Lunes 09:00 - 15:00 Martes 09:00 - 15:00 Miércoles 09:00 - 15:00 Jueves 09:00 - 15:00 Viernes 09:00 - 15:00

GALP Ría de Pontevedra

Casa
España
Marín
GALP Ría de Pontevedra

Asociación sen ánimo de lucro que xestiona axudas a través do Fondo Europeo Marítimo e da Pesca

Asociación sen ánimo de lucro que xestiona axudas a través do Fondo Europeo Marítimo e da Pesca en colaboración coa Consellería do Mar da Xunta de GAlicia. O noso ámbito de actuación son os concellos da área de influencia da Ría de Pontevedra.

25/06/2026

🌊✨ A Illa de Ons converteuse nun espazo de aprendizaxe, convivencia e conexión co mar para a mocidade participante no proxecto “Relevo Xeracional: O Futuro do Mar”.

Máis de 30 escolares de distintos territorios GALP de Galicia participaron nesta estancia educativa no Parque Nacional das Illas Atlánticas, unha experiencia centrada na sensibilización ambiental, o coñecemento do medio mariño e a posta en valor das profesións vinculadas ao mar.

Desde o territorio do GALP Ría de Pontevedra participaron alumnado do:
⚓ IES Illa de Tambo
⚓ CPR Sagrado Corazón de Placeres

Durante tres días desenvolveron actividades sobre pesca sostible, conservación mariña, patrimonio costeiro e dinámicas colaborativas nun entorno único como a Illa de Ons 💙

Porque garantir o futuro das nosas comunidades costeiras tamén pasa por achegar a mocidade ao mar e ás oportunidades que ofrece.

23/06/2026

🔥🌊 Esta noite celebramos o San Xoán, unha das tradicións máis especiais da nosa costa.

As praias e os areais son espazos de encontro, celebración e convivencia, pero tamén ecosistemas fráxiles que debemos coidar entre todas e todos.

💙 Se vas celebrar o San Xoán:
♻️ Recoller os residuos e depositalos nos colectores.
🚫 Evita deixar plásticos, vidros ou cabichas na area.
🌱 Respecta a fauna, a flora e os espazos naturais.
🔥 Sigue sempre as indicacións de seguridade e as normas municipais.

Pequenos xestos poden marcar unha gran diferenza para conservar o noso litoral e seguir gozando del durante todo o ano.

Que mañá as nosas praias amanezan tan fermosas como hoxe. ✨

Feliz noite de San Xoán! 🔥🌊

19/06/2026

🍽️ Se tes un establecemento de restauración, o GALP Ría de Pontevedra convídate a participar no proxecto Pesca Saúde, recibindo apoio e asesoramento para a creación dun menú saudable con produtos do mar.
👩‍⚕️👨‍⚕️ Coa colaboración dun equipo de nutricionistas, elaboramos un menú personalizado e adaptado ao teu establecemento en función dos produtos de tempada.
🐟💙 Deseñamos un menú saudable para o teu restaurante coa identificación de propiedades nutricionais.
📋 Elaboramos material promocional do teu menú coa marca Pesca Saúde. Incorporamos o teu establecemento ao listado de restaurantes Pesca Saúde e divulgámolo a través das redes dos GALP como local colaborador.

ℹ️ Máis información en
[email protected]
636 238 043

18/06/2026

🐟 Onte o GALP Ría de Pontevedra recibiu a Jesús Casabiell Pintos, médico, investigador e profesor titular de Fisioloxía da Universidade de Santiago de Compostela e coordinador do seu Grao en Nutrición e Dietética, que impartiu unhas xornadas dentro do proxecto Pesca Saúde para explicar como coidar a saúde cardiovascular a través da nutrición e en particular introducindo na dieta produtos pesqueiros. Acompañouno Laura Nieto, xerente do GALP Ría de Pontevedra.

📌 Lembra que Pesca Saúde continúa este mes nos mercados, prazas de abastos e peixerías, onde podes empregar os vales-desconto que se repartiron nas actividades precedentes. A data de caducidade dos vales amplíase ata o 31 de xullo.

📩 E ata o 30 de xuño, tamén podes participar no sorteo de degustacións de produto pesqueiro en establecementos de hostelaría. Infórmate de como participar no GALP, en pescasaude.gal ou no teu establecemento habitual.

🎉 O sorteo celebrarase en xullo durante os showcookings que anunciaremos en breve.

17/06/2026

🐟 O GALP Ría de Pontevedra convídante a participar no sorteo de degustacións de produtos do mar!!!

🛒 Xunta tickets de compra de produtos pesqueiros das peixerías adheridas a Pesca Saúde por un mínimo 60€. Podes sumar os que precises!

🗓️ As compras teñen que se realizar antes do 30 de xuño nos establecementos que podes identificar co distintivo amarelo «Pesca Saúde». Consulta o listado de peixerías na web do proxecto: pescasaude.gal

📩 Mete os tíckets nos sobres de Pesca Saúde que atoparás no teu mercado ou peixería habitual cos teus datos persoais e introdúceos na urna.

🎉 O sorteo celebrarase en xullo durante os showcookings que anunciaremos en breve. Porémonos en contacto contigo se non estás presente no sorteo.

16/06/2026

En Europa, máis de 50 millóns de persoas viven en comunidades costeiras.

⚓ Os GALP contribúen a que as políticas europeas se traduzan en accións locais, apoiando as comunidades pesqueiras, a innovación, o emprego, a sostibilidade e a cohesión social nas nosas costas.

Representantes dos GALP de toda Europa únense para lanzar unha mensaxe común: 📢 MANTER O DESENVOLVEMENTO LOCAL PARTICIPATIVO (DLP) NO FUTURO DA POLÍTICA PESQUEIRA EUROPEA.

🤝 Protexamos os GALP!
🌍 Protexamos as comunidades costeiras europeas!

European Commission | European Parliament | Comisión Europea en España | EU Maritime & Fish

15/06/2026

🌊 En toda Europa, os GALP traballan cada día para fortalecer as comunidades costeiras, apoiar a pesca local, crear oportunidades e impulsar unha economía azul sostible.

Desde Pärnu (Estonia), representantes dos GALP de toda Europa únense cunha mensaxe clara: 📢 O FUTURO DAS COMUNIDADES COSTEIRAS EUROPEAS NECESITA DOS GALP.

O Desenvolvemento Local Participativo (DLP) demostrou o seu valor nas zonas pesqueiras de toda Europa. Así, mentres continúan os debates sobre o futuro do financiamento e das políticas europeas, reclamamos un firme compromiso para manter e reforzar este enfoque.

👥 O futuro das comunidades costeiras europeas debe seguir construíndose coa participación da xente do territorio, co coñecemento local e coa acción local.

European Commission | European Parliament | Comisión Europea en España | EU Maritime & Fish

13/06/2026

🐟 Queres saber como pode beneficiar a túa saúde cardiovascular o consumo de peixe e outros produtos do mar? Asiste ás xornadas Pesca Saúde organizadas polo GALP Ría de Pontevedra para descubrilo.

👩🏻‍⚕ Con Jesús Casabiell Pintos, médico, investigador e profesor titular de Fisioloxía da Universidade de Santiago de Compostela, onde coordina tamén o Grao en Nutrición e Dietética que se imparte no campus de Lugo.

📌 Mércores 17 de xuño ás 19:00 h no Espazo Gastronómico do Mercado Municipal de Pontevedra

💜 Aberto ao público. Non é precisa inscripción previa.

12/06/2026

🌊⚓ O mar pode ser un espazo para todas as persoas. E en Portonovo demostrámolo.

A Xornada de Deportes Náuticos e Dinamización Costeira reuniu clubs deportivos, entidades sociais e representantes institucionais para compartir unha idea común: facer da ría de Pontevedra un territorio máis inclusivo, sostible e conectado co mar.

💙 Durante o encontro coñecemos proxectos de:
♿ Vela adaptada e accesibilidade universal no Real Club Náutico de Sanxenxo.
🚤 Bautismos de mar e instalacións accesibles no Club Náutico de Portonovo.
🌊 Actividades mariñeiras para escolares e colectivos sociais co Club Piragüismo Portonovo.
🏄‍♀️ Empoderamento feminino e deporte inclusivo da man do IMUA Paddle Surf Club Aguete.

☀️ Ademais, falamos de sostibilidade, transición enerxética, economía azul e das oportunidades que ofrece o mar para crear comunidade e xerar novas oportunidades no territorio.

🗣️ Unha das reflexións máis repetidas da xornada foi clara: “Buscamos actividades que se prolonguen no tempo.”

Porque a inclusión non debe ser unha actividade puntual, senón unha realidade permanente.

🤝 O encontro abriu novas vías de colaboración entre clubs, entidades sociais e administracións para seguir construíndo unha ría máis accesible, participativa e dinámica.

09/06/2026

📍 Hoxe participamos nunha reunión no Senado, formando parte da delegación do grupo de traballo dos GALP de España, para defender o papel fundamental dos Grupos de Acción Local do Sector Pesqueiro no futuro marco financeiro e político da Unión Europea.

🤝 Durante o encontro, trasladamos aos representantes institucionais a importancia de manter e reforzar o enfoque de Desenvolvemento Local Participativo (DLP), unha ferramenta clave para impulsar proxectos que dinamizan as nosas comunidades costeiras, fortalecen o sector pesqueiro e promoven unha economía azul sostible.

🌊 O futuro das zonas costeiras constrúese desde o territorio, coa participación das persoas que viven e traballan nel. Por iso, seguimos traballando para que os GALP continúen sendo un instrumento esencial para o desenvolvemento local das comunidades mariñeiras.

Dirección

Departamento De Exportadores, 14. Lonja De Marín. Puerto De Marín
Marín
36900

Horario de Apertura

Lunes	09:00 - 15:00
Martes	09:00 - 15:00
Miércoles	09:00 - 15:00
Jueves	09:00 - 15:00
Viernes	09:00 - 15:00

Teléfono

+34886213015

Página web

http://www.galpriadepontevedra.org/

Notificaciones

Sé el primero en enterarse y déjanos enviarle un correo electrónico cuando GALP Ría de Pontevedra publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a GALP Ría de Pontevedra:

Atajos

Dirección
Teléfono
Horario de Apertura
Notificaciones
Contacto La Empresa
Reclamar la propiedad
o informar el listado

¿Quieres que tu empresa sea el Hotel mas cotizado en Marín?