Dardania Lodge #012

Dardania Lodge #012 Dardania Lodge #012 Prishtina Kosova
Free and Accepted Masons
[email protected]

11/03/2019

Ghost Dog-Ta-SI-na
Koment filmash…

Heret apo vone duhet ta kthesh mbrapsh ate qe te eshte dhene, ne jemi thjeshte disa marres dhe dhenes. Ne jemi disa mbartes te jetes dhe te rregullave te saja.
Ghost dog ishte nje njeri te cilit ju fal jeta nga nje njeri krejtesisht I panjohur, dhe qe nga ai moment ky djale vendosi tia dedikoje jeten ketij dhuruesi. Ai iu nenshtrua ligjeve te rrepta te samurait duke vrare njerez ne sherbim te falesit te jetes. Packa se ai ishte nje vrases gjakftohte dhe profesionist, ne thelb shpirti I tije ishte nje shpirte paqesore, dhe per kete ai jetonte mes pellumbave si per te treguar paqen ne shpirtin e tije. Ai ishte nje njeri qe frekuentonte pak vende dhe pak njerez, duke jetuar ashtu ne hije. Te qenurit nje vrases nuk eshte se entuziazmonte shume,mbase per kete arsye dhe ai vendoste ta ndante jeten e tije me pak njerez, dhe ate qe ai ndante me keto njerez ishte thjeshtesia e tije prej nje samurai, mundohej qe here pas here te shperndante dijet dhe virtytet e jetes te cilat ai kish mesuar.
Te jetuarit me ligjet e samurait ishte forma nepermjet te ciles ky njeri perligjte veprimtarine e tije prej vrasesi, nje akt I cili nuk e kishte shume per zemer, por qe ishte forma sesi I sherbente falesit te jetes. Si luftetare samurai ai ishte I gatshem te vriste kedo qe e kercenonte por jo ate qe I kish falur mjeshterine, qe keshtu ne fund, I dorezohet, dhe vendos tia riktheje jeten atij qe ja kishte falur, per ti thene ne kete forme se ishte I lodhur me barren qe mbante mpi supe pasi duhet te justifikonte nderin e dikurshem.
Kur ne perfitojme nga ndokush apo nga dicka, gjithmone mbrapa vjen pergjegjesia e asaj qe mer, pergjate kesaj kohe detyre jone eshte qe ti sherbejme shoqerise dhe jetes, dhe tia leme me tutje brezave te tjere ne menyre qe cikli te riperseritet ne rrafshe me te larta.

Bro.’. TA. SI. NA

07/03/2019

Patton-koment filmash
LE. DI. DA.

Një film biografik mbi gjeneralin e një prej ushtrive të SHBA gjatë luftës së dytë botërore. Patton është një njeri tej mase i disiplinuar, që e adhuron luftën dhe e sheh atë si një kuptim për jetën. Filmi tregon aventurat e tij nga Afrika me dëbimin e Gjermanëve nga Tunizia, duke vazhduar në Siçili, Korsika, Francë e deri në Gjermani. Gjenerali është i vendosur në çdo moment dhe këmbëngulës për aplikimin e strategjive të tij luftarake. Për më tepër, ai nuk ka frikë nga sulmet e befasishme të armikut, por i pret ato me një entuziazëm të madh. Ai beson në idenë e rimishërimit dhe teksa gjendet në fusha të caktuara, ai kujton me një precizion të lartë datat historike të betejave të vjetra si ato të kartagjenasve me romakët e deri tek luftërat napoleonike. E me një besim të plotë ai pretendon të ketë marrë pjesë në betejat më legjendare të historisë së njerëzimit.
Këtë pasion për luftën ai e kanalizon tek ushtarët e divizionit të tij duke u imponuar, disiplinë, stërvitje dhe rregull. Shpesh herë eprorët e tij nuk bien dakort me këmbënguljen e Patton, apo të qëndrimeve të tij agresive dhe aspak diplomatike, e megjithatë ai karakterizohet nga liria e brendshme e virtyteve, karakteristikë e cdo masoni.
Pasionin e Patton për luftën mund ta paralelizojmë me pasionin e një udhëheqësi për të nxjerrë në dritë kombin e tij. Një udhëheqës është i vendosur, i disiplinuar, nuk e njeh frikën dhe për më tepër disponon një liri të brendshme të virtyteve të tij. Gjenerali Patton është një shembull i një njeriu që nuk ngre dyshime mbi aftësitë e tij e që nuk stepet nga opinionet e të tjerëve. Ky është një simbol i masonit që i nevojitet një kombi jetim, i cili ka humbur dijen, arsyen apo edhe qëllimin e vetë jetës.

“ Miqtë e Masonëve”
LE. DI. Da.

06/03/2019

Komentet filmash
Nga Bro.’.G!
“THE NEGOTIATOR” 1998

E vërteta. Fjalë e madhe dhe me kuptim qiellor, për ata që nuk e kanë humbur ende arsyen. E vërteta mbetet që nga gjeneza fjala më e dashur për njerëzimin, sado e hidhur të jetë ajo sjell ndjenjën e të qenit gjallë, çlirim të brendshëm, liri individuale dhe në fakt është vlerë e fuçishme për cilësinë e karakterin njerëzor. Shumë nga ne përballemi në jetë me situata shumë të ndërlikuara emocionale, në jetën private, profesion, biznes, politikë, e në të shumtën e rasteve njerëzit që na sjellin zhgënjimin më të madh janë ata me të cilët qëndrojmë pranë më së shumti, madje ndonjëher edhe të afërmit e rrethit të familjes. Në situate ku korrupsioni është në një nivel të lartë, ku fjala e vërtetë e humb vlerën dhe kuptimin e saj, ku burrat i shesin shpirtin djallit, asgjë e vlefshme nuk vlerësohet, madje merr formë, ngjyrë e karakter anti-njerëzor, në përmasat e një përbindëshi tragjik, ku fundi i thashëthëmgjiut e lakmitarit është shumë i hidhur. Njërëzit të cilët e shmangin të vërtetën dhe në karakter kanë shpifjen si parim, siç ishte Frost, shesin Atdheun, institucionet, familjen dhe për shkakun e tyre shumë njerëz të pafajshëm humbin jetën.
Danny Roman, një Oficer Policie me detyrën fisnike të negociatorit vihet në kurth nga njerëzit e departamentit të policisë së shtetit ku ai punon. Një njeri shumë i suksesshëm në profesion, familjar i mirë, qytetar i dinjitetshëm, ku me sukses të madhe me vlera fisnike udhëheq në negociaatat mes policisë dhe pengmarrësve, vihet në kurthë pikërisht nga ata me të cilët kaloi kohën me të madhe, kolegët e tij të korruptuar. Pikërisht nga dikush që nuk e priste. Pas udhëheqjes me sukses të negociatave me një njeri të çmendur i cili mbante peng një vajzë të vogël ai arrin ta eliminojë pa pasoja fatale rrezikun për vajzën pas më shumë se 6 orë negociatash, duke arritu që të shpëtoj jetën e vajzës së vogël dhe plagosjen e kapjen e kriminelit.
Suksesi i tij transmetohet nëpër mediat amerikane, përderisa pas një gostie rasti partneri i tij e njofton për një krim në të cilin ishin të përfshirë pjesëtarët e policisë nga departamenti ku ata punonin e bëhej fjalë për shumë të madhë parashë. Frost me grupin e te korruptuarve nga departmenti i policisë e vendosin atë në një kurth të rrezikshëm, duke i inskenuar vrasjen e parnerit të tij, në vetyrë që në fakt atë e kishte ekzekutuar një nga njerëzit e Frost pak sekonda para arritjes në vendtakim duke vendosur armët në rrethinat e perimetrit që përkonin me analizat e vendit të ngjarjes si dhe një dosje në shtëpinë e Danny Roman. Në ato çaste arrin vetura e policisë, kuptohet sikur një orë e kurdisur, si dhe një pjesë e skenarit. Ai merret në pyetje nga Divizioni i Çështjeve të Brendshme i Çikagos, me dyshimin për përfshirje në këtë vrasje, ata madje në rrethana shumë misterioze arrijnë të sigurojnë një mandate kërkimi në shtëpinë e tij duke gjetur dosjen e inskenuar. Në ndërkohë shefi i tij kërkon nga ai të dorëzojë armën dhe bexhin e oficerit të policisë me pretekstin se ishte duke u zhvilluar hetim. Duke e parë vetën në një situatë pa rrugëdalje, Danny zgjedh rrugën më të vështirë për kërkimin e së vërtetës duke u shndërruar nga negociator i pengmarrjeve në një pengmarrës. Ai merr peng Divizionin e Çështjeve të Brendshme, ku gjatë negociatave me Negociatorin e policisë Chris Sabian, shndërrohen në një nivel komunikimi mjeshtëror, dhe në ndërkohë gjejnë frekuencën e njëri tjetrit, për t’i dhënë kahje positive situatës. Duke marrë parasysh se në situate të tilla të pengmarrjes me çështjen udhëheq negociatori i policisë, pra merr komandimin e operacionit, pasiqë me interes vital është shpëtimi i jetërave të njerëzve, këtu ndodhi diçka komplet ndryshe. Eprorët e korruptuar dhe të dhunshëm me sjellje mafiozi, ndërhyjnë shpesh gjatë zhvillimit të ngjarjes duke e drejtuar situatën në drejtim të tillë që të dilte nga kontrollim ku në disa raste kishte shkëmbim zjarri mes policisë dhe Dannyt, përfshirë ndërhyrjen e njësisë elitë pa aprovim nga Chris-i vetëm që të shkatërronin provat dhe evidencat me të cilat i priste burgu të korruptuarit siç ishte Frost.
“Zoti i së Vërtetës” është një term që jo rrallë herë përmendet në shkrimet e lashta, pra i përket Testamentit të vjetër. Po i bëmë një analizë të shkurtë vijmë në përfundim se vetë Arkitekti i Madh i Universit e ka bekuar të Vërtetën me një fuqi Hyjnore dhe vlera qiellore. Ia vlen të jetosh për të vërtetën. Pa të vërtetën nuk ka liri individuale e as kolektive. Thjesht pjesa e errët e njerëzimit, janë shndërruar në egoista depresiv për të mos besuar të Vërtetën, sado që ti e thua pa ndërprerë. Ata priren t’i besojnë të ligës, të pavërtetës, thashëthëmeve dhe programimeve të grupeve të interesit, duke shkelur parimisht të drejtën ekzistenciale të së vërtetës. E vërteta është zë i heshtur, që kërkon të shprehet përmes fjalës sepse “Në fillim ishte Fjala, dhe Fjala ishte me Zotin dhe Zoti ishte Fjala”.
Fuqia e Danny Roman ishte pikërisht tek vullneti i tij i madh për të zbuluar të vërtetën, pasi atij i kishin shpifur dhe veshur diçka të cilën ai nuk e kishte bërë. Ai duhej të shkelte parimin e tij duke e vendosur veten në një pozitë shumë të vështirë vetëm e vetëm që të zbulonte të vërtetën. Sakrifica e shumë njerëzve në këtë botë ishte për të vërtetën.bota e ka të njohur tashmë historinë e famshme të tragjedisë që i ndodhi fjalës së lirë, të vërtetës. Është rasti i Xhordano Brunos i cili vetëm se thoshte të vërtetën dhe e mbronte atë përballë egoizmit të kohës që disa nga klerikët fetarë nuk e pranonin dërgohet për djegie në turrën e druve. Duke bërë një dialog të gjatë me Chris Sabian, Danny futet në një fazë ku dialogu i ngjante simbolikës së fuqisë së padukshme, besimit për ta çuar deri në fund një çështje. Ata ishin përballë njerëzve të errësirës që me çdo kusht shkatërronin fjalën e lirë, të vërtetën, vetëm për përfitime personale. Duke qenë se u kuptua loja e rrezikshme që luhej nga disa prej figurave kyqe të departamentit të policisë së Çikagos, Chris vendos të jetë së bashku me Danny-n duke i futur në kurth vetë lojtarët e djallit, që ishin rreshtuar në një krah me të ligën, e cila i kushtoi me jetë kolegut të tyre, vetëm se e zbuloi të vërtetën. Ata e dërguan situatën në një nivel të ri ku tradhëtari Frost sjellet në një shtëpi private vetëm pak minuta pasi argatët e tij të forcave elite të policisë së Çikagos e rrethuan vendndodhjen e Danny-t dhe Chris-it. Duke e fundosur përfundimisht me fakte dhe regjistrim Frost-in, një tradhtar të interesit shtetërir e kombëtar, i cili paguhej nga taksapaguesit amerikanë për të mbrojtur ligjin dhe qytetarët që ishin të kërcënuar nga mafia, droga e prostitucioni, por bëntë të kundërtën. Fundi i tij ngjan me një fund tragjik, të shkon mendja tek Lufta e Davidit me Goliatin, që me një gurë e godet dhe i merr jetën, duke vendosur paqen. Nnjerëzit e ligë si Frost-i shoqërisë njerëzore gjithmonë i kanë sjellur problem, trazira, pështjellime të kota, pasiguri dhe errësirë. Në radhë të arë njerëz si Frost-i kanë dërguar në kriza të thella morale shoqërinë, duke vendosur kaos në vend të rendit si dhe anti-moral në vend të moralit. Këta lloje njerëzish duhet zhveshur nga çdo lloj pushteti që kanë, duke qenë se janë armiqt më të përbetuar të lirisë dhe kërcënim për jetën normale, moralin dhe ecjen përpara duke i dhënë gjithmonë rrethit ndjenjën e pasigurisë, kërcënimit dhe presionit.
E vërteta gjithmonë është e lidhur me nderin, moralin, sinçeritetin dhe sjell përfitime të mëdha për shoqërinë dhe njerëzimin. Dua t’i referohem Thomas Jefferson-it, president i tretë i SHBA-ve që për sinçeritetin tha: “Sinçeriteti është kapitulli i parë në librin e diturisë-urtësisë”. Përderisa Albert Einstein për rëndësinë e së vërtetës lidhet edhe me besimin e detyrave dhe pozitave ku thotë “kushdo që është i pakujdesshëm me të vërtetën në çështje të vogla nuk mund të i besohet në çështje të mëdha”.
Danny u shndërrua në model të kërkimit të së vërtetës duke triumfuar mbi gënjeshtrën dhe anti-moralin. Ai megjithëse zgjodhi rrugën më të rëndë për të ardhur tek e vërteta ishte shumë human. Me pasoja minimale arriti të gozhdonte dhe ta dërgonte drejt çelisë kriminelin Frost, që deshti t’i jepte fund jetës me një karakter tragjiko-komik në mënyrë që të mos përballej me drejtësinë por duke e parë situatën njëri prej policëve në detyrë e plagos në momentin kur del nga shtëpia ku mbeti i plagosur Danny. Në fakt Danny ishte plagosur nga Chris-i në mënyrë që ta bindte Frost-in të fliste për krimin që e kishte bërë.
Danny Robin-it me këtë rast i kthehet dinjiteti dhe e vërteta bëhet e ditur për të gjithë.

Nga.’.Bro.G!

05/03/2019

The Negotiator-TA-SI-NA,
Koment filmash…
Kudo gjejmë dikë që e bën punën e tij me pasion, dhe e dashuron atë që që bën. Nuk ka rëndësi sa paguhesh apo sa orë punon, apo vështirësitë që duhet të hasësh në realizimin e saj. Nuk ka rëndësi edhe nëse të duhet të rrezikosh jetën për të bërë atë që dëshiron. Kur njeriu dashuron punën që bën, ai jeton për të. Në një grup pune, gjithmonë do të jetë dikush i apasionuar, dhe pjesa tjetër të cilët kanë gjetur formën sesi të abuzojnë me pozitën për disa përfitime të shkurtra, por njeriu i apasionur, përbën një kërcënim për kopenë e çakejve që kërkojnë vetëm të plaçkisin. Principet e tij janë standart, dhe çakejtë nuk i duan standartet. Për të ulur standartet duhet që të bjerë imazhi i njeriut model. Gjithmonë duhet gjetur një formë për ta denigruar atë, për ta ulur në nivelin e grupit të plaçkitësve.
E tillë ishte dhe historia e Roman dhe e grupit të ndërhyrjes së shpejtë ku ai bënte pjesë. Disa anëtarë të grupit, të pa kënaqur nga puna e tyre dhe nga të ardhurat vendosin të kryejnë disa veprime financiare të cilat çonin në përfitime të mëdha për disa prej tyre, në momentin që ato fillojnë të lënë gjurmë, dikush duhet të paguante dhe ai ishte Roman, paçka se ishte i pa përfshirë në atë mes.
I gjëndur në një kurth Roman vendos ti trazojë ujrat keq, mban peng kolegët e tij, dhe nën kërcënimin e eleminimit fizik kërkon të gjej fajtorët. Atë që kish bërë me kolegët e tij, tashmë kolegët duhet ta bënin kundër tij, ai duhet të dorzohej ose të vdiste.
Për të bërë dallimet tek miqtë se kush ishte i përfshirë në aktivitetin korruptiv e kush jo, ai vendos të përfshijë në bisedat negociatore një person të jashtëm, një person me profil të mirë publik, dhe që nuk kishte rrezik të ishte i përfshirë në atë skandal financiar. Pak nga pak lindën përçarjet e para, dikush donte që Roman të ishte i vdekur, dikush tjetër e kishte te pamundur të qëllonte mbi të. Tashmë vetë skuadra e ndërhyrjes së shpejtë nuk kishin më kompaktitetin e dikurshëm, e gjithë kjo situatë filloj të hedhë dyshime të forta se Roman kishte të drejtë, dikush aty brënda i kish ngritur një kurth.
Në situata të jashtzakonshme të duhet të sillesh si i tillë,Roman nuk pranoj ti nënshtrohej procedurës normale të hetimit. Kolegët e tij të përjetshëm i kishin ngritur një kurth. Të gjithë dyshonin tek ai. Drejtesia normale nuk do të arrinte të ndante të vërtetën nga gënjeshtra, vetëm një përballje me to mundet ta bënte, të pa implikuarit do të rreshtoheshin më pranë tij, ndërsa të implikuarit do të gjenin gjithmonë një pretekst për ti dalë kundër.
Ti besosh një të huaji me tepër se një njeriu që dikur i ke besuar jetën, është kulmi i mosbesimit. Por shpesh herë kjo taktikë është e domosdoshme për të zbuluar tradhëtarët.
Bro.’. TA. SI. NA.

03/03/2019

GHOST DOG “THE WAY OF THE SAMURAI”1999
Koment filmash. Bro.’.G!

“Rruga, Kush e kalon atë drejt dhe mirë”. E fillova me këtë fjalë të madhe të lënë nga filozofia e vjetër e arteve marciale Japoneze, ku Kodi i Nderit ishte gjithçka, dhe për gjithçka. Shumë burra humbën jetën kur sulmonin të parët, sepse në këtë kohë, mbrojtja ishte e avancuar në nivelet kulminante, tek burrëria Japoneze, në fakt, ishte kthyer në kulturë të mos sulmoje i pari dhe pa arsye. Kjo ishte koha kur Toytomi Hideyoshi, anulloi mbajtjen e shpatës, për një shtresë të popullsisë, dhe që njihej si “Katana Gari”. E kjo ndarje njihej si “Heino Bunri”. Ishte viti 1588 dhe një pjese të popullit të Japonisë, i duhej të dorëzonin armët e tyre. Qëllimi ishte krijimi i një force të strukturuar, strikte, me klasë të veçantë dhe të funksiononte nën urdhërat e tij. Kjo ishte vetëm një pjesë e vogël e historisë së bujshme të shpatës dhe përdorimit të saj në Japoni. Ata kanë një kulturë shumë strikte për shpatën. Samurai ishte në shërbim të të Zotit të Klanit, apo edhe Perandorit. Ata ishin të bindur me disiplinën e tyre të shkonin përtej imagjinatës, duke qenë se kishin mësime shumë serioze mbi taktikat dhe përdorimin e shkathtësive luftarake. Tradita e tyre ende gjendet me lehtësi në Japoninë modern, sepse në fakt përbënin jo më pak se 10% të popullsisë, japoneze të kohës.
Nën aplikimin strikt të Kodit të Samurait, Ghost Dog arrin të bëhet një mbrojtës i viktimave të krimit të organizuar, zëri i tyre në heshtje. Ai zbaton me takt e përpikmëri këto rregulla, pasi e gjen veten aty, pas një situate shumë të vështirë, ku përballej me vdekjen. Në atë situatë të vështirë e ndihmon Lui, një nga mafiozët e qytetit, i cili kryente punët e pista të njërit prej klaneve mafioze. Aty, ai bie në kontakt për herë të parë me Luin, të cilit i shërbente me devotshmëri për një kohë, por duke vendosur parimin moral, para atij personal. Meqenëse ai ishte shndërruar në një armë vdekjeprurëse, për të ligën dhe njerëzit e errësirës, ai vepronte gjithmonë nën hijen e emrit të tij të çuditshëm “Ghost Dog”. Ai kishte qasje në pothuajse gjithçka, sistemet e komunikimit të njerëzve të mafias, shtëpitë e tyre, dhe ishte pa gabime në kryerjen e aktit të vrasjes, ishte një profesionist në këtë drejtim. Karakteri i tij ishte shumë serioz në kryerjen e veprimeve dhe rezultatet e tyre. Ishte shumë i përkushtuar, jetonte vetëm dhe kryesisht nuk përdorte fare mjete komunikimi përveç pëllumbave postarë, për marrjen dhe përcjelljen e mesazheve.
Principi i Samurait në një anë, dhe njerëzit e errësirës, në anën tjetër. Kishte të bënte më karaktere të ndryshme, të cilat përplaseshin jo rallë-herë me njëra tjetrën. Ai i kishte dorëzuar pothuajse shpirtin dhe trupin Master-it të tij, të cilit i shërbente, në këtë rast Lui-t, e në një analizë më të thellë, i shërbente një parimi më serioz, largimit nga faqja e dheut të njerëzve që shkelnin ligjin duke përdorur fuqinë e parave të pista, dhunën, ku ambicja e tyre ishte shndërruar në kërcënim për Lirinë. Ghost Dog, u jepte atyre fund pa asnjë problem dhe pas asnjë pengesë, ai eliminon me lehtësi shumicën prej tyre, ca në një shtëpi luksoze mafioze, e ca në lokacione të tyre private, por, sigurohej që të vdisnin ashtu siç kishin jetuar, pasiqë siç edhe përmendet në fund, në Kodin e Samurait, fundi ka rëndësi në gjithçka që kemi vepruar, pra si i përfundojmë gjërat. Por, çelësi i suksesit të një Samurai ishte lideri i tij, Mjeshtri, që në fakt Ghost Dog, kishte shpirtin e tij të pastër në një dilemë etike me Luin, i cili i kishte shpëtuar jetën vite më parë. Në disa raste ai i kujtoi Lui-t se edhe ai ishte si të tjerët por nuk e eliminoi. Ky parim që të mos harronte mjeshtrin në asnjë situatë, se ai ishte fundamental për të, në fund i dha goditje pas shpine, dhe thellë në zemër, Ghost Dog e dinte se kjo e priste, ai ç’armatosi mikun e tij që shiste akullore në mënyrë që të mos mundte ta ndihmonte, sepse tashmë ai kishte vednosur si të ishte fundi.
“Është mirë ta shohësh botën si një ëndërr. Kur të kesh diçka si një ankth ose tmerr, mund të zgjidhesh dhe t’i thuash vetes se ishte vetëm një ëndërr. Është thënë se bota në të cilën ne jetojmë, nuk është aspak ndryshe nga kjo”
Në fakt, secili nga ne ka një ëndërr, një liri të brëndshme, virtyte e vizione që na mbajnë gjallë. A nuk është e vërtetë se karakteri ynë është i brëndshëm, sado që goditemi nga jashtë. Thjesht, disa nga ne zgjedhim të luftojmë për atë që na takon së paku deri në fund, disa pajtohen me të keqen, dhe bëhen skllevër skllevër të ëndrrave të gabuara të të tjerëve, që krijojnë shëmtira, anarki, pshtjellime të pafundme. Këta të fundit e gjejnë veten në një rreth shumë të keq vicioz, që nuk mund të dalin, në një rrugë pa krye, që i bëjnë dëm shoqërisë, vendit e famileve të tyre, me vepra e ëndërra të liga, i shërbejnë djallit në vend që të jenë të lirë nga ai. Të parët, ata që besojnë ëndrrën e tyre të mirë, për të shërbyer si njerëz të lirë, për shoqërinë, vendin, familjen, edhe pse me shumë vështirësi arrijnë atë që dëshirojnë sepse gjithmonë gjejnë njerëz me vlera të njëjta, për të luftuar bashkë, dhe mos të harrojmë se Drita triumfon mbi Errësirën. Këta të parët bëhen model për të rinjtë, model për njerëzit që i rrethojnë, për familjen dhe vendin. Ne kemi marrë shembuj të shumtë për dallimin e njerëzve dhe klaneve, që ata vendosin t’i shërbejnë. Disa e bëjnë për përfitime material e personale, disa për parime morale.
Lordi Naoshige në një thënie të tij tregon se:
“Çështjet e shqetësimeve të mëdha duhet të trajtohen lehtësisht-me qetësi” përderisa Lordi Ittei tha: “Çështjet e shqetësimeve të vogla duhet të trajtohen me seriozitet” Në fakt ishte tipike çështje discipline, pasiqë siç e dijmë nga përvojat e përditshme, gjërat e vogla – problemet dijnë të bëhen të mëdha, ato të mëdha të mbesin probleme permanente, apo probleme që kërkojnë zgjidhje.
“Sipas thënjes së një të vjetri, ta dërgosh armikun në fushëbetejë është njëlloj siç e merr Shqiponja-skifteri-zogun. Shqiponja futet në mesin e shumë zogjve, kalon mes përmes tyre, por kurrë nuk e harron këndin, ajo nuk i jep rëndësi zogjve të tjerë, përveç atij që e kishte future në atë cak”.
Kështu ishte edhe Ghost Dog, ai po e vendoste në qoshe ndonjë kriminel, nuk i kushtonte rëndësi shërbyesve të tij, ata ishin vetëm disa pengesa të vogla deri sa arrinte me lehtësi te kurthi, pavarësisht se çfarë mbrojtje kishte, se çfarë posti mbante, Ghost Dog ishte një shigjetë e furrishme, e pandalshme, e pathyeshme, një stuhi që verbonte armikun para se ta eliminonte. E dërgonte fillimisht drejt vendimeve të gabuara, dhe në fund i merrte gjithçka, jetën, pa pikë mëshire, por me parim.
Ghost Dog, nuk e bënte asnjë eliminim për çështje parashë, për interesa personale, ai kishte një kod, që ndoshta njerëzit e kuptojnë me fjalën hakmarrje. Por, ishte më i madh se aq. E donte leximin, edukimin, përkrahte të dobëtin, ata që nuk kishin mbështetje, ishte më i heshtur dhe nuk shoqërohej me njerëzit. Disa mund ta përqeshnin se i pëlqente kjo mënyrë jetese, por ishte ëndrra e tij, jetonte për të, ishte thjesht njeri me parime, i pëlqente të hante akulloren duke observuar rrethin dhe duke menduar për të ardhmen, të tashmen e çuditshme depresive. Mënyrat e sjelljes së tij dhe komunikimit tregonin për një shpirt të pa djallëzuar, por të fuqishëm si rrufeja, në natën e errët, që u merrte jetën njerëzve të ligë të mafias, drogës e prostitucionit. Ai kishte vendosur të ishte drejtësia, duke i shkatërruar komplet klanin mafioz.
“Në fjalët e të lashtëve thuhej se njeriu duhej marrë vendimin në hapësirën mes shtatë frymëmarrjesh. Kjo është çështje të jesh i vendosur dhe të kesh shpirtin që të çash si duhet mes-përmes deri në anën tjetër”
“Edhe nëse koka e Samurait këputet rastësisht gjatë aktivitetit të tij, luftimit, ai duhet prapë të jetë i aftë të performojë një veprim shtesë me saktësi. Nëse ai arrin të bëjë këtë si një shpirt hakmarrës dhe tregon vendosmëri, edhe pse koka e tij është e këputur, ai nuk do të vdiste”
“Nëse ke marrë vendim ta vrasësh një person, edhe nëse është e vështirë të avancosh drejt përpara, ti nuk do të mendosh të shkosh tërthorazi (indirekt).Rruga e Samurait është me menjëherë-shmëri (vendimtare në kohë dhe hapësirë, pa pritje të gjata pas marrjes së vendimit)-Godit në Kokë”
Vetë ngjarjet këtu janë filozofi në vete, për ata që kanë ende pak moral të kuptojnë, mesazhin për Rrugën që ne e kalojmë në këtë botë, në të mirë dhe në të keq. Filozofi kjo që kuptohet vetëm nga njerëzit e disiplinuar, që janë mësuar të shërbejnë me vetëmohim dhe sakrificë. Kjo na shpie në kuptimin e ekzistencës së substancës në boshllëk, të vetes tonë në një ëndërr universale, jashtë metaforave dhe sinonimeve të përditshme, në diçka që as vetë në disa raste nuk i japim arsye. Njerëzit e quajnë rastësi, por rastësi nuk ka veç asaj që e krijojmë ne, dhe i japim formë të quhet e tillë. Gjithçka ndodh për një arsye! Gjithçka ka një formë dhe zbrazëti.
“Trupave tonë ju është dhën jetë, nga azgjëja”
“Zbrazëtia, është formë, dhe forma është zbrastësi”!

Bro.’. G

Brotherly love

16/02/2019

Being There

Një film komedi i mbushur me simbolika e me mesazhe të shumta. Personazhi kryesor është Chancey, kopshtari i një pasaniku që ndodhet në prag të vdekjes. Chancey është rritur në shtëpinë e pasanikut duke u marrë me kopshtarinë dhe i vetmi burim njohjeje i tij është televizori. Pasi pronari plakur largohet nga jeta, Chancey detyrohet nga kompania ligjore që të largohej nga prona duke qenë se emri i tij nuk figuronte në asnjë të dhënë si i punësuar. Kështu ai del nga streha e tij nga e cila nuk pati dalë kurrë dhe niset në drejtim të paditur me shpresën për të gjetur të njëjtën punë si më parë. Gjatë rrugës ai orientohet nga një statujë e cila tregon me gisht një krah të horizontit dhe nga shëtitja, vëmendja e tij fokusohet tek një T.V. që shfaq fytyrën e tij. Teksa përpiqet me të kotë të përdorë telekomandën për të ndërruar stacionin ai pëson një aksident të vogël nga një makinë. Aksidenti është i papritur dhe i menjëhershëm, pikërisht kështu mund të vijnë ndryshimet në rrjedhën e jetës. Makina që i shkaktoi dëmtimin i përksite gruas së një prej biznesmenëve më të pasur të SHBA dhe ajo inssiston që ta ndihmojë për mjekim. Kështu Chancey gjendet sërish në shtëpinë e një biznesmeni të pasur i cili gjithashtu gjendet në prag të vdekjes. Atje e pandehin këtë njeri si pjestar të shtresës së lartë dhe profesionin e tij e keqkuptojnë me mbiemrin, (Gardener). Kur Chancey i tregon për historinë e tij sesi firma ligjore e detyroi të linte shtëpinë dhe vendin e punës, biznesmeni Ben menjëherë e lidh këtë me debatin e madh të ortodoksisë ekonomike atë të ndërhyrjes apo jo të shtetit në ekonomi. E teksa merr mjekime dhe rekomandim për të qëndruar dy ditë në shtëpinë e biznesmenit Ben, Chancey njoftohet se do të takojë presidentin e SHBA, i cili ishte një mik i Ben-it dhe merrte shpesh herë këshilla prej biznesmenit të vjetër. kështu në takimin e rradhës me presidentin, Ben fton edhe Chanceyn të marrë pjesë. Presidenti dëshiron të konsultohet me Ben-in mbi ndërhyrjet afatshkurtra të shtetit në ekonomi në mënyrë që të stimulojë rritjen ekonomike . Si një biznesmen dhe flamurtar i tregut të lirë, Ben refuzon ndërhyrjet e përkohshëme të shtetit në ekonomi. Më pas Presidenti i drejtohet Chanceyt për këtë dilemë. Chancey i përgjigjet kështu : “ Përsa kohë rrënjët nuk janë shkëputur, gjithçka është mirë… dhe të gjithë do të jenë mirë në kopësht” Chancey vazhdon sërish duke thënë se në kopësht, rritja ka sezonet e veta, e në këndvështrimin e dëgjuesve ai po paralelizonte kopshtin me ekonominë, sezonet e rritjes me ciklet e biznesit dhe të mbjellat e kopshtit me njësitë ekonomike të një kombi. Ben-i i mahnitur nga përgjigja e Chanceyt arrin në konkluzion se njerëzit mirëkuptojnë sezonet e natyrës por jo ato të ekonomisë. Pas takimit, presidenti në konferencën për shtyp citon fjalitë e Chanceyt ku në vend të rrënjëve të bimëve ai flet për rrënjët e industrisë. Kështu pas fjalimit të presidentit emri i tij bëhet i famshëm dhe të gjithë mediat kërkojnë të bashkëpunojnë me të. Chanceyt i jepet mundësia të dalë në televizor. Atje ai përballet me pikëpamjen neoliberale sipas së cilës shteti duhet t’a lërë ekonominë të lirë përgjatë cikleve të biznesit. Chancey përgjigjet se është e mundur që cdo gjë të rritet e fortë dhe se ka mjaft hapësirë për lule e pemë të reja. Ai vazhdon më pas duke thënë se një kopshti i duhet kushtuar mjaft përkudesjeje dhe mjaft dashuri. Kështu krahas shpjegimit neoliberal, Chancey nuk mohon rolin e shtetit në ekonomi. Duke e paralelizuar me kopshtarin ai thekson se roli i kopshtarit është përkujdesja për çdo bimë në kopshtin e tij.
Chancey zmadhon kështu admirimin e Ben-it ndaj tij dhe së bashku me Evën, vejushën e ardhshme të Ben-it, Chancey takohet me ambasadorë e funskionarë të niveleve të larta dhe në sytë e të gjithëve ai shikohet si një njeri i urtë me mjaft njohuri e dije. E teksa vdekja i afrohet biznesmenit Ben, ai lë porositë e fundit ku ndër të tjera është besimi që thekson tek Chancey. Ben vdes në praninë e Chanceyt dhe kështu kopshtari gjendet pranë një situate të jetuar më parë. në funeralin e Ben-it, teksa presidenti mban fjalimin në nderim të tij, miqtë e ngushtë të biznesmenit marrin arkivolin për ta përcjellur në strehën e fundit, ndërsa Chancey shkon drejt pyllit ku i tërheqin vëmendjen, bimët për të cilët ai ishte përkujdesur gjithë jetën. Nga ana tjetër miqtë e Ben-it me arkivolin në krah diskutojnë me njëri tjetrin mbi mundësinë për të kandiduar si president të vendit kopshtarin Chauncey. Filmi mbyllet me fjalimin e presidentit mbi të ndjerin Benn dhe konkretisht me fjalët që gjendeshin dhe në piramidën me syrin që sheh gjithçka pranë varrit të Ben-it : Jeta është një gjendjen e mendjen Në simbolikat e filmit shfaqet qartë, një nga konceptet e shprehura në librin Kybalion As above so Below.

“ Miqtë e Masonëve “

LE. DI. DA

07/02/2019

Patton-TA-SI-NA
Koment filmash…

Në gjëndje lufte ndryshon gjithçka, ligjet, sjelljet sociale, karakteret njerzore. Disa njerëz kanë lindur për ta adhuruar luftën, jo sepse atyre u pëlqen përgjakja, por se u pëlqen të luftojnë, disa të tjerë thjeshtë duan të jetojnë në paqë. Gjeneral Patton ishte një nga ato që e dashuronte luftën.
Nje rrëfim biografik i një prej figurave më të spikatura të luftës së dytë botërore, gjenerali Patton. Vjen si një personazh i zbehtë, pa shumë gjak nën lëkurë, dhe i tillë ishte edhe në karakter. Që në fillim ai na shfaqet me një karakter mjaft të disiplinuar. Sapo shfaqet në bazën ushtarake në Afrikë, gjëndet përballë një shfaqjeje jo shumë të pëlqyeshme për të, jep urdhërat e parë, dhe të gjithë marrin sinjalin. Vër helmetën i thotë guzhinjerit, për ti treguar që dhe ai ishte një ushtar, hiqe këtë foto femre nga muri i drejtohet një ushtari tjetër, këtu nuk jemi në një bordello… etj… etj. Këto ishin thirrje të cilat kërkojnë të vënë përpara përgjegjësisë së pozitës në të cilën gjëndeshin. Ai vënd ishte në luftë, dhe ato ishin njerzit që do të luftonin, dikush do humbiste e dikush do fitonte, dikush do vdiste e dikush do jetonte. Nëse ato duhet të fitonin duhet të ishin të fokusuar në çdo çast në idenë e luftës, dhe të fitores së saj. Tashmë ato ushtarë nuk mundet të gëzonin privilegjin për të qenë qënie normale, nëse do të ishin të tillë, lufta për to, ishte e humbur akoma pa mbaruar. Fitorja ka nevojë gjithmonë për përqëndrim dhe sacrificën.
Por gjenerali Patton, nuk shfaqet vetëm si një njeri autoritar, ai del dhe si një njeri me guximin e një të çmënduri, ai nuk i druhej vdekjes, por as nuk donte të vdiste, pikërisht për këtë i dilte armikut përballë, edhe në rastin kur armiku ishte një avion, dhe ai vetë mbante në dorë vetëm një revole. Koha e qëndrimit në pozita mbrojtjeje ishte shumë e pakët, në çdo rast ai duhet të dilte në sulm. Fitoret e tija ishin të njëpasnjëshme, pasi ai e dashuronte luftën. Kështu i thotë partneri i tij më i afërt. Unë jam i stërvitur për të luftuar, ndërsa ti e dashuron atë. Por ai në fakt dashuronte fitoren, dhe armiku gjithmonë stepej përballë dëshirës së tij për të fituar.
Në disa raste ai shfaqet dhe si i pa mëshirshëm, e në fakt lufta nuk ka vënd për mëshirë, në luftë nëse nuk do të jesh i vdekuri, duhet të bëhesh vrasësi. E kështu sillet Patton, përballë ushtarevë të tij, për të ushtarët ishin të adhurueshëm përsa kohë i kanë shërbyer fitores, por në asnjë moment nuk lejohej dobësia tek to.
Në fund lufta mbaron, dhe me të mbaron dhe karriera, Gjeneralit Patton. Ai ishte një njeri i jashtzakonshëm i luftës, por jo i paqës, edhe pse një gjeneral i sukseshëm atij i mungonte diplomacia.
Ky është një leksion për cilindo nga ne, ku vihet në pah rëndësia e pasionit dhe dëshirës në atë që bëjmë çdo ditë të jetës tonë. Për sa kohë ne nuk jemi njëqind për qind në atë që bëjmë, më mirë të vazhdojmë diku gjetiu, duke kërkuar pasionet tona të vërteta.

Brother.’. TA. SI. NA.

Address

Tirana

Website

Alerts

Be the first to know and let us send you an email when Dardania Lodge #012 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dardania Lodge #012:

Shortcuts

Share