Old Boys' Hostel

06/04/2026

আজি ইং ০৬/০৪/২০২৬ তাৰিখে শিৱসাগৰ বিশ্ববিদ্যালয়ৰ ছাত্ৰ একতা সভাৰ উদ্যোগত বিশ্ববিদ্যালয়ৰ প্ৰাঙ্গনত ‘প্ৰাক্ ৰঙালী বিহু' শীৰ্ষক অনুষ্ঠান উদ্‌যাপন কৰা হয়। অনুষ্ঠানটিত শিৱসাগৰ বিশ্ববিদ্যালয়ৰ অন্তৰ্গত একমাত্ৰ ছাত্ৰাৱাস ‘পুৰণা ছাত্ৰাৱাস’ৰ আৱাসীসকলে ‘অসমীয়া থলুৱা খাদ্য সম্ভাৰ' নামেৰে এখনি বিপণী মুকলি কৰি বিভিন্ন ধৰণৰ থলুৱা খাদ্য আগবঢ়ায় আৰু বিশ্ববিদ্যালয়ৰ পৰিয়ালৰ সদস্যসকলৰ পৰা ইতিবাচক সঁহাৰি পাবলৈ সক্ষম হয়।

04/04/2026

যোৱা ১৯/০৩/২০২৬ তাৰিখে শিৱসাগৰ বিশ্ববিদ্যালয়ৰ পুৰণা ছাত্ৰাৱাসৰ উদ্যোগত ‘অন্বেষণ’ অনুষ্ঠানৰ লগত সংগতি ৰাখি “মানসিক স্বাস্থ্য ব্যৱস্থাপনাৰ বাবে যোগাভ্যাস” শীৰ্ষক বক্তৃতানুষ্ঠানৰ আয়োজন কৰা হৈছিল। সমল ব্যক্তি হিচাপে উক্ত বিষয়ত শিৱসাগৰ বিশ্ববিদ্যালয়ৰ প্ৰাণীবিজ্ঞান বিভাগৰ জ্যেষ্ঠ সহযোগী অধ্যাপক ড০ উৎপল শৰ্মা ছাৰে তথ্যসমৃদ্ধ, ব্যৱহাৰিক জীৱনৰ সৈতে জড়িত বিভিন্ন প্ৰসংগ উপস্থাপন কৰি খুব সাৱলীল বক্তব্য প্ৰদান কৰি আমাৰ আৱাসীসকলক কৃতাৰ্থ কৰিলে। ছাৰলৈ সমূহ আৱাসীৰ তৰফৰ পৰা ধন্যবাদ জ্ঞাপন কৰিছোঁ।

19/03/2026

19/10/2025

শিৱসাগৰ বিশ্ববিদ্যালয়ৰ একমাত্ৰ ছাত্ৰাবাস 'পুৰণা ছাত্ৰাবাস'ৰ ২০২৫ বৰ্ষৰ নবাগত আদৰণি সভা আজি ইং ১৯/১০/২০২৫ তাৰিখে অনুষ্ঠিত হৈ যায়। এই অনুষ্ঠানত বিভিন্ন সাংস্কৃতিক অনুষ্ঠানৰ লগতে 'মন্দাকিনী' শীৰ্ষক প্ৰাচীৰ পত্ৰিকা আৰু 'সপ্তস্বৰা' শীৰ্ষক ই- আলোচনীখনৰ উন্মোচন হয়। আজিৰ এই অনুষ্ঠানটি সফলতাৰ আঁৰৰ প্ৰতিজন ব্যক্তিলৈ কৃতজ্ঞতা জনাইছোঁ। আজিৰ অনুষ্ঠানৰ কিছু স্থিৰ চিত্ৰ ইয়াত সংযুক্ত কৰা হৈছে।

19/10/2025

https://sibsagaruniversity.ac.in/e_magazine/curtain.php
শিৱসাগৰ বিশ্ববিদ্যালয়ৰ অন্তৰ্গত একমাএ ছাত্ৰাৱাস *পুৰণা ছাত্ৰাৱাসৰ* আৱাসীসকলৰ দ্বাৰা *'সপ্তস্বৰা'* আলোচনীখনে আজি পোনপ্ৰথমবাৰৰ বাবে *'ই-আলোচনী'* হিচাপে প্ৰকাশ লাভ কৰিছে। সম্ভৱত এইখনেই হৈছে শিৱসাগৰ বিশ্ববিদ্যালয়ৰ ইতিহাসত প্ৰথমখন ই-আলোচনী। বৰ্তমান ই-আলোচনীখনে প্ৰবন্ধ, কবিতা, চুটিগল্প, গ্ৰন্থ সমালোচনা, ভ্ৰমণ কাহিনীকে আদি কৰি আন কেইবাটাও শিতান সামৰি লৈছে। এইক্ষেত্ৰত ই-আলোচনীখনত ৰৈ যেৱা ভুল-ভ্ৰান্তিসমূহ পাঠক সমাজে আঙুলিয়াই দিলে আমি পুৰণা ছাত্ৰাৱাসৰ আৱাসীসকল নথৈ আনন্দিত হোৱাৰ লগতে ভৱিষ্যতে এই ভুলসমূহ নকৰিবৰ বাবে সচেতন হ'ম। আশাকৰো পাঠক সমাজে এই ই-আলোচনীখন মৰমেৰে আদৰি ল'ব।

05/09/2024

শংকৰদেৱৰ তিথিৰ উপলক্ষে হোষ্টেলত ভাগৱত পাঠ 🙏(04/09/2024)

10/05/2024

সময় যে এনেকুৱাই
সুঁতি সলাই বৈ যায়
মৰাসূঁতিৰ বুকুত থৈ যায়
মাথোঁ স্মৃতিৰ বালিচৰ.....

পুৰণা ছাত্রাৱাসত তিনিটাকৈ বসন্ত পাৰ কৰা ষষ্ঠ ষান্মাসিকৰ আৱাসী সকলৰ বিদায় ক্ষণ সমাগত হোৱাৰ উপলক্ষে অনুষ্ঠিত হোৱা বিদায় সম্বৰ্দ্ধনা অনুষ্ঠান(০৪/০৫/২০২৪)ৰ কিছু আলোকচিত্র।
সকলোৱে ভৱিষ্যতৰ সোণোৱালী বাটেৰে ধাৱমান হওঁক তাৰে কামনাৰে ....জয়তো পুৰণা ছাত্রাৱাস💫

(২০২১-২৪ বৰ্ষ)

19/01/2024

অসম লোকসেৱা আয়োগ ( APSC ) ৰ ২০২২ বৰ্ষৰ সংযুক্ত প্ৰতিযোগিতামূলক পৰীক্ষাত উত্তীৰ্ণ পুৰণা ছাত্ৰাবাস ( OBH ) ৰ প্ৰাক্তন আবাসীসকললৈ অভিনন্দন ...

08/11/2023

আলেখ্য
স্বপ্নৰ উপত্যকাইদি এই বাটে..... 🤍

হোষ্টেলত কি আছে,‌বিশেষকৈ পুৰণা ছাত্ৰাবাসত
ইয়াত আছে এখন ঘৰ, এটা পৰিয়াল, এটা জীৱন 🤗
পুৰণা ছাত্ৰাবাসৰ ২০২৩ বৰ্ষৰ নৱাগত আদৰণি সভাত পৰিৱেশন কৰাঁ আলেখ্যৰ কিছু দৃশ্যাংশ 🤍
শিৰোনাম : স্বপ্নৰ উপত্যকাইদি এই বাটে
কণ্ঠ: পল্লৱ গগৈ, শ্যামল গগৈ।
সংগীত : দেৱপ্ৰতীম শইকীয়া
অভিনয়ত : অংশুমান,অবিনাশ,সমূজ্বল,সীমান্ত, অংশুমান,দেৱাংগ,সুমন,ঋষভ,জ্যোতিষ্ময়, কল্যাণ
বাদ্যযন্ত্ৰত সহায়ক : শিৱসাগৰ কলেজৰ ছাত্ৰ পৰশ, মাধূৰ্য,অম্বৰিশ আৰু বিপ্লৱ য়েইন ( তেওঁলোকক বিশেষভাৱে ধন্যবাদ)

বি:দ্ৰ: হোষ্টেলৰ আবাসীসকল অভিনয়ৰ ক্ষেত্ৰত একেবাৰে কেঁচা , ইয়াৰে বহুকেইজনে মঞ্চত এনেদৰে প্ৰথমবাৰৰ বাবে অভিনয় কৰিছে, মাত্ৰ দুটা নিশা আখৰা কৰি পৰিৱেশন কৰিছিল, ভুল ভ্ৰান্তি হ'লে আঙুলিয়াই দিব। সকলোৱে ভিদিঅ'টোএবাৰ চাব আৰু তেওঁলোকক আগুৱাই যোৱাত উৎসাহ যোগাব ।

06/11/2023

পুৰণা ছাত্ৰাবাসৰ 'অন্বেষণ'শীৰ্ষক অনুষ্ঠানটিৰ শুভ উদ্বোধনীৰ লগতে বিশেষ বক্তৃতানুষ্ঠানৰ কেইখনমান স্থিৰচিত্ৰ

06/11/2023

অন্বেষণ শীৰ্ষক অনুষ্ঠানৰ প্ৰথম বক্তা শ্ৰদ্ধাৰ শ্ৰীযুতা মলয়া বৰগোহাঁই বাইদেউৰ বক্তৃতা।
বিষয় : মানসিক স্বাস্থ্য আৰু চাপ।

04/11/2023

অন্বেষণ শীৰ্ষক অনুষ্ঠানৰ উদ্বোধনী অনুষ্ঠান আৰু বিশেষ বক্তৃতানুষ্ঠানৰ একাংশ দৃশ্য