29/11/2024
✅ რადგანაც დამატებით ბევრი კითხვა მივიღეთ კანონიერად რითი ვხელმძღვანელობთ ჩვენი სასტუმროს მფლობელის განმარტებას უცვლელად გთავაზობთ
“⚖️ საჯარო განცხადება 🇬🇪
დიახ, ეს სასტუმრო ჩემია და დიახ, ხმამაღლა ვამბობ და ვიტყვი ყოველთვის, როცა საქართველოს მთავრობის მოქმედებები ეწინააღმდეგება ჩვენი ქვეყნის ევროპული მომავლისკენ სწრაფვას და არღვევს კონსტიტუციას მე ვალდებული ვარ ჩემი პოზოცის დაფიქსირების !
📢 ბოლო პერიოდში საქართველოს პრემიერ-მინისტრის, ირაკლი კობახიძის მიერ გაკეთებული განცხადება, რომელიც გულისხმობს ევროკავშირთან მოლაპარაკების პროცესის შეჩერებას, არის არა მხოლოდ პოლიტიკური, არამედ კონსტიტუციური დარღვევა. საქართველოს კონსტიტუცია მკაფიოდ განსაზღვრავს ჩვენს გზას ევროპული ოჯახისკენ, და ამ პროცესის შეჩერება ნიშნავს ქართველი ხალხის არჩევანის უგულებელყოფას!
**⚖️ სამართლებრივი საფუძველი:**
**საქართველოს კონსტიტუციის პრინციპები:**
კონსტიტუციის პრეამბულაში ნათქვამია, რომ საქართველოს მიზანი არის დემოკრატიული საზოგადოების მშენებლობა და ევროპულ ოჯახში ღირსეული ადგილის დაკავება.
- მე-78 მუხლი (ინტეგრაცია ევროპულ სტრუქტურებში):
საქართველოს კონსტიტუცია განსაზღვრავს, რომ ქვეყნის კონსტიტუციური ორგანოები ვალდებულნი არიან უზრუნველყონ სრული ინტეგრაცია ევროპულ და ევროატლანტიკურ სტრუქტურებში.
მთავრობის ნებისმიერი ქმედება , რომელიც არღვევს ამ მიმართულებას და ხელს უშლის საქართველოს ევროპულ ინტეგრაციას, ეწინააღმდეგება საქართველოს კონსტიტუციას.
🚫 გადასახადების გადახდის შეჩერების მორალური და სამოქალაქო პოზიცია:
მე, როგორც საქართველოს მოქალაქე და ბიზნესის მფლობელი, არ მსურს, რომ ჩემი გადასახადებით ვაფინანსებდე იმ ხელისუფლებას, რომელიც ქვეყნის ინტერესების საწინააღმდეგოდ მოქმედებს.
- საქართველოს საგადასახადო კოდექსის თანახმად (მე-7 მუხლი), გადასახადების გადახდა სავალდებულოა , მაგრამ როდესაც ხელისუფლება კონსტიტუციას არღვევს, მოქალაქეებს აქვთ სამოქალაქო დაუმორჩილებლობის უფლება, რომელიც აღიარებულია საერთაშორისო სამართალში.
სამოქალაქო დაუმორჩილებლობა
— ეს არის მშვიდობიანი პროტესტის ფორმა, რომელიც მიმართულია არაკონსტიტუციური გადაწყვეტილებების წინააღმდეგ!
🇬🇪 ჩვენი მიზანი — ევროპული მომავალი:
ჩემი პროტესტი არის არა მხოლოდ ბიზნესის, არამედ საქართველოს მოქალაქის პოზიცია. ჩვენ არ უნდა დავუშვათ, რომ ჩვენი ქვეყანა ევროპული მომავლისგან დაშორდეს. ეს არის ჩვენი კონსტიტუციური უფლება და საერთო მიზანი !
ერთად დგომით, ჩვენ შეგვიძლია შევცვალოთ ეს რეალობა.
გადაწყვეტილებები, რომლებიც საქართველოს მომავალს ეხება, მხოლოდ ქართველი ხალხის ინტერესებს უნდა ემსახურებოდეს!
🇬🇪 ჩვენი გზა ევროპისკენ შეუქცევადია და ამას ვერავინ შეცვლის!
ჩვენი ხმა , პოზიცია მნიშვნელოვანი !”
