11/08/2026
🏗️ Boborás terá a súa primeira pista de pádel municipal! 🎾
O Concello de Boborás construirá unha nova pista de pádel no entorno do pavillón polideportivo, cun investimento total de 49.860,70 €.
💶 A Xunta de Galicia achegará 34.902,49 €, o 70 % do investimento, mentres que o Concello de Boborás asumirá os 14.958,21 € restantes.
📍 A pista situarase entre o pavillón municipal e a actual pista multideporte, nunha zona na que xa se concentran as piscinas, o parque infantil, a calistenia e outros equipamentos públicos.
A nova instalación será unha pista homologada de 20 x 10 metros, descuberta, con céspede sintético e iluminación propia mediante oito focos LED.
Pero esta primeira pista é só o comezo. 💚
➡️ A intención do Concello é construír unha segunda pista contigua.
➡️ Posteriormente prevese a cubrición de ambas pistas, para favorecer o seu uso durante todo o ano.
➡️ Tamén se implantará un sistema automatizado de acceso e reservas, facilitando unha utilización máis cómoda, autónoma e flexible das instalacións.
🗣️ “Non queremos quedar nunha actuación illada. Esta primeira pista é o punto de partida para crear unhas instalacións modernas, funcionais e adaptadas ás necesidades da veciñanza”.
Seguimos ampliando a oferta deportiva e de lecer de Boborás e apostando por espazos que fomenten a actividade física, a convivencia e os hábitos de vida saudables. 💪🌿
