27/07/2026
Bellissima poesia
VAL DE PORO¹
Quando no so come passar la sera
e che me salta el solito me mal²,
guardo dove che gira la bandiera³
che segna el tempo e vàgo a spasso in val.
E me rùgolo⁴ zo par quei sentieri,
col me cagneto che ’l g’à nome Alì
e par quanto che g’abia assè⁵ pensieri,
tuti, ma tuti, i porto via con mi!
De là dal monte, dove, fiaco fiaco
el paese se ràmpega⁶ a metà,
el sol se sconde come el fusse straco
de vendar chiaro così a bon marcà;
da l’altra parte, tuta fresca e sana,
con un far da parona, in meso al çiel,
’na luna bianca, che la par de pana⁷
pian pianeto la nàvega in batel...
Ne la val, no gh’è ciassi, e gh’è un boscheto
dove cresse le piante da arlevàr⁸,
e no gh’è gnanca el solito fosseto
che ne vegna tra i piè par ciacolar;
ma quasi sempre el paroco, che dise
el breviario, sentado⁹ in fondo al prà,
e là, in quel posto, l’ha piantà radise
e no gh’è santi che el se mova un fià.
Quando le foie, taca¹⁰ a voltar via
dal primo sono, e i grii taca a siolar¹¹
’na rosarieta de malinconia
che ne mete la voia de pensar;
quando le stele taca a desmissiarse¹²
co la scufia in traverso, e mal pont๳,
e i cani in volta, i seguita a ciamarse
da le casàre¹⁴ p***e in quà e in là...
Torno a refàr la strada de i sentieri,
col me cagneto che ’l g’à nome Alì,
e par quanto che g’abia assè pensieri,
tuti, ma tuti, i porto su con mi!
Le pegore, vien su co la so lana
e i agneleti che sta a pena in piè,
e par strada, se incontra ’na campana
che tontonando¹⁵ la vol dir: tornè!
E torna tuti, e quasi tuti i tase,
che a le nove, in montagna, i vol dormir,
e i lumeti che gira par le case
uno a la volta i spèssega¹⁶ a morir...
Alora solo, dopo che a le tante,
s’ha messo a cucio anca quel poro¹⁷ Alì,
sento el to cor, che el bate da distante,
ne la to casa, parchè el pensa a mi!
Note al testo
Val de Poro: Valdiporro, paesetto modesto dei Lessini, situato in un'amena valletta, nei pressi di Boscochiesanuova, dove il Poeta andava a trascorrere qualche periodo d'estate.
me mal: il mio male, nel senso di inquietudine, estro.
la bandiera: la banderuola che indica lo spirare del vento.
me rùgolo: ruzzolo, scendo in fretta.
assè: molti (assai).
se ràmpega: s'arrampica a metà, ossia è a mezza costa.
la par de pana: sembra di panna.
piante da arlevàr: piante da crescere, di vivaio.
sentado: seduto.
taca: comincia.
siolar: fischiettare.
desmissiarse: svegliarsi.
mal pontà: male fissati.
casàre: cascine di montagna, malghe.
tontonando: suonando un po' monotona.
i spèssega: si affrettano.
poro: povero, in senso affettuoso.
