27/01/2026
მოსახლეობის საყურადღებოდ!
ბორჯომის მუნიციპალიტეტი გაცნობებთ, რომ ქალაქის იერსახისა და მწვანე ნარგავების დაცვის მიზნით, მკაცრდება კონტროლი საზოგადოებრივ სივრცეებში შინაური პირუტყვის გადაადგილებაზე.
კატეგორიულად აკრძალულია:
ქ. ბორჯომისა და მუნიციპალიტეტის ტერიტორიაზე არსებულ სკვერებში, პარკებსა და ბაღებში მსხვილფეხა პირუტყვის (ცხენი, საქონელი) მეთვალყურეობის ქვეშ ან მის გარეშე ყოფნა, ასევე მათ მიერ მწვანე ნარგავების დაზიანება/განადგურება.
კანონმდებლობის თანახმად, აღნიშნული ქმედება გამოიწვევს დაჯარიმებას!
საქართველოს ადმინისტრაციულ სამართალდარღვევათა კოდექსის 248-ე მუხლის მე-4 ნაწილითა და 151-ე მუხლის მე-3 ნაწილით გათვალისწინებული ზომებია:
ჯარიმა: 500 ლარის ოდენობით;
სპეციალურ ადგილზე გადაყვანა: შინაური ცხოველი დაუყოვნებლივ გადაყვანილი იქნება სპეციალურ სადგომზე;
დაბრუნების პირობები: მესაკუთრეს ცხოველი დაუბრუნდება მხოლოდ ჯარიმის გადახდის და სპეციალურ ადგილზე გადაყვანა/მოვლა-პატრონობის ხარჯების ანაზღაურების დამადასტურებელი დოკუმენტის წარდგენის შემდეგ.
გაითვალისწინეთ: ჯარიმის გადაუხდელობის შემთხვევაში, კანონმდებლობით დადგენილი წესით, მოხდება პირუტყვის რეალიზება (გაყიდვა).
გთხოვთ, გამოიჩინოთ პასუხისმგებლობა და დაიცვათ აღნიშნული წესები.
