BENNY's homestay

06/08/2025

Celebrating my 3rd year on Facebook. Thank you for your continuing support. I could never have made it without you. 🙏🤗🎉

09/02/2025

02/11/2022

ഇന്ന് നവംബർ 2, ഞങ്ങളുടെ വിശ്വാസപ്രകാരം മരിച്ചവരുടെ ഓർമ്മദിവസമാണ്. രാവിലെ പള്ളിയിൽ പോയി കുർബാനക്ക് ശേഷം സെമിത്തേരിയിലേക്ക് നടന്നു. സെമിത്തേരിയുടെ ഗേറ്റിന്റെ അവിടെ എത്തിയപ്പോൾ,പെട്ടന്ന് പിന്നിൽ നിന്ന് ഷോൾഡറിൽ ഒരു കൈവന്നു വീണു എനിക്കാളെ മനസ്സിലായില്ല. മനസ്സിലായോ എന്ന് അവൻ ചോദിച്ചതും എനിക്ക് തിരിഞ്ഞില്ല. കാരണം അവന്റെ സംസാരം അത്ര വ്യക്തമല്ലായിരുന്നു പിന്നീട് അടുത്തൊരാൾ പറഞ്ഞപ്പോഴാണ് എന്റൊപ്പം പത്താംക്ലാസ്സ്‌ വരെ പഠിച്ച ഒരു സുഹൃത്താണെന്ന് മനസ്സിലായത്,രൂപമൊക്കെ മാറിയിരിക്കുന്നു സംസാരിക്കാൻ ശരിക്കും കഴിയുന്നില്ല ഒരാക്സിഡന്റെ പറ്റിയതാണ്. ഞങ്ങൾ ഒരേ പ്രായക്കാരാണ് ഇപ്പോൾ പതിയെ ജീവിതത്തിലേക്ക് തിരിച്ചു വന്നുകൊണ്ടിരിക്കുന്നു.

പിന്നീട് അച്ഛൻ ഒപ്പീസ് ചൊല്ലുന്ന സമയം മുഴുവൻ എന്റെ ചിന്ത എവിടെയായിരുന്നോ അവിടെ നിന്ന് ഇതെഴുതുന്നത് വരെ അത് മാറിയിട്ടില്ല ആ ചിന്ത നമ്മുടെയൊക്കെ അഹങ്കാരത്തെകുറിച്ചായിരുന്നു. നല്ലൊരു ജോലി ഉണ്ടെന്ന് കരുതി,നല്ലൊരു സാലറി ഉണ്ടെന്നു കരുതി, ഒരുപാട് സമ്പത്ത് ഉണ്ടെന്നു കരുതി,സ്ഥാനമാനങ്ങളിൽ അഹങ്കരിച്ച് ജീവിക്കുന്നവർ, ഇതൊന്നുമില്ലെങ്കിലും വെറുതെ അഹങ്കരിക്കുന്നവർ,അതിനൊക്കെ എത്ര കാലമാണ് ആയുസ്സുള്ളത്?ഉള്ളിലോട്ട് എടുക്കുന്ന ശ്വാസം പുറത്തോട്ട് പോവാത്ത നിമിഷം വരെ.. അത്ര വരെ മാത്രം

സെമിത്തേരിയാണ് ഇത് ആലോചിക്കാൻ പറ്റിയ ഏറ്റവും നല്ല സ്ഥലമെന്ന് തോന്നുന്നു . കാരണം തെളിവുകളുമായി ഒരുപാടാളുകൾ അവിടെ വിശ്രമിക്കുന്നുണ്ട്.

നമ്മൾ ഒരുപാട് പ്ലാനുകൾ ചെയ്യും ജീവിതത്തിൽ ഒരുപാട് പ്രതീക്ഷിക്കും പ്ലാനുകളും പ്രതീക്ഷകളും പൂർത്തിയാകും എന്ന് എന്താണ് ഉറപ്പ് നമ്മൾ ജീവിച്ചിരുന്നാൽ അല്ലേ, അല്ലെങ്കിൽ നമ്മളിൽ ഇപ്പോൾ ഇരിക്കുന്ന അവസ്ഥയിൽ ആയിരുന്നാൽ അല്ലേ അതിനൊക്കെ കഴിയൂ. പണ്ടെവിടെയോ വായിച്ചൊരു കാര്യം ഓർക്കുന്നു.അഹങ്കാരം ഒരു രോഗമാണ് ആരോഗ്യമുള്ളപ്പോൾ മാത്രം പ്രകടമാകുന്ന ഒരു രോഗം. അത് ശരിയാണ് ആരോഗ്യമുള്ളപ്പോൾ ഉണ്ടാകുന്ന രോഗമാണ് അഹങ്കാരം

ഇങ്ങനെ ഞാൻ എഴുതുമ്പോൾ നിങ്ങളുടെ കോൺഫിഡൻസിനെ അഹങ്കാരം എന്ന് വിളിക്കരുതെന്ന് പറയാൻ തോന്നുന്നുണ്ടാവും. കോൺഫിഡൻസും അരോഗൻസും തമ്മിൽ നല്ല വ്യത്യാസം ഉണ്ട്. ആത്മവിശ്വാസം എന്നു പറയുന്നത് നല്ലതിനെ തിരിച്ചറിയാനും തിരുത്താനും മനസ്സ് കാണിക്കും അഹങ്കാരം എന്നു പറയുന്നത് ഞാൻ ഇങ്ങനെ ആവൂ, ഞാൻ ഒന്നിനും മാറ്റങ്ങൾ വരുത്തില്ല, ആരു പറയുന്നതും മാനിക്കില്ല ഉദാഹരണത്തിന് എന്റെ കവർ ഫോട്ടോയിൽ എഴുതിയിരുന്നത് പോലെ "എന്റെ എഴുത്തിൽ മാറ്റങ്ങൾ വരുത്താൻ ഒരു ഉദ്ദേശവും ഇല്ല "എന്നുള്ളത് എന്റെ അഹങ്കാരമാണ് നിങ്ങൾ അത് നോക്കാൻ പോകണ്ട ഞാനത് ഡിലീറ്റ് ചെയ്തു🤣

നല്ല കാര്യങ്ങളെ ഉൾക്കൊള്ളാൻ നമുക്ക് കഴിഞ്ഞില്ലെങ്കിൽ അതിനുശേഷം നമുക്ക് ചില തിരിച്ചറിവുകൾ കിട്ടും അത് ചിലപ്പോൾ മനുഷ്യരിലൂടെ ആയിരിക്കും അല്ലെങ്കിൽ പുസ്തകങ്ങളിലൂടെ ആയിരിക്കും അല്ലെങ്കിൽ മറ്റെന്തെങ്കിലും മാധ്യമങ്ങളിലൂടെ ആയിരിക്കും അതും വകവെക്കാതെ മുന്നോട്ടുള്ള യാത്ര പിന്നീട് പലതും നഷ്ടപ്പെട്ടു എന്ന് തിരിച്ചറിയുന്ന അവസ്ഥയിലേക്ക് ആയിരിക്കും

പ്രിയമുള്ളവരെ അഹങ്കരിക്കാൻ നമുക്കൊന്നുമില്ല അലക്സാണ്ടർ ചക്രവർത്തിയുടെ കഥ ഒന്ന് ഞാൻ നിങ്ങളെ ഓർമ്മിപ്പിക്കുകയാണ് പലർക്കും അറിയാമെങ്കിലും ഈ അവസരത്തിൽ ഞാനിതു ഇവിടെ കൂട്ടിച്ചേർക്കുകയാണ്

വെറും കഥയല്ല,സംഭവ കഥയാണ്.ലോകചരിത്രത്തിലെ
ഏറ്റവും പ്രഗത്ഭനായ സൈനാധിപൻ എന്ന് വാഴ്ത്തപ്പെടുന്ന അലക്സാണ്ടർ ചക്രവർത്തിയെ കുറിച്ചാണ്.

പുരാതന മാസിഡോണായിലെ ഒരു ഗ്രീക്ക് രാജാവായിരുന്നു അലക്സാണ്ടർ ചക്രവർത്തി.താൻ ജീവിച്ചിരുന്ന കാലത്ത് ചെയ്ത ഒരു യുദ്ധത്തിൽ പോലും പരാജയ പെട്ടിട്ടില്ല.ചരിത്രത്തിലെ ഏറ്റവും കൂടുതൽ വിജയം നേടിയ സൈനീക നേതാവായി അദ്ദേഹത്തെ കരുതുന്നു.തത്വ ചിന്തകനായിരുന്ന അരിസ്റ്റോട്ടിലാണ് പതിനാറ് വയസ്സുവരെ അദ്ദേഹത്തെ പഠിപ്പിച്ചിരുന്നത്.മുപ്പത്തിരണ്ടാം വയസ്സിലാണ് ചക്രവർത്തി ലോകത്തോട് വിട പറയുന്നത്. മരണമടയുമ്പോൾ അലക്സാണ്ടർ പുരാതന ഗ്രീക്കുകാർക്ക് പരിചിതമായ പ്രദേശങ്ങൾ ഒട്ടുമിക്കവയും കീഴടക്കിയിരുന്നു.

കൊടിയ വിഷം കലർന്ന വീഞ്ഞു കഴിച്ചതാണ് മരണ കാരണമെന്നാണ് കണ്ടെത്തൽ. അവസാന നിമിഷങ്ങൾ വളരെ പ്രതിസന്ധി കളിലൂടെയാണ് അദ്ദേഹം കടന്നുപോയത്. കിടക്കയിൽ കിടന്നു കരയുന്ന
അലക്സാണ്ടറിനെ കണ്ട് പടയാളികളും
നെഞ്ചുരുകി കരഞ്ഞു .തന്റെ ചുറ്റുമുള്ളവരോടായി അദ്ദേഹം ഇങ്ങനെ പറഞ്ഞു

"മരണത്തെക്കുറിച്ച് ഓർത്തല്ല ഞാൻ കരയുന്നത്.മറിച്ച് അർത്ഥമില്ലാത്ത ജീവിതത്തെ കുറിച്ചോർത്താണ്''

തന്റെ മരണശേഷം ചെയ്യേണ്ട മൂന്ന്
കാര്യങ്ങളും സൈനീകരോടായി പറഞ്ഞു.
ഒന്നാമതായി പറഞ്ഞത്.
തന്റെ ശവപ്പെട്ടി
തന്നെ ശുശ്രൂഷിച്ച ഡോക്ടർമാർ
ചുമക്കണം.
രണ്ട് വശത്തുമായി
മരുന്നുകളുടെ ഒഴിഞ്ഞ കുപ്പികളുമായി
ഡോക്ടറിന്റെ സഹായികൾ കാണണം.
പകച്ച് നിന്ന പടയാളികളോട് അതിന്റെ അർത്ഥവും പറഞ്ഞു കൊടുത്തു.
ഈശ്വര വിധിയെ മറി കടക്കാൻ ആർക്കും കഴിയില്ല.എന്തെല്ലാം നേടിയാലും ആരോഗ്യം ഇല്ല എങ്കിൽ ഒന്നും നേടുന്നില്ല..ലോകത്തിലെ എത്ര പ്രഗൽഭൻമാരായ ഡോക്ടറിനോ മരുന്നുകൾക്കോ നമ്മുടെ ആയുസ്സിനെ
പിടിച്ച് നിറുത്താൻ കഴിയില്ല.

രണ്ടാമതായി പറഞ്ഞത്.
നാളിതുവരെ താൻ സമ്പാദിച്ച സ്വർണ്ണവും, പണവും,രത്നവും വഴിയിൽ വിതറണം. അതിന്റെ മുകളിലൂടെ നടന്നു വേണം തന്റെ മൃതദേഹം കൊണ്ട് പോകാൻ.വിജയങ്ങൾ മാത്രം അനുഭവിച്ച തനിക്ക് ഒന്നും കിട്ടിയില്ല. ജീവിതത്തിൽ ഭൗതിക സന്തോഷം മാത്രമല്ല
വലുതെന്നും,സമ്പാദിച്ചതെല്ലാം വെറും ജീവനില്ലാത്ത കല്ലുകൾ മാത്രമാണ്.
എന്നതായിരുന്നു തന്റെ വാക്കുകളുടെ അർത്ഥം.

അവസാനമായി പറഞ്ഞത്.
തന്റെ ശവപ്പെട്ടിയിലൂടെ ശൂന്യമായ രണ്ട് കൈകളും പുറത്തേക്കിടണം എന്നായിരുന്നു.ലോകത്തിൽ എന്തൊക്കെ നേടിയാലും മരണ ശേഷം ഒന്നും
കൊണ്ടുപോകുന്നില്ല.വെറും കൈയോടെ ഭൂമിയിൽ വന്നു വെറും കൈയോടെ തിരിച്ച് ഭൂമിയോട് ചേരുന്നു.

പലതും കണ്ടാലും കേട്ടാലും പഠിക്കില്ല പക്ഷെ കൊണ്ട് കഴിഞ്ഞ് അധികം പഠിക്കാനും പഴയതുപോലെ ജീവിക്കാനും കഴിയില്ല ഇപ്പോൾ നമ്മൾ ആയിരിക്കുന്നതുപോലെ എല്ലാ കാലവും നമ്മൾ ആയിരിക്കും എന്ന് പ്രതീക്ഷിക്കരുത്. യൗവനം കഴിഞ്ഞാലുടൻ വാർദ്ധക്യമുണ്ട് അതിലേക്ക് പോകുന്ന വഴിയിൽ തടസ്സങ്ങളുണ്ട്.എവിടെ അവസാനിക്കുമെന്ന് അറിയാത്ത ഈ ജീവിതത്തിൽ ഒരുപാട് അഹങ്കരിക്കരുത്. നാലാളറിയാൻ വല്ലതും ചെയ്യുന്നതിലും നല്ലത് നമ്മൾ ഇല്ലാതാകുന്ന സമയം മുതൽ നല്ലൊരാളിവിടെ ജീവിച്ചിരുന്നെന്ന് പറയുന്നതാണ്...

23/07/2022