ჩვენი ოჯახი და მასპინძელთა გუნდის დანარჩენი წევრები მზად ვართ, გაგაცნოთ საქართველო და ქართველები თავიანთი ტრადიციებით, მრავალფეროვანი კულტურით.
საკონფერენციო დარბაზი, რესტორანი, მომცრო სპა-ცენტრი და დამსვენებელთა მოთხოვნებზე მორგებული კომფორტული ნომრები - ეს არის სივრცეთა ჩამონათვალი, რომელთაც სასტუმრო გთავაზობთ. რესტორნის ტერასა მართლაც შთამბეჭდავია მწვერვალებით გარშემორტყმული ზღაპრული ხედით!
სერვისი გათვლილია როგორც აქტიურ, ისე პასიურ დამსვენებლებზე. შეგიძლიათ გამოეთიშოთ ყოველდღიურ რუტინას, დაიტვირთოთ დადებითი ემოციებით, გემო გაუსინჯოთ „სტეპ ინის“ რესტორნისთვის შექმნილ საავტორო კერძებს.
ნომრები:
„სტეპ ინის“ თითქმის ყველა ნომრიდან იშლება მყინვარწვერის დიდებული ხედი! მწვერვალი თოვლითა და ყინულით არის დაფარული, რაც მის ხედს სეზონის მიხედვით ცვალებადს ხდის. თქვენს განკარგულებაშია სხვადასხვა დიზაინისა და ფუნქციის მქონე 19 ოთახი დასასვენებლად, გასართობად, თუ სამუშაო გარემოს შესაქმნელად.
რესტორანი:
რესტორნის მენიუ წარმოდგენილია როგორც ადგილობრივი, ისე სხვა სამხრეთ-ევროპული ქვეყნების სამზარეულოთი. ბრენდშეფ ქეთი ბაქრაძის საავტორო კერძები ახლებურად აღმოგაჩენინებთ ქართულ სუფრას. გემოთა სპექტრი, ხედებისგან მიღებულ შთაბეჭდილებასთან ერთად, დაუვიწყარს გახდის გამოცდილებას, რომელსაც „სტეპ ინის“ რესტორანში მიიღებთ. მასში დაგხვდებათ კერძებისათვის საგულდაგულოდ შერჩეული სასმელის არჩევანიც, რათა გაგაცნოთ ქართული ღვინის 8000-წლიანი ისტორია რეგიონების მიხედვით.
სპა
გონებისა და სხეულის ჰარმონიაში მოსაყვანად ჩვენი სპა-ცენტრი დაგეხმარებათ. სტრესის განმუხტვისთვის გთავაზობთ მომცრო აუზსა და საუნას. ინტერიერის დიზაინში განსაკუთრებულ როლს თამაშობს ვიტრაჟული შუშაბანდი.
საკონფერენციო დარბაზი
სამუშაოდ ჩამოსული სტუმრებისთვის სათანადო სივრცეა გათვალისწინებული. საკონფერენციო დარბაზი 30 ადამიანს იტევს თეატრალური წყობით და 18 ადამიანს - U ფორმით განთავსებისას. შეგიძლიათ, ადგილზევე მოიწყოთ ყავით შესვენება და მიირთვათ წინასწარ შეკვეთილი სადილი, ან ისადილოთ რესტორანში.
კურორტზე აქტივობები, სეზონების მიხედვით იგეგმება. თქვენ შეგიძლიათ:
• მოიაროთ სასურველი ლოკაციები ველოსიპედით,კვადროციკლით ან ცხენით
• დაათვალიეროთ კულტურული მემკვიდრეობის ძეგლები.
• აწარმოოთ ორნითოლოგიური დაკვირვებები
• მოინახულოთ ჩანჩქერები და ალპური ტბები.
• დაიპყროთ მწვერვალები, სერტიფიცირებულ გიდებთან ერთად.
• ისრიალოთ თხილამურებითა და სნოუბორდით.
• მიიღოთ დაუვიწყარი შთაბეჭდილება პარაგლაიდით და ზიპლაინით
