15/09/2021
🔥🔴 انطلاقا من قول النبي صلى الله علية وسلم (من ف*ج عن مسلم كربة ف*ج الله عنه بها كربة من كرب يوم القيامة) فقد تم بحمد الله عمل موقع "سكن. كوم" لتجميع الشقق المعروضة للإيجار
من الاخر هنجمعلك كل الشقق في مكان واحد ونرتبهالك وكل اللي عليك دلوقتي تدخل عالموقع و تختار الشقة اللي تريحك و تكلم صاحبها.
⚠️ اي المميزات الي عندنا؟... اننا عملنالك الحجات دي اللي مش هتلاقيها ف حتة تانية ..حتي اسأل برة 😌
✅ صنفنا الشقق بالنسبة للمنطقة والنوع وقيمة السمسرة، ومجرد ما تختار صنف هيجيلك الشقق الي بالوصف دا.
✅ كل شقة حاطينها لينا تواصل مع السمسار بتاعها وعاملينلها كود يسهل متابعتنا ليها بحيث مجرد ما تتحجز السمسار هيبلغنا ونكتب في عنوانها انه تم الحجز.
✅ كل شقة حاطين الصور بتاعتها بشكل منظم وتفاصيلها في جدول وتنسيق بسيط وكويس إن شاء الله.
✅حاطين لكل شقة تقييم وتعليق، بحيث ان كل واحد جرب الشقة يقول المميزات والعيوب وتفضل ثابته لبعد كدا دايما ان شاء الله مش تضيع مع البوست زي ما بيحصل في الفيس.
✅ عاملين قسم في القايمة لأرقام السماسرة علشان الناس الي بتسأل عليهم، ومحددين السماسرة الي الناس بتحذر منهم عن تجربة على الفيس بحيث يبقوا متجمعين في مكان واحد معروفين والناس تحذر منهم، وبالعكس للسماسرة الي الناس بتنصح بيهم.
اعمل فولو وتابع الصفحة علشان هننزل عليها التطورات بعد كدا وهنحطلكم عليها ابرز الشقق الي هتقابلنا.
⚠️⚠️ اي حد غير مقتدر انه يتحمل نفقة السمسرة يقدر يتواصل معانا وفية سمسار بنتواصل معاه ربنا يجزيه خير هيتكفل بالسمسرة أو يجبلك شقة بدون سمسرة بإذن الله.
🌐 دا لينك الموقع احفظه عندك علشان ملناش اي فروع اخرى😅.. يعني متتذكاش و تدخل ع جوجل و تكتب sakan. com ها😏 Sakandotcom.blogspot.com
⚠️حاجة اخيرة الوقت والداتا الي معانا مش مساعدينا اننا ننفذ أفكارنا، بس قولنا ننزله بشكل مبدأي دلوقتي ونشوف آرائكم وتعملولنا شير علشان نوصل لأكبر عدد ويتبعتلنا اكبر كمية من الشقق.
⚠️الخدمة تطوعية غير ممولة من اي جهة ولو حابب تمون روح البنزينة هههههههههههه
احنا تلات طلاب حابين نعمل خير فقط وبدأنا ببلوج كتجربة للفكرة الأول.
⚠️ نقطة للناس بتوع البرمجة👈
حابين نعرف آرائكم واقتراحاتكم ي شوية مبرمجين عسليات بخصوص نقطة فارقة معانا و هي انك تقدر تختار اكتر من قسم من القايمة مع بعض بحيث يطلعلك الشقق الي فيها المواصفات دي مع بعضها... ودا محتاج اننا نربط اقسام القايمة مع بعضها من لغة الكتابة بتاعة البلوج نفسه واحنا مش عارفين الحقيقة فقولنا ممكن اما ننزل حد يفيدنا. يمكن 😊......
موقع يهدف لتجميع وتنسيق الشقق المتاحة للإيجار في مدينة نصر لطلبة جامعة الأزهر في القاهرة.
SakanDotCom.blogspot.com
