10/03/2024
მარცხნივ ფოტოზე ქალი რომ დგას, ის მარგარიტაა, ფიროსმანმა რომ დახატა და 9 ურემი ვარდი მიართვა.
მხატვარმა მარგარიტა დე სევრი თბილისში 1905 წელს ნახა, როცა ის თეატრ „ბელ ვიუსთან" ერთად 7 წარმოდგენით იყო ჩამოსული.
მას მრავალმხრივი ნიჭი ჰქონდა. იყო მსახიობიც, მოცეკვავეც და მომღერალიც. გამორჩეულად ასრულებდა შანსონებს და ამასთანავე, შეუადარებლად ლამაზ ქალად ითვლებოდა.
ნიკალა მარგარიტას წარმოდგენას მუშტაიდის ბაღში დაესწრო და მაშინვე გულში ჩაუვარდა. მის სხეულს მგზნებარე სიყვარულის ალმური მოედო.
ერთ დილით მსახიობს 9 ურემი ვარდი მიართვა, ნაწილი ფიანდაზად დაუგო. მარგარიტამ ეს რომ დაინახა, სახე გაუნათდა, ნიკალას გაუღიმა და ლოყაზე აკოცა პირველად და უკანასკნელად.
სულ ეს იყო. მხატვარმა ქალისგან შესაბამისი სასიყვარულო პასუხი არ მიიღო, რამაც ძალიან დაასევდიანა და უზომო სმაც დააწყებინა.
უფრო მეტიც, ერთ დღესაც შეყვარებული ნიკალა მარგარიტას სახლს რომ მიადგა, დამშვიდობების ბარათი დაახვედრეს.
აქედან დაიწყო ნიკალას კიდევ ერთი ტკივილი - მან უკვე იცოდა, რომ ძვირფას ქალს ვეღარასოდეს ნახავდა.
თუმცა, მარგარიტა მაინც ძალიან უყვარდა, სულ გონებასა და გულში ჰყავდა.
და სწორედ ამ ცალმხრივ სიყვარულს 1909 წელს მიუძღვნა ნახატი "აქტრისა მარგარიტა," რომელიც ფართო საზოგადოებამ ჯერ 1918 წელს თბილისში ლადო გუდიაშვილის მოთავეობით მოწყობილ ჯგუფურ გამოფენაზე ნახა, შემდეგ ნიკალას სხვა ტილოებთან ერთად პირველ უცხოურ გამოფენაზე პარიზში, 1969 წელს. 60 წლის შემდეგ ნახატზე საკუთარი თავი ამოიცნო გამოფენაზე მისულმა გმირმა მარგარიტა დე სევრიმ და ეს ფოტო გადაიღო.
ნაკალას მთელი დარჩენილი ცხოვრება უყვარდა მარგარიტა. 10 წელი გაუძლო ტანჯვას და 1918 წელს ეული, მაგრამ მარგარიტას სიყვარულით სავსე გარდაიცვალა.
პოსტს გოგა ჩანადირი აქვეყნებს
