Plazhi i Gjeneralit

Ai ka një det te ceket dhe rërë te imët kurative për disa lloje sëmundjesh. Plazhi rrethohet nga pylli dhe shkurret mesdhetare duke i dhënë zonës një freski te veçante ne këto dite te nxehta vere. Plazhi i Gjeneralit është ende ne zhvillim e sipër për sa i përket shërbimeve dhe infrastrukturës turistike, por pushuesit i gëzohen bukurive te natyrës dhe pastërtisë qe është e vështirë ta gjesh ne dis

a plazhe te tjera. Plazhi ndodhet në një distance prej rreth 30 km nga qyteti i Durrësit dhe ka një gjatësi prej 400 metrash. Ai është pagëzuar me gradën e një gjenerali për shkak te nje ish ushtaraku te larte italian, i cili para Luftës së Dytë Botërore mbërrinte për pushime familjarisht këtu me një jaht personal. Plazhi që shtrihet midis dy kepave shkëmbore dhe qe është formuar nga veprimtaria akumuluese e valëve të detit, mbetet vendi më i bukur dhe më i pastër në gjithë rivierën e kodrave të Kryevidhit të rrethit të Kavajës. Komuna e Synejit, në të cilën përfshihet ky plazh, vitet e fundit po përpiqet te thithe sa me shume turiste jo vetëm nga rrethinat pranë, por edhe nga Durrësi e Tirana. Në këtë vijë bregdetare janë ndërtuar restorante, bare dhe dhoma për pushuesit, por që të gjitha janë ndërtime prej druri, duke ruajtur panoramën e një gjiri fantastik, i cili të krijon një ndjesi të plotë qetësie e çlodhjeje.