21/05/2026
"خايفين على صحة الناس ولا على جيوبكم؟!".. هجوم ناري على نقابة الأطباء بعد التحرك لحذف فيديوهات د. ضياء العوضي! ⚖️🔥
الدنيا مقلوبة على السوشيال ميديا، والسبب هو تقديم نقابة الأطباء شكوى لوزارة الإعلام لحذف كل فيديوهات "طبيب الإنسانية" الراحل الدكتور ضياء العوضي.. والجمهور بيسأل بسخرية: "تخيل الأطباء فجأة بقوا خايفين علينا وعايزين يمنعوا الفيديوهات؟!" 🙄😂
بصراحة كدة.. هو الخوف ده على صحة المواطن، ولا على العيادات اللي زباينها قلوا والفيزيتا اللي مبقتش جايبة همها؟! الدكتور اللي كان بيدخل له في اليوم مبلغ وقدره، لقى الأعداد بتقل بسبب الوعي! ياريت حد يوضح لنا الحقيقة! 🤔
كوارث منسية.. فين الخوف على الناس وقتها؟! 🏥⚠️
الناس بتفكر الدكاترة وبتقولهم: من إمتى السادة الأطباء بيخافوا على الناس بالمنظر ده؟
فاكرين كارثة البنت اللي دخلت تعمل عملية تجميل في الإسكندرية من شهر، وقريبتها بتصورها وهي داخلة بتضحك، وخرجت جثة هامدة من غرفة العمليات؟
ولا فاكرين مأساة "العمى الجماعي" في مستشفى 6 أكتوبر؟ اللي أصيب فيها حوالي 78 مريض بفقدان بصر وعاهات مستديمة، بسبب عدوى بكتيرية قاتلة جوة العمليات نتيجة إهمال وقصور في التعقيم؟
ليه مبنشوفش نفس الانتفاضة دي ضد الإهمال الطبي؟! دا المواطن لما بيدخل لدكتور بيكتب له رصة أشعات وتحاليل، ويشترط عليه: "لازم تعملها في المركز الفلاني والعلاني".. والكل عارف اللعبة وما يدور تحت الترابيزة من نسب وعينات مجانية ومؤتمرات وفسح على حساب شركات الأدوية! (طبعاً مع احترامنا للدكاترة اللي لسه عندهم ضمير ورحمة، وهم موجودين).
الراجل مات.. بس "الطيبات" ماماتتش! 🌱❌
د. ضياء العوضي مكنش بيبيع أعشاب ولا بيتاجر بأوجاع الناس، الراجل كان بيطلع لايف يعالج الناس "ببلاش"، ويقول إن اللي بيقوله على النت هو هو اللي بيقوله في عيادته. وقفلوا له العيادة وبرضه مبطلش رسالته!
والغريب.. أول ما الراجل توفى، بقوا يقولوا "كل يوم واحد بيموت بسبب الطيبات"! طب الناس دي مكنتش بتموت ليه وهو عايش؟! الهجوم ليل نهار عليه بالكلام الجارح بيثبت حاجة واحدة: الراجل ده هز اقتصاديات عملاقة!
شركات الدواجن، شركات الأدوية، المخابز، ومصانع الألبان.. كله اتأثر بالفكرة، وكانوا فاكرين لما الراجل يموت فكرته هتموت معاه.. لكن المفاجأة إن المتابعين زادوا، والموضوع وصل لأمريكا لدرجة إن أسعار البيض هناك نزلت الأرض، ودول زي تونس بدأت تتجه للحبة الكاملة! 🌾
الفكرة مبتموتش.. وكلام الراحل لسه عايش وبيكبر كل يوم.
💬 شاركونا برأيكم في التعليقات: هل تحرك نقابة الأطباء لحذف فيديوهات د. ضياء العوضي هدفه حماية صحة الناس فعلاً؟ ولا محاولة لدفن فكرة "الطيبات" بعد نجاحها؟ 👇
#صحة #مصر
