30/03/2019
საქართველოს თავისუფალი სტილით ნაკრების შემადგენლობა ბუქარესტში გასამართ ევროპის ჩემპიონატზე.
57 კგ - ოთარ გოგავა
61 კგ - ბექა ლომთაძე (მსოფლიოს და ევროპის ვიცე-ჩემპიონი)
65 კგ - ვლადიმერ ხინჩეგაშვილი (ოლიმპიური (2016), მსოფლიოს (2015) და ევროპის 3-გზის (2014, 2016 და 2017) ჩემპიონი
70 კგ - ზურაბ იაკობიშვილი (მსოფლიოს ჩემპიონი (2017) და ევროპის 2-გზის პრიზიორი)
74 კგ - ავთანდილ კენჭაძე (მსოფლიოს შარშანდელი ვიცე-ჩემპიონი)
79 კგ - ნიკა კენჭაძე (მსოფლიოს ჩემპიონი 23-წლამდელთა შორის)
86 კგ - სანდრო ამინაშვილი (ევროპის 2-გზის და მსოფლიოს პრიზიორი)
92 კგ - ირაკლი მწითური
97 კგ - ელიზბარ ოდიკაძე (ევროპის 4-გზის და მსოფლიოს პრიზიორი)
125 კგ - გენო პეტრიაშვილი (მსოფლიოს 2-გზის (2017 და 2018) და ევროპის (2016) ჩემპიონი. ოლიმპიური თამაშების (2016) ბრინჯაოს პრიზიორი)
საქართველოს თავისუფალი სტილით მოჭიდავეთა ნაკრები დუშეთის საწვრთნელი შეკრებით ასრულებს ევროპის 2019 წლის ჩემპიონატისთვის მოსამზადებელ ციკლს.
მთავარმა მწვრთნელმა გიორგი იანტბელიძემ ევროხალიჩაზე გასაყვანი შემადგენლობა შეჯიბრებაზე გამგზავრებამდე ექვსი დღით ადრე დაასახელა.
საქართველოს ნაკრების განაცხადი იანვარში, თბილისში გამართულ საქართველოს ჩემპიონატზე გამოიკვეთა. მას შემდეგ იანტბელიძის გუნდმა გაიარა ბაკურიანისა და ბორჯომის შეკრებები და მონაწილეობა მიიღო საფრანგეთისა და ბულგარეთის საერთაშორისო ტურნირებზე.
ევროპის 2019 წლის ჩემპიონატს 8-14 აპრილს ბუქარესტი უმასპინძლებს. თავისუფალ ჭიდაობაში მედლები 9 და 10 აპრილს გათამაშდება.
