02/08/2022
بما أننا في دروة موسم الإصطياف كاين أمور لازمني نحكو عليها ونوصلوها لزوار المنطقة وحفاظا على حرمتها وحرمة سكانها ✌️
1 _ موسيقى صاخبة ..تنتهي حريتك عند بداية حرية🤗 الأخرين(ديها من نفسك وأنت برفقة العائلة الكريمة تاعك )
2_ شكون لميحبش يقعد في بلاصة نقية وطاهرة .إذن ياأخي سلوك إيجابي أنك ترفد زبلك حشاك 🤗
3_الكلام الفاحش ليس من شيم الرجولة والتربية
4_ إشعال النار وخاصة وسط الغابة قد تؤدي إلى مايحمد عقباه من حرائق وتكون أنت المتسبب
5_لباس غير محتشم والناس المحترمة تفهم معناه ..ممنوع التجول بلباس السباحة داخل المناطق العمرانية ..يعني تعوم بالشورط ربي يسهل عليك ولاكن متروحش بيه للأماكن أين يتواجدو السكان والعائلات تاعهم ودور بيه ولا منحي تريكو وتحوس من باب الإحترام أنك تستر روحك في منطقة محافظة
6_الدربوكة ..تنتهي حريتك عند بداية حريت الأخرين ..يعني ناس وعائلات جاية تتمتع وتعوم وتبدل الجو تاعها ..متجيش أنت وتفسدلهم نهارهم ..روح بعيد ودير عرس كان حبيت ولاكن بطريقة محترمة
7_ قطع الأشجار نأكد ونعاود عليها خاوتي وخاصة واد الساحل ..حبيت تشعل نار 🔥 كاين حطب يابس معمرة بيه الغابة تلقاه مرمي
وأخيرا نقول مرحبا بالناس والعائلات المحترمة بني بلعيد للجميع ونأكدلكم بلي تجيو وتتمناو ترجعو كل موسم إصطياف وهو مايأكده الكثير فالتعليقات
