05/04/2023
جيرانى الأعزاء ⚘
نزل ريفيو عن مطعم فول و طعميه جديد إسمه الواحاتي شيراتون من ١٠ ايام و حبينا انا و ادمن حنان وكان معانا ٢ كمان اصحابنا انتا نجربه ف دى تجربه ٤ اشخاص، وهقولكوا حكمى على ال Quality فهنقلكوا التجربه كامله:
المكان عند شارع المعلومات فى مصر للتعمير وهتلاقوه اخر محل و ممكن تقعدوا هناك و ممكن تطلبوه ديليفرى.
- القعدات هاديه مفيش لا موسيقى ولا مشغلين حاجه والصوت هادى والمطعم نفسه مش دوشه والقعدات ورا العربيات ف هتحسوا انكوا على جنب كده مفيش دوشه ويكفى اعداد وعائلات جدا.
-ال staff هناك لذيذ و سريع اوى فى تنفيذ الطلبات وفى refill الحاجات وده كان طلبنا و منزله فيديو تفصيلى:
- جربنا فول محوج و فول إسكندرانى وعجبونا جدا و تدميسه الفول حلوه والتوابل مظبوطه اوى .
- جربنا الطعميه المحشيه شطه و الساده وده كان طلبى و عجبونى اوى وجربنا كمان الطعميه pops ودى بتبقى حجم صغير و الطبق بيبقى فى ٥ قطع و متبقاش منهم ولا واحده 🤣
- جربنا ٣ انواع للأومليت اللى بالبسطرمه و ده تحفه بجد اكتر واحد مميز واللى بالخضار واللى بالجبنه الرومى .
- جربنا الجبنه بالطماطم و كانت جميله اوى عجبتهم كلهم.
- جربنا الجبنه المقليه و كانت خفيفه و حلوه مش مقطعنها تخين فكانت حلوه كسندوتش او تاكلوها كده.
- جربنا البطاطس الشيبسى و دى عملنلها refill مرتين 🤣
- جربنا البطاطس المحمره بالجبنه السايحه و عجبتهم اوى و طلبوا واحده كمان بالكاتشب والمايونيز وملحقتش اصورها اتنسفت 😄
- جبنا سلطه بطاكس و مخلل وانا مدوقتش سلطه البطاطس بس عجبت صحابى والمخلل كان فريش جدا والسلطه الخضراء كانت مع الاوردر لكل فرد سلطه.
-جربنا البدنجان المقلى و ده بجد اتنسف من حلاوته واقترحنا عليهم تقطيعته تبقى اتخن شويه عشان فى ناس مش بتحب الكريسبى.
- العيش كان فريش وسخن و ياكل جدا واقترحنا عليهم العيش الأبيض برضوا عشان فى ناس ممكن تحبوا اكتر.
التقييم بجد ١٠ من ١٠ انا كنت محتاجه مطعم حلو بصراحه لانى مش بحب معظم مطاعم شيراتون فمبسوطه بالتجربه وهعيدها تانى بصراحهو دفعنا فى كل ده ٢٣٠ جنيه.
وده رقمه للديليفرى
01094710937 - 01276172066
