන්න.
2️⃣ ඔබව ගෙන්වූ ඒජන්සිය දැනුවත් කරන්න.
3️⃣ අවශ්ය නම් MOM හෝ විදේශීය සේවක සහාය සංවිධානවල සහාය ලබාගන්න.
⚠️ මතක තබා ගන්න
කිසිවිටෙකත් නිවසින් පැන ගොස් නීති විරෝධීව වෙනත් තැන්වල සේවය කිරීමට උත්සාහ නොකරන්න. එවැනි ක්රියා සිරදඬුවම්, දඩ මුදල් සහ රටින් පිටුවහල් කිරීමට පවා හේතු විය හැක.
ඔබට රැකියාව සම්බන්ධයෙන් අපහසුතාවක් තිබේ නම්, නිවැරදි හා නීත්යානුකූල මාර්ගයෙන් විසඳුම් සොයා ගැනීම ඔබේ අනාගතය ආරක්ෂා කරයි.
