02/08/2026
Desde COPRODEGA subscribimos a declaración institucional de Unión Profesional de Galicia e trasladamos a nosa profunda preocupación polos graves incendios forestais que están a afectar a distintas zonas de España, causando vítimas e provocando importantes danos ambientais, animais, sociais e económicos.
Nestes momentos difíciles, queremos expresar a nosa solidariedade e apoio a todas as persoas e comunidades afectadas, así como o noso recoñecemento ao labor exemplar dos servizos de extinción, protección civil, forzas e corpos de seguridade, e de todos os profesionais que interveñen en cada fase da emerxencia.
Estes acontecementos lémbrannos a necesidade de reforzar as políticas de prevención, anticipación, planificación e adaptación, promovendo ademais a cooperación entre as administracións públicas, a comunidade científica, as corporacións profesionais e a sociedade civil.
Desde as profesións colexiadas reafirmamos o noso compromiso co interese xeral e coa achega de solucións técnicas, científicas e sociais que contribúan á protección das persoas, á recuperación dos territorios afectados e ao fortalecemento da resiliencia das nosas comunidades.
