Ansambli TROJET

02/06/2026

Ansambli nga Winterthuri do të marrë pjesë në Detroit në aktivitetin kushtuar Vitit të Lahutës, duke promovuar kulturën, traditat dhe identitetin shqiptar para diasporës në Amerikë.

01/06/2026

Një tjetër sukses i rëndësishëm për kulturën shqiptare në diasporë po vjen nga Zvicra. Ansambli shqiptar “TROJET” nga Winterthuri është përzgjedhur të përfaqësojë shqiptarët e Evropës në Festivalin Shqiptar kushtuar Vitit të Lahutës, që do të mbahet në Detroit, Michigan t...

01/06/2026

-Fans ̈sia

Të dashur bashkëkombas kudo që ndodheni në Evropë, Amerikë dhe në çdo cep të botës, Sot ndajmë me ju një lajm që për ne ka peshën e krenarisë, të

31/05/2026

NGA ZVICRA DREJT AMERIKËS – ANSAMBLI “TROJET” DO TË ÇOJË ZËRIN E KULTURËS SHQIPTARE NË DETROIT 🇦🇱🇺🇸🇦🇱

Të dashur bashkëkombas kudo që ndodheni në Evropë, Amerikë dhe në çdo cep të botës,

Sot ndajmë me ju një lajm që për ne ka peshën e krenarisë, të sakrificës dhe të dashurisë së madhe për kombin tonë. Pas shumë vitesh pune të palodhshme, përkushtimi, disipline dhe ruajtjeje me fanatizëm të kulturës sonë kombëtare, Ansambli “TROJET” nga Winterthuri i Zvicrës ka fituar besimin dhe nderin që të përfaqësojë shqiptarët e Evropës në Festivalin Shqiptar kushtuar Vitit të Lahutës, i cili do të mbahet në Detroit, Michigan – SHBA.

Ky është një moment historik dhe shumë emocionues për të gjithë ne.

Për herën e dytë, Ansambli “TROJET” do të ngjitet në skenat e Amerikës për të sjellë para mijëra bashkatdhetarëve tanë aromën e trojeve shqiptare, tingujt e lahutës, fuqinë e këngës kreshnike dhe hijeshinë e valleve tona tradicionale. Ky udhëtim nuk është thjesht një paraqitje artistike. Ky është një mision kombëtar. Është një rrugëtim që bart me vete historinë, shpirtin dhe identitetin e popullit shqiptar. Është dëshmia më e fortë se edhe pse shumë prej nesh jetojnë larg atdheut, zemra shqiptare vazhdon të rrahë fuqishëm për gjuhën, kulturën dhe traditat tona. Ansambli “TROJET” është bërë zëri i të rinjve dhe të rejave shqiptare që janë rritur në Zvicër, por që nuk e kanë harruar asnjëherë origjinën e tyre. Janë breza që flasin shqip me krenari, që vallëzojnë vallet tona me dashuri dhe që mbajnë gjallë trashëgiminë shqiptare në diasporë. Në skenën e Detroitit, ansambli ynë do të prezantohet me një program të pasur artistik e kulturor, i ndërtuar mbi themelet e traditës sonë shekullore.

Publiku shqiptar në Amerikë do të ketë mundësinë të përjetojë:

– këngë kreshnike dhe epike të interpretuara nga lahutari i ansamblit, Baca Shaq,
– interpretime artistike plot emocion nga Marisa Murtezi,
– valle tradicionale dhe artistike të përgatitura me profesionalizëm nga koreografja Suzana Drenica,
– si dhe një mozaik të jashtëzakonshëm të kostumografisë shqiptare nga të gjitha trojet etnike. Çdo kostum që do të vishet në atë skenë bart historinë e një treve shqiptare. Çdo tingull lahute bart kujtesën e të parëve tanë. Çdo hap vallëzimi tregon forcën dhe bukurinë e identitetit shqiptar. Delegacioni i Ansamblit “TROJET” përbëhet nga 18 anëtarë artistikë dhe organizativë, të cilët me përkushtim dhe dinjitet do ta përfaqësojnë kulturën shqiptare në një ndër festivalet më të rëndësishme të diasporës shqiptare në Amerikë. Për ne është një krenari e jashtëzakonshme që nga atdheu dhe Evropa, Ansambli “TROJET” është i vetmi ansambël pjesëmarrës në këtë festival të madh kulturor. Ky besim na jep edhe më shumë përgjegjësi që flamurin kuqezi ta prezantojmë me nder, profesionalizëm dhe nivel të lartë artistik. Ne nuk po shkojmë në Amerikë për lavdi personale. Nuk po shkojmë për interesa materiale. Po shkojmë për kulturën shqiptare. Po shkojmë për ta ngritur lart emrin shqiptar. Po shkojmë për t’u treguar brezave të rinj se rrënjët nuk harrohen kurrë. Po shkojmë për t’i frymëzuar fëmijët shqiptarë që po rriten larg trojeve tona, që ta duan gjuhën shqipe, ta ruajnë traditën dhe të krenohen me identitetin e tyre.

Ky është udhëtimi i lahutës shqiptare që kalon oqeanin. Është kënga e kullave shqiptare që do të jehojë në Detroit. Është vallja shqiptare që do të bashkojë zemrat e diasporës. Është historia jonë që vazhdon të jetojë përmes artit. Në çdo provë që po zhvillohet këto ditë, në çdo këngë, në çdo hap dhe në çdo detaj të përgatitjeve tona, ndihet pesha e përgjegjësisë dhe krenaria për këtë mision të madh kulturor.

Muaji korrik po afrohet dhe ne tashmë ndodhemi në fazën finale të përgatitjeve. Emocionet janë të mëdha, por edhe dëshira për ta përfaqësuar denjësisht kombin tonë është edhe më e madhe. Kërkojmë mbështetjen, lutjet dhe përkrahjen morale të çdo shqiptari kudo që ndodhet. Sepse kur ngrihet kultura shqiptare, ngrihemi të gjithë bashkë. Kur jehojnë këngët shqiptare në botë, dëgjohet zëri i kombit tonë. Na priftë e mbara në këtë rrugëtim të shenjtë artistik dhe kombëtar.

Me zemër shqiptare, krenari kuqezi dhe shpirt të trojeve tona — drejt Detroitit!

Ansamblit „TROJET“

# ̈sia -Fans

30/05/2026

Nga Sherife Ejupi – Zeqiri, Winterthur Në një kohë kur ruajtja e identitetit kombëtar në diasporë paraqet sfidë të vazhdueshme, Ansambli “Trojet” në

27/05/2026

̈sia

Të dashur anëtarë, Të nderuar prindër, Të nderuar miqë të ansamblit , Me rastin e festës së shenjtë të Kurban Bajramit, ne k ansamblit “TROJET”, ju urojmë

27/05/2026

Të dashur anëtarë,
Të nderuar prindër,
Të nderuar miqë të ansamblit ,

Me rastin e festës së shenjtë të Kurban Bajramit, ne k ansamblit “TROJET”, ju urojmë nga zemra paqe, gëzim, shëndet, harmoni dhe begati në familjet tuaja.

Kjo festë e madhe na kujton vlerat më të bukura njerëzore, respektin, solidaritetin, dashurinë për njëri tjetrin dhe forcën e familjes.
Janë pikërisht këto vlera që na mbajnë të bashkuar edhe në rrugëtimin tonë kulturor e kombëtar.

Le të vazhdojmë së bashku të kontribuojmë për fëmijët tanë, për edukimin e tyre me dashuri ndaj gjuhës shqipe, këngës, valleve dhe traditave tona kombëtare.
Me krenari për rrënjët tona dhe me dashuri për atdheun, të ecim gjithmonë të bashkuar, ashtu siç na ka hije.

Në këtë ditë feste, urojmë që në çdo familje të ketë mirësi, buzëqeshje dhe zemra të mbushura me shpresë e dashuri.

Gëzuar Kurban Bajramin!

Me respekt dhe mirënjohje,
Kryesia e ansamblit “TROJET”

-Fans ̈sia

19/05/2026

Urime ditëlindjen Baci Shaq🥂🥂

Sot feston lahutari ynë, zëri i këngëve kreshnike dhe krenaria e Ansamblit “TROJET”.

Në çdo skenë ku del me lahutën në dorë, na rikthen historinë, burrninë dhe shpirtin e traditës shqiptare. Me vargjet e Fishtës, me rrëfimet e moçme dhe me fjalën tënde të urtë, ti e pasuron çdo festival dhe çdo paraqitje tonën me një madhështi që vetëm ti di ta sjellësh.

Mes 112 anëtarëve të ansamblit, ti je seniori ynë, njeriu që na bashkon me rrënjët, me kulturën dhe me dashurinë për folklorin shqiptar.

Faleminderit për çdo kontribut, për çdo emocion që na ke dhuruar në skenë, për çdo këngë e për çdo këshillë që mbetet pasuri për të gjithë ne.

Gëzuar Baca Shaqë, të dëshirojmë shëndet, jetë të gjatë, lumturi në familje dhe edhe shumë vite të tjera me lahutën tënde që gjithmonë na mbush zemrat me krenari.

Edhe 💯të tjera Bacë Shaqë! 🤍

Me respekt e dashuri,
Ansambli “TROJET” 🇦🇱

-Fans

12/05/2026

https://www.helveticalforum.ch/ansambli-trojet-shkelqeu-ne-winterthur-nje-dite-e-vecante-krenarie-arti-kulture-dhe-bashkimi-shqiptar/

-Fans

Përgatiti Zeqë Gashi, President i Ansamblit "Trojet" në Winterthur të Zvicrës Të shtunën, më 9 Maj 2026, në zemër të qytetit të Winterthurit, komuniteti

12/05/2026

Të dashur valltarë, prindër, anëtarë dhe miq të Ansamblit “TROJET”

Të shtunën, më 9 Maj 2026, në zemër të Winterthurit, përjetuam një pasdite të mbushur me emocion, art dhe krenari kombëtare. Në mesin e shumë kulturave dhe komuniteteve, ansambli “TROJET” solli para publikut bukurinë e valleve tona shqiptare, traditën, elegancën dhe shpirtin artistik që na përfaqëson me dinjitet.

Në sheshin e qytetit të Winterthurit, valltarët tanë shkëlqyen në çdo paraqitje me sharmin, buzëqeshjen dhe energjinë që përcollën gjatë gjithë performancës.
Çdo hap vallëzimi, çdo lëvizje artistike dhe çdo paraqitje në skenë foli për përkushtimin, edukatën dhe dashurinë ndaj kulturës sonë. Secili prej jush ishte ambasador i denjë i traditës shqiptare dhe i vlerave që i bart Ansambli “TROJET”.

Një emocion i veçantë për publikun ishte edhe interpretimi i këngës shkodrane “Pranvera filloi me ardhë” nga Marisa Murtezi, e cila me zërin e saj të ëmbël dhe magjepsës i dha atmosferës shpirt, ndjenjë dhe hijeshi artistike. Interpretimi i saj u prit me duartrokitje dhe krijoi një moment të paharruar krenarie për të gjithë ne.

Falënderim nga zemra për secilin valltar që prezantoi kulturën tonë me dinjitet, finesë dhe elegancë artistike.
Ju i dhatë skenës jetë, emocion dhe fytyrën më të bukur të rinisë sonë shqiptare.
Me paraqitjen tuaj artistike dëshmuat se kultura jonë vazhdon të jetojë fuqishëm edhe larg atdheut, duke ruajtur identitetin, traditën dhe dashurinë për kombin.

Një mirënjohje shumë e veçantë shkon për grupin organizativ dhe gjithë vullnetarët e ansamblit, të cilët gjatë gjithë pasdites ishin pranë aktivitetit me energji pozitive, buzëqeshje dhe përkushtim të jashtëzakonshëm.
Me kulturën, mikpritjen dhe frymën bashkëpunuese që treguat, dëshmuat edhe një herë se Ansambli “TROJET” është një familje e madhe që punon me zemër për ruajtjen dhe promovimin e vlerave tona kombëtare.

Në veçanti, falënderim i sinqertë për zonjat tona të mrekullueshme që nga fillimi i këtij organizimi ishin shtyllë e fuqishme e aktivitetit: Shqipe Salihi, Behie Krasniqi, Emrie Iljazi, Raza Salihu, Albulena Gjota, Lule Morina, Teuta Gashi dhe shumë zonja të tjera të nderuara që kontribuan me përkushtim e zemërgjerësi. Gjatë gjithë pasdites ato përfaqësuan Ansamblin “TROJET” me hijeshi, respekt, kulturë qytetare dhe shpirt fisnik. Prania, buzëqeshja dhe përkushtimi i tyre i dhanë ngrohtësi dhe shpirt kësaj dite të bukur artistike.

Po ashtu, mirënjohje të veçantë për anëtarët e kryesisë Taip Zeqiri, Albulena Gjota dhe Bubekir Morina, si dhe për anëtarët e grupit organizativ Mimi Xh. , Nasuf Salihi, Imer Iljazi, Bedri Krasniqi dhe Hasan Salihi, të cilët së bashku me familjet e tyre dhanë një kontribut të çmuar dhe shembullor për realizimin e këtij aktiviteti. Përkushtimi, korrektësia dhe dashuria e tyre për ansamblin meritojnë respekt të veçantë.

Falënderim i përzemërt edhe për udhëheqësit artistikë Donjeta, Ensari dhe Leotrimi, të cilët me seriozitet, profesionalizëm dhe përkushtim mbajtën barrën artistike të programit dhe udhëhoqën valltarët tanë me shumë kujdes e përgjegjësi.

Mirënjohje të veçantë për mikun tonë të çmuar PhD. Dashnim Hebibi, i cili së bashku me familjen e tij ishte pranë nesh për të na përkrahur.
Me syrin artistik të aparatit të tij, ai vazhdimisht promovon punën, vlerat dhe shpirtin e Ansamblit “TROJET”. Përmes fotografive dhe videove që realizon, ai sjell në pah çdo emocion artistik, çdo buzëqeshje në skenë, çdo veshje kombëtare dhe çdo përkushtim të prindërve e valltarëve tanë.

Kontributi i tij ka vlerë të veçantë sepse dokumenton dhe promovon punën tonë vullnetare, dashurinë për kulturën shqiptare dhe përpjekjen tonë që këto vlera t’i bartim me krenari te brezat e rinj.
Me përkushtimin dhe mbështetjen e tij, shumë bashkatdhetarë afrohen më shumë me kulturën, gjuhën dhe aktivitetet tona kombëtare.

Falënderim i sinqertë edhe për të gjitha nënat tona që me gatimet tradicionale dhe përkushtimin e tyre sollën ngrohtësi familjare dhe aromë shqiptare në këtë aktivitet.
Puna dhe zemra juaj dëshmojnë se Ansambli “TROJET” nuk është vetëm një grup artistik, por një familje e madhe që jeton me kulturën, unitetin dhe dashurinë për traditën.

Mirënjohje për çdo prind, anëtar dhe përkrahës që ishte pranë nesh.
Mbështetja juaj është forca që na bashkon dhe motivimi ynë për të vazhduar rrugëtimin me krenari e dinjitet.

Të shtunën, Winterthuri pa më shumë se valle dhe muzikë shqiptare.
Pa kulturë, respekt, organizim, art, dashuri për traditën dhe shpirtin e bukur të komunitetit tonë shqiptar.

Me respekt dhe mirënjohje,
Ansambli “TROJET”

9 Maj 2026
Winterthur

-Fans