HDAHD World

HDAHD World Contact information, map and directions, contact form, opening hours, services, ratings, photos, videos and announcements from HDAHD World, Service Apartments, طريق 6 أكتوبر, السادس من اكتوبر, الجيزة, مصر, 6 October City, 6 October City.

24/08/2022

قريبا قناة علي اليوتيوب
❤️❤️❤️
لعالم الهداهد اللي انا عايشه فيه حقيقي 😂😂😂


لنا الله 😂😂😂😂

الهداهد متعبيين ؟الهداهد يهدوا جبااااال لامؤاخذة 😂 مش بس متعبيين موهبتهم في طاقتهم في مخهم طاقه لا تنتهي كائن لا ينام ا...
26/07/2022

الهداهد متعبيين ؟
الهداهد يهدوا جبااااال لامؤاخذة 😂
مش بس متعبيين
موهبتهم في طاقتهم
في مخهم
طاقه لا تنتهي
كائن لا ينام الا لو هروب
….
الطاقه دي لازم تخرج ف الاتجاه الصح
لازززززم الطاقه دي تتوجه صح
والا هتتحول لطاقه غضب وعنف رهيب 💔
…

تخيلوا كده ان في جهاز شغال ٢٤ ساعه بدووووون توقف نهائيا !
مين هيتعب اكتب ويستهلك اسرع ؟
الجهاز ولا اللي حوليه ؟
اكيد الجهاز
فمهما كنت انت مستهلك لانك محيط بيهم
انا انهم يصعبوا عليك ف الاخر 😞

ازاي طفل متحمل كم الدوشه دي في دماغه ؟
ازاي طفل هيقدر يترجم ده ؟
اذا كان احنا الهداهد الكبار بقه
بنتعب
بنقع
بنموت احيانا كتير 😞
…
الهداهد متعبيين
اه
الهداهد بيهدوا الصحه
اه
بسسسسسس امان ووفاء واخلاص وحنان لا ينتهي ❤️
معندهمش وسط
حتي ف المشاعر ❤️
…
رفقا بالهداهد



الانتكاسه 😞 وما اقساها من شعور وما اقساها من فتره 😞 محدش يقدر يحس بام حاولت كتييييييرتمالكت كتير وتماسكت كتير علشان بسسس...
14/07/2022

الانتكاسه 😞
وما اقساها من شعور
وما اقساها من فتره
😞
محدش يقدر يحس بام حاولت كتيييييير
تمالكت كتير
وتماسكت كتير
علشان بسسسسس تعمل استقرار نفسي لطفل مدمن تفاصيل
مدمن ملامحها وهي بتتغير
بيلمس عينيها علشان يتأكد انها مش بتعيط !!! وانها قوية ومتماسكة زي ما وعدته 😞
اللحظه اللي الطفل ده بيشوف فيها امه بتنهار
بسبب اي مؤثر خارجي او هو نفسه يكون المؤثر
بيرجع لورا خطوات ضخمه
لو انت بتفقدي اعصابك
ادركتي حجم الخطر
اكيد هتتراجعي 😞
عارفه انه غصب عنك
عارفه انك شلتي كتير
عارفه انها بتبقي لحظه برا حساباتك 🥰
بس هقولك ازاي نتجنبها
…
ابعدي نفسك عن الناس الجلاده اللي دورها ف الحياة التعديل
عيشي وكان العالم فارغ الا منك وانت وابطالك
اعملي meditation
حتي لو ف البيت
ادخلي ع اليوتيوب واتعلمي تعمليها ازاي لوحدك ف البيت
يا ام الهداهد
انت بطله
اوعيييييي تنتكسي لا انت ولا ابطالك



اكتشفت ان انا كمان ADHD وان ولادي زيي …الجملتين دول ورا بعض كده ممكن تسمعهم في عيادات الطب النفسي للاطفال كتير جدا 🖤 اكت...
27/06/2022

اكتشفت ان انا كمان ADHD
وان ولادي زيي …
الجملتين دول ورا بعض كده ممكن تسمعهم في عيادات الطب النفسي للاطفال كتير جدا 🖤
اكتشافك ده ممكن يغير مسار حياتك وحياتهم
…
في مقولة دايما بتقولك
اعرفي نفسك
وحبيها
وقدريها
الناس هتحبك وهتقدرك🖤❤️
…
الهداهد مكتوب عليهم الدوشة
الدوشة ف التفكير مع العبقرية ف الاداء
العقل الجبار مع العاطفه القاتله
….
احنا غالبا مرايا
مرايا لكل حاجه وعكسها
ومبدعين في التمكن في كل جنب …
للاسف المرض ده لو ماتفاهمش بيروح لامراض نفسيه اكتر بكتير
بسبب الحساسية المفرطه تجاه الامور
مع كمان
التركيز ف التفاصيل لدرجه احيانا بتوصل لحفظ الارقام من اولً مره …
لو حبك اتلعن بيك للابد وليس له منك مخرجا ❤️❤️
قدروا الهداهد
دول احن قلوب
واطيب قلوب
…..
كونوا رحماء في مجتمع اتنزع منه الرحمه في اغلب المواقف ..
……
يا هداهد
انتم رومانه الميزان 🖤❤️


نصيحتي لاي ام مش ام الهداهد بس صدقي احساسك من ناحية ولادك …انت ادري بيهم اوعي تبقي سلبيه لو لاحظتي عليهم عرض لازم تتحركي...
19/06/2022

نصيحتي لاي ام
مش ام الهداهد بس
صدقي احساسك من ناحية ولادك
…
انت ادري بيهم
اوعي تبقي سلبيه لو لاحظتي عليهم عرض لازم تتحركي
مستقبلهم وصحتهم وجوده مستقبلهم امانه في ايديكي
….
ربنا اكرمك بانك حارس وفي ليهم
خدي بالك منهم ومن تفاصيلهم
واوعي تسيبي حاجه غيرهم تستنزفك او تلهيكي 🌺
….
خليهم رقم ١
دايما رقم ١
❤️🌺❤️

العنف >< الحنيةالطفل الموهوب بفرط الحركهمندفع ف كل حاجه حتي في مشاعره ….اغلب الشكاوي اللي بتيجي من ولادنا عندهم عنف مع ز...
17/06/2022

العنف >< الحنية
الطفل الموهوب بفرط الحركه
مندفع ف كل حاجه
حتي في مشاعره
….
اغلب الشكاوي اللي بتيجي من ولادنا عندهم عنف مع زمايلهم
او ممكن يكونوا متعلقيين بطفل لدرجه الملل منهم 😞
…..
بس ده كله مشاعر
نعم مشاعر ايه بس !!
اه والله العظيم مشاعر
ومشاعر فياضه كمان
العنف عند طفل فرط الحركة
في حضنه بيبقي عنيف
ف لمسته بيبقي عنيف
في زعله بيبقي عنيف
علشان معندوش وسط
دايما في حالة شغف باللي بيحبه
….
زي احساس اول يوم العيد كده واننا رايحين رحله او اول يوم مدرسه بكره 🙂
ده احساس طفل فرط الحركة دائما
دااااائما في حاله شغف وبيبحث عنها كمان
….
مش هيتأقلم ابداااا من غيرها
وده بسبب انه بيدور علي اللي يخلقله الهرمون اللي ناقص عنده
الهرمون ده بيجي بالفرحه الزايده❤️ والمخاطره الزايده 🙃
……
المخاطره الزايده برضو من ضمن الشكاوي
انه مش بيخاف بيجرب كل المرعب بالنسبه للاطفال
بينط من اماكن عاليه
بيقرب للنار
بيتحرك بسرعه رهيبة
مش بياخد باله ابداااااا من الخطوه الجايه ..
وبرضو المخاطره الزايده بتخلق عنده نفس الهرمون الناقص
وده بيخليه في حاله اتزان وسعاده ❤️
….
عارفه ان ده بيضغط عليكي 😊
عارفه ان ده بيتعبك وبيعرضك لضغوطات بعض الوقت بتبقي مش قادره عليها ☺️
…..
بس انت عارفه كوباية القهوة
او الشاي
او الشاي بلبن
النسكافيه
شوفتي احساسك في اول رشفة (( اللي هي الشفطه😂))
ده احساسه الدائم
اعذري رغبته في الرشفة الاولي دائما
….
هوني علي نفسك بان اللي بيحصل في ميزانك واللي في الميزان مش بيضيع ابدا❤️🌺
…
وماتنسيش نفسك برضو زي ما اتفقنا قبل كده
…
حاولي توجهي الشغف في رياضه بنتك او ابنك بيحبها ❤️
هتخلقي بطططططل بطل حقيقي ❤️🌺🖤
يا ام الهداهد
يا ام الابطال
انت عظيمة اوووووووي ❤️❤️❤️

علشان تبقي عارف بس مراتك ست بيت فاشلة وبيتها دايما مكركب …بص دولاب العيال مش مطبق ازاي .. اللي يشوفها وهي علي سنجه عشره...
15/06/2022

علشان تبقي عارف بس
مراتك ست بيت فاشلة وبيتها دايما مكركب …

بص دولاب العيال مش مطبق ازاي ..

اللي يشوفها وهي علي سنجه عشره ف الشارع
مايشوفش عيالها ف البيت ..

بدل ماتقفي قدام المراية ترتبي نفسك كده
رتبي دولاب عيالك

…………
طيب اولا بدوووون تخطي وفي قمة التمالك العصبي

حضرتك مالك ؟
ايوه ايه دخلك بحياتي او بدولاب ولادي ؟
عايزاني اموت نفسي لمجرد اني عندي طفل او طفليين دي ميزيتهم وهيفضلوا كده ف لما اتأقلم واتعايش
ده يضايق معالي جناب والد سيادتك ف ايه ؟؟

…
طبعا انا لو قعدت احلف لحضرتك اني برتب الدولاب يوميا وبيتبهدل في ثواني مش هتصدقي ؟!
ولا انا عايزاكي تصدقي الحقيقه
لان انا خلاص
حبيت حياتهم العشوائية
حبيت اللغبطة المنظمه بتاعتهم
حبيت استكشافهم لكل شئ
وحبيت حياتي معاهم❤️
….
وانت ك زوج
لو مواقفتش ف ظهر مراتك
ودعمتها في وش الكائنات الحية المتطفلة دي
يبقي ماتستحق يبقي عندك نعمه الهداهد 🌸🌸
….
البسي
وعيشي
واتبسطي يا حبيبتي
❤️❤️❤️❤️😊
اعملي كل اللي نفسك فيه
وخدي بالك من الهداهد الجميله اللي انت عايشه بجمالهم
….
يا ام الهداهد
انت اجمل وارق واحن انسانه ❤️🌺🌸 ..

انت منظمه مهما كنتي مكركبه
جميلة مهما كنتي عشوائية ❤️

يااااااا ابني حاسب🫣 يا بنتي كده غلط بتستفيدي ايييييه ؟؟!! اسمعي كلام مامي كده عيب 😡 انت بتفقدي الذاكرة انا لسه قيلالك م...
13/06/2022

يااااااا ابني حاسب🫣
يا بنتي كده غلط بتستفيدي ايييييه ؟؟!!
اسمعي كلام مامي كده عيب 😡
انت بتفقدي الذاكرة انا لسه قيلالك ماتعمليش كده !
نفسي يا ابني لعبه تكمل ف ايدك نص ساعة بعد ما اشتريها 😞
يا رب اقف جنبي انا تعبت !!

(((( انا قررت اخد مهدئات !)))))
باااااااااااااااس يا ست الكل يا ام الهداهد يا جميلة
لنا هنااااا وقفة

هتخدي مهدأ ليه ؟
١) انا بتعصب كتير اوي
٢) ودايما متوتره
٣) بصرخ وبقيت عصبيه
٤) بيتي بينهار
٥) انا وباباهم خلاص هننفصل بسببهم
واسباب تانيه كتيررررررررررر

تعالي اقولك بس
انت محتاجه دلوقتي حالا حااااااااالا
تقومي تجيبي ورقه وقلم قبل بس خطوه المهدأ 🙂
اكتبي اسمك من فوق
واليمين اكتبي
فرحانه
والشمال
اكتبي عكس فرحانه ايوه اكتبي عكس فرحانه ماتكتبيش حزينه 🙂 مش عايزه الكلمة دي
١) وانا قاعده لوحدي بشرب كوباية قهوه بهدوء ببقي فرحانه ❤️
٢) وانا بتفرج علي مسلسل تركي عشروميت حلقه ببقي فرحانه ❤️
٣) وانا برقص ببقي فرحانه ❤️
٤) وانا بلعب رياضه ببقي فرحانه❤️
٥) وانا نايمه بدون توتر ببقي فرحانه ❤️
٦) وانا خارجه مع البيست فريند حتي لو السوبر ماركت ببقي فرحانه ❤️
٧) وانا بقرأ كُتب ببقي فرحانه
وهكذاااااااااا
ومطلوب من حضرتك كل يوم لاااااازم تفتكريكي
او تفتكري نفسك باي فرحه
لازم يا مصدر الطاقه تتشحن
اوعي تستهلكي نفسك بدون شحن طاقة ايجابيه كل يوم
حتي لو ١٠ دقايق

يا ام الهداهد انت بتعملي مجهود ١٠ امهات
افتكري نفسك يا حبيبتي ❤️❤️
حبي نفسك علشان تحبيهم ❤️❤️❤️❤️❤️

انت عظيمة اوي
وربنا مديكي الحمل ده علشان انت اده ❤️🌺🌸❤️

12/06/2022


او عالم اطفال فرط الحركة المبدعين جدا 🌸🌸
الحقيقة انا ام لطفلين عندهم فرط حركة وتشتت انتباه
ADHD
ولما قررت اعمل البراند ده او افكر فيه
كان كل همي الامهات ترتاح ازاي
انا عانيت كتيررررر جدا علشان اقنع اللي حوليا
ان ابني وبنتي متربيين جدا والله☺️
وانهم مش بيعملوا كده بارادتهم🥊
واني ام مش مهمله ومكبره دماغها وعايشه حياتها واننا كامهات جيل فاسد مش متحمل مسئولية 😂
واني هتحاسب يوم القيامه علي الطفلين دول وقلة اهتمامي بيهم ☺️
اتعرضت لضغوطات عصبية وصلتني لمراحل وحشه جدا
اسوء حاجه ف الدنيا انك تواجه عالم كامل بمشكله انت معملتهاش والاسوء منها لما تبقي تخص ابنك او بنتك
انا الام اللي اتعودت ماتنامش
انا الام اللي بتصرخ وتخاف طول الوقت ان حاجه تقع او تتكسر 🙃
انا الام اللي طول الوقت مُلامه ومقصرة
انا الام اللي دايما بتحس بالاحراج وهي خارجه مع ولادها ف اي مكان عام 🫣🤭
انا الام البارده جدااااا من وجهه نظر الناس وسايبه ابني وبنتي يرمحوا ف ارض الله الواسعه ويخربوا 😞
انا الام اللي مهما عملت فاشلة !
….
بس الحقيقه حياتي كلها اتغيرت
لما بدأت افهم طبيعتهم
وبدأت افهم نفسي معاهم
انا كمان ADHD
لما عرفت ارتحت اووووووي
لاني كنت بواجه انا نفسي مشكله عدم ادراك الناس لدماغي وابعادها
واني حساسه زياده عن اللزوم واوفر 😂
….
قربت من الواقع بتاعهم
لمست ابعاد دماغهم وتفكيرهم
اكتشفت انهم احن البشر
وحقيقه عاطفتهم طاغية جداااا
ويستاهلوا يتقدروا ويعيشوا مرتاحين
….
ومن هنا فكرت ف ان كل طفل فيهم في حاجه معينه بتسحبه وتخليه يركز فيها
وده طبعا بسبب اني قابلت عدد لا بئس به من الاطفال دي
هو طول الوقت بيتحرك بس في حاجه بتقعده او بتقعدها
لو مش بيقعدوا انت ك ام لسه موصلتيش للحاجه دي ولازم تدي اهتمام شويه تعرفي ايه هي ❤️❤️
…
الصفحه مش طبيه ولا ليها علاقه باي ادوية ولا مسموح فيها بان اي حد يوجه اي حد طبيا
😘❤️🌺 لامانه ولادنا بس لان مش كل الاطفال الاشقية adhd
——-
بيبو ❤️
هيحاول يوفر كل الالعاب اللي ممكن تساعد علي زياده تركيز الطفل
بس باسعار اقل من الارقام الخزعبلية اللي بنسمعها لما بنروح نسال علي اي لعبه من تنمية المهارات 😇
😊
…..
الصفحه دي مش الهدف منها البيع خالص
اد ما الهدف منها اني حاسه بكل ام مش عارفه تفهم اللي حوليها انها بتعاني من ولادها ومضغوطه جدا علشان امومتها ماتقلش في عين الناس ….
يا ام الهداهد ❤️❤️❤️❤️
انت اعظم ام ف الدنيا 🌸🌺🌸

Address

طريق 6 أكتوبر, السادس من اكتوبر, الجيزة, مصر, 6 October City
6 October City

Telephone

+201116968801

Website

Alerts

Be the first to know and let us send you an email when HDAHD World posts news and promotions. Your email address will not be used for any other purpose, and you can unsubscribe at any time.

Shortcuts

Share

Category