03/04/2024
*शिमगा*
कोकणात होळी या सणाला ‘शिमगा’ असं म्हणतात. शिमगा हा सण कोकणी माणसाचा अगदी जिव्हाळ्याचा विषय आहे. कोकणात मोठ्या प्रमाणावर साजरे केले जाणारे सण म्हणजे गणेशोत्सव आणि शिमगा.
समान्यत: झाड तोडून ग्रामदैवतचे आवाहन करून होळी उभारली जाते. लाकडे व शेणाच्या गोवºया जाळल्या जातात. नाचत-नाचत माडहोळी आणणे, नमनाचे खेळे, रोंबाट, संकासूर, आंब्याची पाने व विविध प्रकारच्या फुलांनी सजविलेली होळी पहावयास मिळते.
गावागावात होणारे ‘खेळे’ हासुध्दा त्यातीलच एक वेगळा नृत्यप्रकार आहे. रोंबाट हे सगळीकडे प्रमुख वैशिष्ट्य, त्यात अंगात येणारे संचार, त्यांचे घुमणे, ढोलांचे आवाज यांनी या काळात सारा गाव दुमदुमलेला असतो.या उत्सवात पुरुष सहभागी होऊन पारंपरिक संगीत,नृत्य,अभिनय आविष्करण घडवितात. रोमट, मेल, गोफ,दशावतारी खेळ असे पारंपरिक लोककलाप्रकार या उत्सवात खेळले जातात. होळी पेटविणे, रंग खेळणे यातूनही उत्सवाचा आनंद घेतला जातो.
