Wanawadi Landlords/वानवडी घरमालक संघ

13/06/2026

05/06/2026

निसर्ग आपल्याला भरभरून देतो, अगदी मातेसारखी आपली काळजी घेतो. आजच्या या विशेष दिवशी आपणही निसर्गाप्रती थोडी कृतज्ञता व्यक्त करूया. चला, आपल्या अंगणात किंवा परिसरात एक छोटं साधे झाड लावूया आणि ते जगवण्याची जबाबदारी घेऊया.

जागतिक पर्यावरण दिनाच्या खूप खूप शुभेच्छा

05/06/2026

वानवडीत जनगणनेच्या कामाला वेग...

वानवडी क्षेत्रीय कार्यालयामार्फत जनगणना 2027 अंतर्गत घर यादीकरणाचे काम युद्धपातळीवर सुरू आहे. एकूण 416 घर यादी गटांपैकी एका घर यादी गटाचे काम पूर्ण झाले आहे. उर्वरित 415 घर यादी गटांमध्ये सध्या प्रत्यक्ष काम सुरू आहे.
प्रत्येक घर यादी गटासाठी 1 प्रगणक या प्रमाणे एकूण 416 प्रगणकांची नियुक्ती करण्यात आली आहे. अंदाजे 6 ते 7 प्रगणकांमागे 1 पर्यवेक्षक या प्रमाणात एकूण 68 पर्यवेक्षक नियुक्त करण्यात आले असून, कामकाजावर नियमित देखरेख ठेवली जात आहे.
घर यादीकरणाचे काम नियोजनबद्ध पद्धतीने सुरू असून, सर्व प्रगणक व पर्यवेक्षक यांच्या समन्वयातून हे काम 14 जूनपूर्वी पूर्ण करण्यात येणार असल्याचे वानवडी क्षेत्रीय कार्यालयाचे सहायक आयुक्त अमोल पवार यांनी सांगितले.

#वानवडी #जनगणना

05/06/2026

वानवडीत छत्रपती शिवाजी महाराज यांना अभिषेक...

शिवराज्याभिषेक दिनानिमित्त वानवडीतील छत्रपती शिवाजी महाराज पुतळा या ठिकाणी उद्या दि. ६ जून रोजी राजमाता जिजाऊ फाउडेंशनच्या वतीने सकाळी ७ ते ८ यावेळेत पुजन व अभिषेक करण्यात येणार. यानिमित्ताने शिवराज्याभिषेक सोहळा पार पडणार आहे. या मंगलमयी शिवराज्याभिषेक सोहळ्याला परिसरातील जास्तीत जास्त नागरिकांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.

#वानवडी #छत्रपती #शिवराज्यभिषेक

04/06/2026

वानवडी भागात गुन्हेगारी वाढत आहे

वानवडीत किराणा दुकान फोडून ४१ हजारांची रोकड लंपास...

वानवडीत जांभूळकर मळा परिसरातील 'महालक्ष्मी डिपार्टमेंट' हे किराणा मालाचे दुकान अज्ञात चोराने शटर उचकटून फोडले. चोराने दुकानातून ४१,३५० रुपयांची रोकड चोरून नेली. ही घटना १७ मे रोजी रात्री १० ते १८ मे २०२६ रोजी सकाळी ७ च्या दरम्यान घडली. याप्रकरणी ६७ वर्षीय दुकानदाराने वानवडी पोलीस ठाण्यात तक्रार दाखल केली आहे. अद्याप आरोपीला अटक झालेली नाही. पोलीस अंमलदार गोसावी पुढील तपास करत आहेत.
(फोटो AI)

#वानवडी

04/06/2026

भाडेकरू ठेवताना सावध रहा

BSNLची ८० लाखांची कॉपर केबल चोरी करणारी आंतरराज्यीय टोळी जेरबंद...

वानवडी पोलिसांच्या तपास पथकाने कोम्बिंग ऑपरेशन दरम्यान हडपसर इंडस्ट्रीयल एरियातील ड्रेनेज लाईनमधील BSNLची ३४.८० लाखांची कॉपर केबल चोरणाऱ्या आंतरराज्यीय टोळीला पाठलाग करून पकडले.
अस्लम सगीर खान (वय. ३९, तिलकनगर, वेस्ट दिल्ली), आरिफ कुंन्दुखाँ खान (वय ४०,उत्तरप्रदेश), शोहेब हारुण खान (वय २५, उत्तरप्रदेश), सलमान इद्रीस मलीक (वय ३३, दिल्ली), नरेश कुमार श्रीशिवचरण, (वय ४३, हरियाणा), नवी मोहम्मद शान मोहम्मद (वय ३५, उत्तरप्रदेश), अनिस अन्सारी मोहम्मद गियासुद्दीन (वय २२, हडपसर, पुणे), अफाक अन्सारी रफिक अन्सारी (वय २२, हडपसर), प्रविण दादासाहेब बागुल (वय ३३, हडपसर) अशी त्यांची नावे असून त्यांच्याकडून ड्रेनेज पाईपलाईनमधून कॉपरची वायर क्रेनच्या सहाय्याने ओढुन बाहेर काढून चोरी करताना ३४,८०,००० रुपयांची कॉपर केबल व त्या काढण्यासाठी वापरलेले क्रेन, आयशर ट्रक व एक मोपेड गाडीसह ८०,७०,००० रुपयांचा मुद्देमाल हस्तगत केला. त्यांचेकडे अधिक तपास केला असता त्यांच्यासोबत सरताज हुसेन (फिरोजाबाद उत्तरप्रदेश) अमन (बिहार), तौफीक (उत्तरप्रदेश), अली मोहम्मद ऊर्फ लल्लन (दिल्ली), अनिल देडे (रामटेकडी, हडपसर) यांचा देखिल सहभाग असल्याचे निष्पन्न झाले. वरील सर्व आरोपींविरुध्द गुन्हा नोंद करण्यात आलेला आहे.
ही कारवाई परिमंडळ ०५ च्या पोलीस उप-आयुक्त श्रीमती राजलक्ष्मी शिवणकर, सहा. पोलीस आयुक्त नम्रता देसाई, वरिष्ठ पोलीस निरीक्षक भाऊसाहेब पाटील, गुन्हे निरीक्षक संगीता जाधव यांच्या मार्गदर्शनाखाली तपास पथकाचे सहा. पोलीस निरीक्षक, उमाकांत महाडिक व पोलीस उपनिरीक्षक अल्फाज शेख, शशीकांत लोंढे, पोलीस अंमलदार अमोल पिलाणे, महेश गाढवे, दया शेगर, गोपाळ मदने, अर्षद सय्यद, अभिजित चव्हाण, अमोल गायकवाड, विठ्ठल चोरमले, आशिष कांबळे, विष्णू सुतार, बालाजी वाघमारे, गणेश भुजबळ, वैभव निकम व हडपसर पोलीस ठाण्याचे पोलीस अंमलदार बापू लोणकर, महावीर लोंढे या पथकाने केली आहे.
पुढील तपास पो.उप.नि. अल्फाज शेख हे करीत आहेत.

#वानवडी

04/06/2026

सावध रहा

वानवडीत पहाटे ६७ वर्षीय महिलेची सोन्याची चेन हिसकावली...चोरटे सीसीटीव्हीत कैद.

वानवडी परिसरात एका ६७ वर्षीय महिलेच्या गळ्यातील दोन तोळ्याची सोन्याची चेन दुचाकीस्वार चोरट्यांनी हिसकावल्याची घटना घडली आहे. ही घटना आज पहाटे साडेपाचच्या सुमारास घडली असून या प्रकारामुळे परिसरात प्रचंड खळबळ उडाली आहे.
मिळालेल्या माहितीनुसार, चंपाबाई अमृतलाल सोनी (वय ६७) या आज पहाटे नेहमीप्रमाणे पक्षांना खाद्य देऊन वानवडी येथील रवी पार्क येथे जात होत्या. त्याच वेळी दुचाकीवरून दोन अनोळखी इसम त्यांच्या जवळ आले. काही समजण्याच्या आतच चोरट्यांनी पाठीमागून चंपाबाई यांच्या गळ्यातील सोन्याची चेन जबरदस्तीने हिसकावून घेतली आणि घटनास्थळावरून पळ काढला.
घटनेची माहिती मिळताच वानवडी पोलीस तात्काळ घटनास्थळी दाखल झाले. पोलिसांनी परिसरातील सीसीटीव्ही (CCTV) फुटेज तपासले असता, दुचाकीवरील दोन्ही चोरट्यांनी तोंड झाकल्याचे दिसून आले आहे. विशेष म्हणजे चोरट्यांच्या दुचाकीला नंबर प्लेट नसल्याचेही तपासात समोर आले आहे. याप्रकरणी वानवडी पोलीस ठाण्यात गुन्हा दाखल करण्यात आला असून, वानवडीचे सहाय्यक पोलीस निरीक्षक उमाकांत महाडिक पुढील तपास करत आहेत.

#वानवडी