Hostgram Hostel

15/10/2024

بعد ما لاحظت الست "قاسمة مسك" إن جوزها المصرفي الكبير سليم حبيب حالته بتتدهور اقتصاديا بسبب سهراته مع أصحابه.. الكل نصحها بإنها لازم تخلف له ولد.. لأن هو ده اللى هيخليه يقعد فى البيت ميخرجش..

وقتها الست قاسمة مبقتش فاهمة تعملها إزاى دى.. لكن فضلت تدعى ربنا إنها تجيب الولد علشان أحوال جوزها تتصلح.. وفى يوم الولادة وبينما البرق بيبرق والرعد بيرعد والست مش لاقية حد يروح يجيب الداية لأن جوزها سهران برة.. فجأة ظهر جوزها ملهوف فى انتظار الولد .. وطلع جري يجيب الداية.. وجات الداية وأنجزت مهمتها.. لكن اللى حصل إن اللي جه مكنش ولد كانت بنت انضمت لأختها "أليس" علشان سليم يبقى "أبو البنات"..

على غير المتوقع فرح سليم ببنته الجديدة اللى اختار لها اسم "ماري" وبقى يقعد فى البيت ميخرجش ولا يسهرش.. لحد ما الدنيا لفت بيه تانى واضطر إنه يرهن البيت اللى عايشين فيه..

هنا أصحابه نصحوه بإنه ينزل معاهم مصر يجرب حظه فى التجارة.. فساب مراته وبناته وقال لقاسمة "كلها أسبوعين وأرجع".. لكن الأسبوعين طالوا وبقوا شهر واتنين وتلاتة لحد ما ولاد الحلال نصحوا قاسمة أنها تنزل مصر تدور على جوزها..

اتشجعت قاسمة للقرار خصوصا وإنه كان لها خال فى مصر.. فنزلت من بيروت إلى القاهرة وبدأت رحلة البحث عن جوزها اللى كان ـ وكأنه فيلم سينما ـ رجع بيروت يجيب أسرته علشان يستقر فى مصر.. هو خرج من باب فى الميناء وقاسمة وبناتها دخلوا فى نفس اليوم من باب تاني .. لكن فى الطريق اتصاب سليم بالتهاب رئوي وتوفي فى بيروت.. بحسب مذكرات ماري..

وصل الخبر إلى القاهرة فالست قاسمة أغمى عليها.. وبدأت تفكر هتعمل إيه وتروح فين وتيجي منين ؟.. خصوصا وإن مرات خالها مكنتش طايقاها لا هى ولا بناتها ومستنية اليوم اللي يمشوا فيه..

فى الوقت ده كانت نصيحة الخال لها بإنها ترجع لبنان.. لكن قاسمة قالت "مش هقدر أعيش هناك من غير سليم.. هفضل هنا فى مصر".. وراحت أجرت شقة فى شبرا بخمسين قرش فى الشهر.. وبقت تعمل شغل إبرة وخياطة علشان تقدر تعيش من غير ما تمد إيديها لحد..

خلال أيام معدودة كانت ماري وأليس اندمجوا فى المجتمع الشبراوي بكل تفاصيله لدرجة أن ماري بتقول "بقيت شلاقية صغيرة" .. وبدأت الأم تدور لهم على مدرسة محترمة من غير مصاريف كتير.. وفى النهاية اختارت لهم مدرسة للراهبات..

فى المدرسة كانت أليس وماري من المتفوقات .. بس الفرق بينهم إن أليس كانت شقية وكانت دايما تتعاقب وكانت ماري تقف تستناها على باب المدرسة وتعيط.. لحد ما واحدة من الراهبات شافتها فى مرة وسألتها عن سبب بكاها فقالت لها "علشان بيعاقبوا أختي جوه وأنا مش هينفع أروح لوحدي من غيرها".. فى اليوم ده اتفقت الراهبات إنهم مش هيعاقبوا أليس تانى علشان خاطر ماري.. وإن البنوتة الرقيقة الوديعة اللي اسمها ماري دى لازم تبقى راهبة.. لكن اللى حصل إن ماري وأليس وبسبب الظروف المادية مقدروش يكملوا فى المدرسة..

وسط ما الظروف عمالة تعاكس فيهم.. جات زوجة صيدناوي لقاسمة علشان تفصل لها فستان وقالت لها "لو عملتيه كويس هجيب لك شغل كتير.. وكمان 3 أيام هبعت جبران أفندي جوز أختى يستلمه"..

عملت قاسمة الفستان وفى اليوم التالت وصل جبران أفندي.. ولاحظ شقاوة ماري وأليس وفضل يومها يتكلم معاهم على المسرح باعتباره واحد من جوق الريحاني.. ولما عرف إنهم مشافوش مسرح قبل كده خدهم يتفرجوا على عرض من عروض الفرقة.. وفى اليوم ده بدأت تتعلق ماري بأجواء المسرح.. واتمنت لو بقت واحدة من بطلاته..

مع ملاحظة جبران إن حالة قاسمة وبناتها لا تسر عدو ولا حبيب قرر إنه يساعدهم بصنعة لطافة.. فعرض على الريحانى إنه يضم أليس وماري للفرقة ورغم معارضة الأم الشديدة إلا إنها اضطرت تقبل بسبب الظروف..
ومع ذلك الريحانى رفض لأنهم صغيرين فى السن .. وهنا لجأ جبران أفندي إلى على الكسار اللي ضم أليس وماري للكورس .. واكتشف إن ماري فى أول يوم قادرة إنها تضحك الجمهور بعفويتها الشديدة.. فزود دورها وزود أجرها.. وفضلت تكبر واحدة ورا واحدة لحد ما الغيرة دبت فى نفس زكية إبراهيم اللي كانت بتموت فى الكسار.. وقالت له "يا أنا يا هي فى الفرقة".. فقالها "انتى"..

خرجت ماري من عند على الكسار على فرقة الجزايرلي وبسبب الغيرة برضه مشوها.. فراحت لماري منصور وبقى لها جمهور بيجي يهتف باسمها .. وهنا برضه الغيرة دبت فى نفس ماري منصور وطردت ماري سليم حبيب.. اللي فضلت تتنقل من فرقة لفرقة لحد ما بدأت تحط رجليها على أول طريق النجومية بعد ما عملت فرقة مع المونولجيست والممثل فوزي منيب اللى هتاخد اسمه بعد ما يتجوزوا ويبقى من هنا ورايح اسمها "ماري منيب"..

12/09/2024

✨️رأس السنة القبطية ...تاريخ وحضارة✨️
1 توت 1742 قبطي / 11 سبتمبر 2024 ميلادي
يحتفل المصريون في 11 سبتمبر من كل عام برأس السنة القبطية، وهو يوم يحمل في طياته دلالات تاريخية ودينية واجتماعية عميقة.
فيعتبر التقويم المصري من أوائل التقاويم التي عرفتها البشرية وينسب إلى تحوت رب الحكمة والمعرفة،كما اعتمد المزارعون المصريون عليه بشكل أساسي في مواسم الزراعة والحصاد منذ الأف ‏السنين وحتى وقتنا الحالي، على أساس أن السنة الشمسية الزراعية تضم 12 شهرًا عدد أيام كل منها 30 يومًا ‏ومجموع أيام السنة 360 يومًا، ثم أضافوا إليها الأيام الخمسة المنسية التي ولدت فيها المعبودات الخمسة ‏(أوزيريس-إيزيس-نفتيس-ست-حورس)،
ثم أضافوا إليها يومًا سادسًا كل أربع سنوات في السنة الكبيسة ‏قدموه هدية ‏للمعبود تحوت الذي علمهم التقويم.

التقويم القبطي هو امتداد للتقويم المصري القديم، حيث اعتبر تاريخ تقلد الإمبراطور الروماني دقلديانوس الحكم عام 284م ،هو بداية للتقويم القبطي تخليدًا للشهداء الأقباط الذين نكل بهم لتمسكهم بعقيدتهم المسيحية ورفضهم تأليهه وعبادته. في عهد محمد علي باشا أصدر أمرًا في سنة 1839م باتخاذ التقويم القبطي أساسًا لحسابات الحكومة، وكانت السنة تًسمى "السنة التوتية" نسبة إلى شهر توت أول شهور السنة القبطية.
استمر العمل بالتقويم القبطي حتى عهد الخديوي اسماعيل الذي أصدر أمرًا باستبدال التقويم القبطي بالتقويم الإفرنجي (الميلادي) بسبب ضغوط صندوق الدين.

يحتفل مسيحيون مصر برأس السنة القبطية بذكرى شهداءهم الأوائل ويتم ذلك
بطقوس خاصة تتضمن تناول بعض الفواكه مثل البلح الأحمر والجوافة، حيث يرمز البلح إلى دم الشهداء، بينما ترمز الجوافة إلى نقاء قلوبهم. هذا الاحتفال هو أكثر من مجرد يوم عطلة، فهو مناسبة للتذكير بالتاريخ العريق للشعب المصري والتعبير عن الهوية المسيحية.
🔖1 توت... بداية عام جديد مليء بالأمل والتفاؤل،لنحتفل معًا بتاريخنا العريق وتراثنا الغني

07/06/2024

05/06/2024

لما بحتار في الناس برمي الكورة في ملعبهم وأقف أتفرج على ردود أفعالهم من بعيد لبعيد.

مش عارف حقيقة مشاعر حد تجاهي؟ ببعد تمامًا .. لو عاوز حاجة هيقولها صريحة.

عاتبت حد كتير ومفيش حاجة بتتغير؟ بسكت تمامًا .. لو مهتم هيتغير، هيتناقش، أو هيعاتب هو.

حد غلط في حقي وقرر يعمل من بنها؟ بعمل من بنها أكتر منه .. لو فارقله هيعتذر -في ساعتها ونصفي الدنيا وكلة يرجع تمام.

اللي بيحبنا م بيصدق الكورة تيجي في ملعبه عشان يجري يجيبها هدف. أما اللي الكورة تيجي لحد عنده ويعمل مش شايفها ده بيبقى مكسل يبذل عشانا أقل مجهود ممكن، فمن رابع المستحيلات نكون فارقين معاه، ف بّـآلسلامة وفرصة سعيدة وحظ سعيدة ليك المرة القادمة بس مع غيرنا مش معانا.✋🏻

04/12/2023

30/11/2023

12/02/2023

أحلى صور في أحلى فندق

12/02/2023

فندق هوستجرام في أحلى حتة في وسط البلد في قلب القاهرة في شارع طلعت حرب قدام حلواني العبد مباشرة و جنب مول طلعت حرب