Bar Restorant " Geri Rexhvelaj "

02/09/2026

Mimoza Rexhvelaj: Jeta nuk përcaktohet nga ajo që na ndodh, por nga kuptimi që i japim asaj që na ndodh…

Ndoshta vetëm 10% e jetës është ajo që nuk e zgjedhim dot: një humbje, një padrejtësi, një ndarje, një goditje e papritur e fatit. Ndërsa 90% tjetër është ajo që ndodh brenda nesh pas saj.

Ne nuk mund ta zgjedhim gjithmonë gurin që jeta na e hedh në rrugën tonë, por mund të zgjedhim nëse do të pengohemi prej tij, do ta mbajmë mbi shpinë, apo do ta kthejmë në një shkallë për t’u ngjitur më lart.

Në asnjë rast jeta nuk na pyet çfarë na dha, por pyet çfarë bëmë me atë që na dha…

Ndoshta liria më e madhe e njeriut është pikërisht kjo, të mos ketë pushtet mbi ngjarjet, por të ketë pushtet mbi veten përballë tyre.

Fati mund të shkruajë një rresht në historinë tonë, por mënyra si përgjigjemi, si reagojmë është dora jonë mbi laps…

23/08/2026

Mimoza Rexhvelaj: Nëse një pikë uji bie në një liqen, humbet mes ujit dhe nuk ka më identitet.

Nëse një pikë uji bie mbi një gjethe zambaku, ajo ndriçon si një perlë.

Zgjidh vendin ku do të jesh dhe njerëzit me të cilët do të rrish.

Ndonjëherë nuk është se të mungon drita.
Thjesht je ulur dhe pret të ndriçosh në vendin e gabuar…

19/08/2026

Mimoza Rexhvelaj: E pyetën një plak:Cili është sekreti i lumturisë?
Ai buzëqeshi dhe u përgjigj:”Mos debato kurrë me budallenjtë!”

E panë të habitur “Vetëm kaq?”
Po, u përgjigj si me qetësi dhe shtoi se kur njeriu hyn në debat me një budalla, ai të tërheq në terrenin e vet dhe ka më shumë përvojë se ti…

Ndoshta lumturia nuk ka të bëjë me atë që fitojmë,por me atë që zgjedhim të mos humbasim.

Mos humb qetësinë,për t’i provuar dikujt se ke të drejtë.

Mos harxho fjalët e tua, aty ku mungon dëshira për të kuptuar.

Mos u përpiq t’i japësh dritë dikujt, që e ka bërë errësirën mënyrën e vet të të parit.

Ka njerëz me të cilët mund të diskutosh edhe kur nuk bien dakord me ty, kërkojnë të kuptojnë dhe të jenë të kuptuar.

Ka të tjerë që nuk kërkojnë të vërtetën. Kërkojnë vetëm të fitojnë një debat,që nuk ekziston dhe t’i dal e tija me çdo kusht.

Është inteligjencë të dish se jo çdo betejë meriton të luftohet dhe jo çdo njeri meriton përgjigjen tënde.

Në fund të fundit, çfarë rëndësie ka të fitosh një debat, nëse çmimi është të humbasësh paqen?!

Plaku ndoshta e dinte shumë mirë se:”Lumturia fillon aty ku pushon nevoja për t’u shpjeguar njerëzve, që kanë vendosur të mos të kuptojnë.”

18/08/2026

Sekreti i lumturisë: Mos e humb paqen duke u përpjekur të bindësh të tjerët

Nga Mimoza Rexhvelaj

E pyetën një plak: “Cili është sekreti i lumturisë?”

Ai buzëqeshi dhe u përgjigj: “Mos debato kurrë me budallenjtë!”

E panë të habitur: “Vetëm kaq?”

“Po”, u përgjigj ai me qetësi dhe shtoi se, kur njeriu hyn në debat me një budalla, ai të tërheq në terrenin e vet dhe ka më shumë përvojë se ti.

Ndoshta lumturia nuk ka të bëjë me atë që fitojmë, por me atë që zgjedhim të mos humbasim.

Mos e humb qetësinë për t’i provuar dikujt se ke të drejtë.

Mos i harxho fjalët e tua aty ku mungon dëshira për të kuptuar.

Mos u përpiq t’i japësh dritë dikujt që e ka bërë errësirën mënyrën e vet të të parit.

Ka njerëz me të cilët mund të diskutosh edhe kur nuk bien dakord me ty. Ata kërkojnë të kuptojnë dhe të jenë të kuptuar.

Ka edhe të tjerë që nuk kërkojnë të vërtetën. Kërkojnë vetëm të fitojnë një debat që nuk ekziston dhe t’u dalë e tyrja me çdo kusht.

Është inteligjencë të dish se jo çdo betejë meriton të luftohet dhe jo çdo njeri meriton përgjigjen tënde.

Në fund të fundit, çfarë rëndësie ka të fitosh një debat, nëse çmimi është të humbasësh paqen?!

Plaku ndoshta e dinte shumë mirë se:

“Lumturia fillon aty ku pushon nevoja për t’u shpjeguar njerëzve që kanë vendosur të mos të kuptojnë.”

14/08/2026

Mimoza Rexhvelaj: Po më thotë ajo shoqja ime: “Nuk je t’u ba politikë kohët e fundit”

I thashë me qetësi se ne të vjetrit duhet t’u hapim krahun të rinjve. Duhet t’u japim hapësirë, besim dhe mundësi për me u dukët dhe që të rinjt të tregojnë potencialin…

Por problemi është se, sa më shumë i shoh, aq më shumë bindem se disa prej këtyre ‘të rinjve’ janë zgjuar vetëm për postet dhe aty mbaron angazhimi.

Pyetja është:”Të flas tani, apo të pres edhe pak, mos ndoshta një ditë zgjohen edhe këta ‘të rinjtë’?!”

Unë e di se politika nuk është të jesh i ri në moshë, por të jesh i ri në mendje, në guxim dhe në përgjegjësi.

Iku vapa me gushtin edhe këtë vit…
Asgjë e re nga kjo “rini” 🙋🏻‍♀️

13/08/2026

Mimoza Rexhvelaj: Jeta të bën të mençur kur mëson të dallosh këmbënguljen nga kokëfortësia.

Kur një shteg nuk të çon askund, të ecësh më gjatë nuk e ndryshon destinacionin, por vetëm të largon më shumë nga vetja.

Ka rrugë që duhen përshkuar deri në fund dhe ka të tjera që duhen braktisur me dinjitet.

Nuk është mençuria të dish sa gjatë mund të ecësh, por të kuptosh kur nuk ia vlen më të vazhdosh…

09/08/2026

08/08/2026

Mimoza Rexhvelaj: Njerëzit kanë një talent të çuditshëm, e adhurojnë dritën, por nuk duan të paguajnë as çmimin e një shkrepëseje.

Të kërkojnë kohën, durimin, këshillën, përkushtimin, praninë. E marrin gjithçka me natyrshmërinë e dikujt,që mbush gotën me ujë në një çezmë publike, ku askush nuk paguan. Pasi shuajnë etjen, largohen me bindjen se u detyrohesh edhe për gotën.

Kështu lind paradoksi njerëzor.

Mirësia nuk shpërblehet gjithmonë me mirënjohje. Përkundrazi, shumë herë shpërblehet me kërkesa të reja. Njeriu mësohet aq shpejt me atë që merr falas, sa nis ta konsiderojë të drejtë.

Atëherë durimi yt nuk është më virtyt, por shërbim. Heshtja jote nuk është më fisnikëri, por leje. Sakrifica jote nuk është më dashuri, por detyrim.

Nuk janë të gjithë keqdashës. Disa janë thjesht konsumatorë shpirtrash. Hyjnë në jetën tënde me duar bosh dhe dalin me çantat plot, pa e pyetur kurrë nëse të ka mbetur ende diçka për veten.

Ironia është se, kur një ditë ti vendos kufij, pikërisht ata që jetuan nga mirësia jote të quajnë egoistë. Si çdo njeri që humbet një privilegj edhe ata e quajnë padrejtësi.

Filozofia e jetës është më e thjeshtë se filozofia e njerëzve.

Dielli ndriçon për të gjithë, por edhe ai perëndon.Nuk perëndon se lodhet, por sepse edhe drita njeh kufirin e saj…

06/08/2026

Mimoza Rexhvelaj: Shumë njerëz e justifikojnë budallikun e tyre me thënien:“Kështu jam unë!”

Është një nga fjalitë më të cekëta, më arrogante dhe më patetike,që mund të thotë një njeri.

Ne nuk jemi pemë, as beton dhe nuk jemi të dënuara të mbetemi “pjeshkë apo mollë”.

Jemi qenie të pajisura me vetëdije, arsye dhe vullnet. Pikërisht këto na japin aftësinë të ndryshojmë, të përmirësohemi dhe të kapërcejmë kufijtë e vetvetes.

Aristoteli shkruante se virtyti nuk është dhuratë e natyrës, por zakon që fitohet me ushtrim. Askush nuk lind i drejtë, i matur apo i urtë. Bëhemi të tillë përmes zgjedhjeve që përsërisim çdo ditë.

Sokrati besonte se njohja e vetes është hapi i parë drejt ndryshimit. Kush e njeh veten nuk fshihet pas dobësive të veta, por përpiqet t’i kapërcejë ato.

Prandaj, “unë kështu jam apo kështu jam unë” nuk është argument. Është dorëheqje nga përgjegjësia për t’u bërë një njeri më i mirë.

Zoti nuk na krijoi për të mbetur peng i instinkteve, krenarisë apo zakoneve tona. Na dha lirinë e zgjedhjes dhe fuqinë për të sunduar së pari vetveten. Në këtë jetë fitorja më e madhe nuk është mbi botën, por mbi karakterin tonë.

Karakteri është vepra më e rëndësishme,që ndërtojmë gjatë gjithë jetës. 🤍

08/05/2026

Burrnia,
nuk ka qenë kurrë
çështje gjinie, por peshë karakteri...

Mimoza Rexhvelaj

Ka gra që mbajnë fjalën si betim të shenjtë dhe përballojnë stuhitë dhe qëndrojnë më drejt se shumë burra, që e quajnë veten të fortë vetëm nga zëri.

Ka burra që mbajnë vetëm emrin, por harrojnë se burrnia nuk matet me trup apo muskuj, por me dinjitet, përgjegjësi dhe mënyrën si njeriu qëndron kur i leverdis më pak e kushton më shumë.

Kush mendon se burrnia shkruhet nga gjinia, e ka keqkuptuar vetë nderin.

Disa lindin burra e nuk bëhen kurrë të tillë.

Disa lindin gra dhe bëhen burrnesha, duke i dhënë kuptim fjalëve nder, besë dhe qëndresë.

Kaq! Të tjerat janë veç përralla me mret!