Shivalik BumBhole Samiti

25/07/2016

♫ Doston, na koi manzil hai, na koi saathi hai, bas khaali bandook hai.
Phir bhi nikal pada hu ghar se shayad jiski talaash hai, wahi black hai wahi buck hai ♫

Ah oh chinkara, dhundhe tujhe deewana !!!

Shivalik Bum Bhole samiti Bhai ko unki azaadi ke paawan awsar par hardik shubhkamnaayein deti hai tatha bhai ko bhavishya me irshyawadi praniyon se duri banaye rakhne ke liye vinti bhi karti hai.

Bhai ki gagan chumbi aur apaar safaltaaon se uttejit hokar bhai par betarteeb prahaar kiye gaye tatha chakravyuh me gherne ki nakaam koshishen ki gayi lekin unke shatru-gun shayad bhul gaye the ki bhai ko sirf bhai hi maat de sakte hain. Bhai ke baare me itna mat sochna, “bhai kachahari me aate hain, kaarawas me nahi”.

Khud bhai ke shabdon me, ‘Ooncha hai footpath, driver mera ghar hai, Kaise mai utaaroon? Break mera band hai.’

Bhai ne apne jiwankaal me kathor se kathor kathinayion ko haste khelte pelte hue daaru me uda diya, lekin tab bhi in thos paristithiyon me apni “bandook” pe sayyam rakhte hue apna Yaun kaayam rakha tatha yuva peedhi ke single laundon ko gym hit karne ke liye prerit bhi kiya.

Bhai pe ek ehsaan karna:
1.1 Footpath pe mat sona
1.2 Mujhpe koi ehsaan mat karna (except 1.1)

Hum sabhi bhai ke bhakton se anurodh karte hain 25 July ko bhai diwas ghosh*t karwane ki muhim me humara saath dein tatha doordarshan ke maadhyam se sirf bhai ke cinema prasaarit ki jayein evam aakashwani pe maatr bhai ke geet sangeet hi bajaye jayein.

Samiti is pavitra diwas pe bhai ke andhbhakton ko ye vishesh geet bhent karti hai:

🎶 Jeene ke hain chaar din, baaki hain bekaar din.

Isi dauraan (Sabhi 18+ mahilaon) - (Aishwarya, Katrina aadi) se nivedan hai duniya me 'I' ho to love karlo, jee bharke jeelo rani karlo.

Jaye jaye, ek baar jo jaye, jawani phir na aaye. 🎶

Theke se,
Shivalik Bum Bhole Samiti

26/05/2016

Shivalik Bum Bhole Samiti dwara Refugee Camp ka aayojan!!!

Is chilchilati garmi aur caretaker ki badsuluki ko dekhte huye Shivalik Bum Bhole Samilti ke dwara apne bhaktjano ke liye Refugee Camp ka aayojan kiya gaya hai. Samiti apne bhaktjano ko sone ke liye bistar, peene ke liye thanda paani, thandak ke liye AC aur manoranjan ke liye HD television jaisi suvidhayen muhaiyya karvane ki nirantar koshish kar rahi hai. Samiti apne karyakartayon ki is mehnat ki prashansa karti hai.

In sab suvidhayon ke bavjood, bhojnalya aur der ratri bhojnalya ke achanak band ho jane ke karan bhaktjan bhookh se vyakul ho rahein hain. Is samsya ko dekhte hue samiti apne bhaktjano ke paapi pet ke liye 2 waqt ka chai-biskit aur chilli potato jaisi khane ki cheezein muhaiyya karana chahti hai. Lekin samiti ke pass paryaapt dhan-rashi na hone ke karan bhaktjan in suvidhaon se vanchit reh jaa rahein hain aur kuposhan ka shikaar ho rahe hain. Bhakjanon ki bade hi dukh ki ghadi chal rahi hai.

Is dukhad kaal main samiti apne bhavi bhaktjano se sahayta ki ummeed rakhti hai aur unse nivedan karti hai ki is sankat ki ghadi mai hum ek jut hokar apne Refugee Camp main reh rahe bhaktjano ki sahayta kar ke punya ka patra banein.

Samiti dwara refugee camp ke bahar daan peti rakhwayi gayi hai jisme bhaktjan apni shraddha aur aukaat anusaar dhan daan kar sakte hain. Iske alawa daan peti main ghar ka khana, kapda, shampoo, handwash, dant-manjan, chini-namak, fal, juice jaise choti-moti cheezein daan main dekar bhi punya ke patra bana jaa sakta hai. Jo bhaktjan daan peti tak nhi aa sakte hain wo samiti ke online account main apni shradhha aur aukaat anusaar dhan rashi bhej sakte hain iske alawa Samiti check aur DD dono hi pratigrahit karti hai.

AAPKA CHOTE SE CHOTA DAAN IS TAPTI GARMI MAIN LOGO KE BHEETAR JEENE KI UMMEED JAGA SAKTA HAI.

Refugee Camp se -
Shivalik Bum Bhole Samiti

06/05/2016

Bhaktjano se vinamra nivedan hai ki chhatrawas me lage aam ke vriksh se a-kele na tode anyatha ye aapki pachan kriya ke liye hanikarak siddh ho sakta hai. Bol Bum.
-Saujanya se

01/05/2016

Shivalik BumBhole Samiti prastut karti hai varsh 2016 Shivalik House Day ke mauke par senior chhatron dwara nritya pradarshan.
Apne antim House Day par bhaktjano ka josh tatha ullaas abhootpurva tha. Bol Bum.

Video 1: https://www.youtube.com/watch?v=BjbW1Qx03NE

Video 2: https://www.youtube.com/watch?v=ixLF7_AgzU8

Video 3: https://www.youtube.com/watch?v=UvUl2NCVvj0

30/04/2016

Shivalik BumBhole Samiti Smt Smriti Zubin Irani ke Shivalik Hostel aane ke liye aabhar prakat karti hai.

Smt Smriti Irani bhaktjano ke kasht mitane hetu swayam hostel ka nirakshan karne aayin tatha bhaktjano ke aavedan par unka samadhan bhi kiya.

Aane vale samay mein bhaktjano ko water cooler ki suvidha muhaiyya karwai jayengi tatha sampurna chatravaas vaatanukoolit (air-conditioned) kiya jayega. Bol Bum.

29/04/2016

Bhaktjans of batch 2016, Shivalik hostel prastut karte hain apne House day ka shaandaar video.
Shivalik BumBhole Samiti apne bhaktjano ka dhanyavaad karti hai for making this video.

Special thanks to Divyanshu Mund and Ronak Zala

House day video performed by bhaktjans of Shivalik House on its house day, brought to you by Shivalik Bum Bhole Samiti. Original track: Mark Ronson - Uptown ...