Fröhliche Aussicht

05/10/2026

Warten aufs Essen. Miez hockt sich einfach direkt ans Buffet. De Biergarten Wochenenden san scho gezählt. Boid is wieder Fröhliche Stubn Zeit, daher net vergessen zum reservieren, a gern kurzfristig. Erst ham Gäst verzählt, sie ham ghört ohne Reservierung braucht ma gar net kemma. Des stimmt net, bei uns is bis jetzt koaner verhungert, aber es kommt hoit manchmoi sei, das nimmer ois gibt.

21/09/2026

Servus miteinand, des Wochend habts gar net so vui von mia ghert. Des liegt do dro, dass ihr so fleißig zu uns kemts. Machts weida so! Am Freitag ham ma a no a scheene Hochzeit mit Rinderfilet, selbstgemachten Cappelletti und lauter guade Sacha ghabt. Auf unserm Nochspeisbrettl warn dann o no Rohrnudeln. San beim ersten moi nach Rezept nix woarn, beim zweiten moi ohne Rezept scho. Was hoast des für uns? De beste Rezept für fast ois, is des Bauchgfui. Scheene Woch für eich!

07/09/2026

Herrschaftszeiten! Boid is so weit! Am 10.10 spuin alle Altusrieder Kapellen auf! Musikkapelle Kimratshofen Musikkapelle Krugzell eV .frauenzell alle sans dabei & kümmern sich um a gscheite Unterhaltung! A guads Essn, gscheite Getränke & a sauberen Gaudi! Einlass beginnt ab 15:00 Uhr, oa Ticket kost 9 €, Vorverkaufsstellen in jedem Dorf: Dorfladen Krugzell, Dorfladen Frauenzell, Autohaus Rotter Kimratshofen & Wirtshaus Fröhliche Aussicht in Altusried.

29/08/2026

Do schauts her, bei uns kennts a frühstücken. Auf Bestellung mach ma fast ois was eich eifoit. Kemmts gern mit eire Ideen auf uns zua und dann machma was scheens miteinand.

15/08/2026

14/08/2026

Sowas! San mia de Woch doch in der Allgäuer Zeitung gstandn. Sauba gfreit ham ma uns über den liaben Bericht. Morgen gibts wieder a After Festwochen Party, schau ma moi wer do so vorbei kimmt. Foodtruck steht direkt vorm Partyeingang für alle mit am Hunga bereit. Mia gfrein uns auf eich!

12/08/2026

Heit ham ma zua! Heit is bei uns Mitarbeiterfestl. Mia lass mas uns guad geh und schaun uns no o wia de Sonnenfinsternis daher kimmt. Mi schaungwia langs geht, a Gaudi ham ma auf jeden Foi!

18/07/2026

Do schauts her! Für alle de nach da Festwoch no net gnua ham und mit am leichten Rausch dann dahoam sitzen, weil nix los is. Kemmts zu uns! Do kennts heier weiterfeiern! Sau praktisch is, der Nachtbus von da Festwoch hoit genau bei uns (Haltestelle Fröhliche Aussicht) brauchts bloß aussteing! Wennts dann no bissl Hunger habts oder an Mitternachtssnack brauchts, den gibts bei der Party a!

27/06/2026

Wenn de Chefin moi net do is, dann kemma solche Sacha raus. Des Essn heit schmeckt a mit Schreibfehler, kimmts gern vorbei, vielleicht noch dem Freibadbesuch oder Oms auf a koits Bier unter der Linde. Scheems Wocheend an alle!

08/06/2026

Servus und Ciao miteinannt! Mia ham da was ausm Urlaub mitbrocht - a paar kulinarische Mitbringsel für eich. Vom 11.-12. Juli bring ma a bissl "Dolce vita" ins Allgäu. Guade Weine, scheens mediterranes Essn & a bissl a Musik, Kerzenschein usw. Gern kennts im Biergarten reservieren oder a spontan vorbeikemma! Mia gfrein uns!