01/07/2026
ਸਿੱਖ ਐਜੂਕੇਸ਼ਨਲ ਸੁਸਾਇਟੀ ਚੰਡੀਗੜ੍ਹ ਦੇ ਪ੍ਰਧਾਨ, ਸਿੱਖ ਚਿੰਤਕ ਅਤੇ ਸਮਾਜਿਕ ਸਥਾਪਤੀ ਦੇ ਮੁੱਦਈ ਸ. ਗੁਰਦੇਵ ਸਿੰਘ ਬਰਾੜ ਜੀ ਦੀ ਅਨਮੋਲ ਪੈਲੇਸ ਬੰਗਾ ਵਿਖੇ ਆਮਦ ਨਾਲ ਬਹੁਤ ਖੁਸ਼ੀ ਹੋਈ। ਉਹਨਾਂ ਦਾ ਜੀਵਨ ਜਿੱਥੇ ਸਦਾ ਪ੍ਰੇਰਕ ਰਿਹਾ ਉੱਥੇ ਉਹਨਾਂ ਦਾ ਸਿੱਖਿਆ ਖੇਤਰ ਚ ਵੱਡਾ ਯੋਗਦਾਨ ਹੈ ਅਤੇ ਉਹਨਾਂ ਦੇ ਕੌਮੀ ਜਜ਼ਬੇ ਨੂੰ ਸਾਰੇ ਸਿਜਦਾ ਕਰਦੇ ਹਨ। 1984 ਦੇ ਕਾਲੇ ਦੌਰ ਦੌਰਾਨ ਉਹਨਾਂ ਦਾ ਸ਼੍ਰੀ ਅੰਮ੍ਰਿਤਸਰ ਸਾਹਿਬ ਵਿਖੇ ਡਿਪਟੀ ਕਮਿਸ਼ਨਰ ਵਜੋਂ ਤਾਇਨਾਤ ਹੁੰਦਿਆਂ ਕੇਂਦਰ ਸਰਕਾਰ ਨੂੰ ਰੋਸ ਚਿੱਠੀ ਲਿਖਣਾ ਵੀ ਇਤਿਹਾਸ ਸਿਰਜ ਗਿਆ। ਉਹਨਾਂ ਦੀ ਘਾਲਣਾ ਦੀ ਸ਼ਲਾਘਾ ਵਜੋਂ ਉਹਨਾਂ ਦਾ ਬੰਗਾ ਪੁੱਜਣ 'ਤੇ ਸਨਮਾਨ ਕਰਦਿਆਂ ਵਧੀਆ ਲੱਗਾ। ਇਸ ਮੌਕੇ ਉਨ੍ਹਾਂ ਨਾਲ ਉਹਨਾਂ ਦੇ ਫਰਜ਼ੰਦ ਸ. ਗੁਰਬੀਰ ਸਿੰਘ ਬਰਾੜ ਅਤੇ ਐਡਵੋਕੇਟ ਕਰਨਦੀਪ ਸਿੰਘ ਚੀਮਾ ਜੁਆਇੰਟ ਸੈਕਟਰੀ ਸਿੱਖ ਐਜੂਕੇਸ਼ਨਲ ਸੁਸਾਇਟੀ ਵੀ ਨਾਲ ਸਨ। 95 ਸਾਲ ਦੀ ਉਮਰ ਵਿੱਚ ਵੀ ਉਹ ਪੂਰਨ ਸਰਗਰਮ ਹਨ। ਵਾਹਿਗੁਰੂ ਉਹਨਾਂ ਨੂੰ ਸਿਹਤਯਾਬ ਰੱਖੇ ਇਹੀ ਅਰਦਾਸ ਹੈ।
