30/10/2025
ჩემი დათიკო 177👏💝 აი, ვინ იყო მეცენატიც და ქველმოქმედიც, მამულიშვილიც და პატრიოტიც❣️
სულ ვნატრობ და სულ ვეძებ მისნაირს. ბოლოს, ალბათ, იმდენს ვიზამ გამოვიგონებ, ან შევქმნი🤦♀️💝
ასეთი ზუსტი "ფულიანი" მცოდნე, ერის განვითარების, ხალხის გადარჩენის და ადამიანად დარჩენის სხვა არც მახსენდება.
იშვიათი შორს "მხედველი" კაცი, გრძნეულივით სასწაული ინტუიციით და გამართლებული ხელგაშლილობით.
"უნაყოფო" იყო და ყველაზე მეტი ნაყოფი მისცა ქვეყანას, საშვილთაშვილოდ, მეტიც...
მარტო მისი ანდერძიც ეყოფა სადიდებლად.
ჩემი დათიკო სარაჯიშვილი იუბილარია ძველის სტილით. ჩემთვის ყოველდღეა მისი დღეობა. სულ მახსოვს და მეფიქრება ხოლმე, ამ ყოფაში განსაკუთრებით👏💝
"პანთეონისათვის გამოყოფილ ნაკვეთზე უნდა დაკრძალული იქნან ის პირნი, რომელთა მოღვაწეობაც ლიტერატურის, მეცნიერების და ხელოვნების დარგშია ცნობილი. დავით სარაჯიშვილი და მისი მეუღლე კი, რადგანაც არ ეკუთვნიან აღნიშნულ კატეგორიას, პანთეონის ნაკვეთზე დატოვებულთა სიაში არ არიან. ამიტომ, გევალებათ დავით სარაჯიშვილისა და მისი მეუღლის ნეშტი გადაიტანოთ სხვა სასაფლაოზე 10 დღის ვადაში.
პანთეონის დირექტორი ვ. ენიკოლოფაშვილი“
სიკვდილამდე ერთი წლით ადრე 1910 წლის 3 ივნისს, მან დონის როსტოვში ნოტარიუსთან შეადგინა ანდერძი, რომლის თანახმად მისი ქონების უდიდესი ნაწილი ქართველი ერის განვითარებას უნდა მოხმარებოდა:
1. 500 ათასი მანეთი – წერა-კითხვის გამავრცელებელ საზოგადოებას.
2. 150 ათასი მანეთი – ქუთაისის თეატრის ასაშენებლად.
3. 200 ათასი მანეთი – ისტორიულ-ეთნოგრაფიულ საზოგადოებას.
4. 25 ათასი მანეთი – ქუთაისის დრამატულ საზოგადოებას.
5. 50 ათასი მანეთი – თბილისში პოლიტექნიკურ ან სხვა უმაღლესი სასწავლებლის დასაარსებლად.
6. 30 ათასი მანეთი – ვლადიკავკავის (ორჯონიკიძე) ღარიბ მოსწავლეთათვის, სწავლის ქირის გადასახდელად (განურჩევლად ეროვნებისა);
7. 25 ათასი მანეთი – საქართველოს საეთნოგრაფო საზოგადებას წიგნების გამოსაცემად.
8. 100 ათასი მანეთი – თბილისის ქართულ დრამატულ საზოგადოებას.
9. 10 ათასი მანეთი – სამიწათმოქმედო სახელოსნოს გამოსწორებულ ახალშენთა და თავშესაფართა საზოგადოებას.
10. 171 ათასი მანეთი – სარაჯიშვილის ფირმის მუშა-მოსამსახურეებისათვის;
11. 5 ათასი მანეთი – ქართული ფილარმონიის საზოგადოებისათვის;
12. 20 ათასი მანეთი – ქართული სიტყვაკაზმული მწერლობის საზოგადოებას – ქართული ახალი ორიგინალური ბელეტრისტული ნაწერებისათვის პრემიის დასანიშნად.
13. 50 ათასი მანეთი – ავლაბარში საპროფესიო სკოლის დასაარსებლად და შესანახად.
14. 10 ათასი მანეთი – მოსკოვის ქართულ საზოგადოებას.
15. 10 ათასი მანეთი – დიდუბის ტაძარს.
16. 5 ათასი მანეთი – რუსეთის მევენახეთა და მეღვინეთა საზოგადოების სადგურს ოდესაში.
17. 200 ათასი მანეთი – ქირურგიულ საავადმყოფოს ასაშენებლად თბილისში.
P.s.ეს მესამედ გადამარხული მისი საფლავიც ჩემთვის განსაკუთრებით ძვირფასია. ქაშუეთის ეზოშია დაკრძალული, შესასვლელშივე.
ამ საფლავს მეოთხეობის საშიშროებაც ედგა, მაგრამ ჯერ გაჩერდნენ და ამაზე სხვა დროს...☝️🤫
